ಬಾಡಿ ಬಿಲ್ಡರ್ ಗೆ ಹೃದಯಾಘಾತ

ದಾ ನಗರವಾಣಿ ಸುದ್ದಿ ದಾವಣಗೆರೆ; ಜಿಮ್ ಮುಗಿಸಿಕೊಂಡು ಮನೆಗೆ ಬಂದ ಬಾಡಿ ಬಿಲ್ಡರ್ ಹೃದಯಾಘಾತದಿಂದ ಮೃತಪಟ್ಟ ಘಟನೆ ಇಲ್ಲಿನ ಕೆಟಿಜೆ ನಗರದಲ್ಲಿ ಮಂಗಳವಾರ ರಾತ್ರಿ 9 ಗಂಟೆಗೆ ಸಂಭವಿಸಿದೆ. ಇಲ್ಲಿನ ಕೆಟಿಜೆ ನಗರದ ವಾಸಿ ಸುಶೀಲಕುಮಾರ (26 ವರ್ಷ) ಮೃತ ಬಾಡಿ ಬಿಲ್ಡರ್. ಎಂದಿನAತೆ ಜಿಮ್ ಮುಗಿಸಿ ಮನೆಗೆ ಬಂದ ಸುಶೀಲಕುಮಾರ ಊಟ ಮುಗಿಸಿದ ಕೆಲ ಕ್ಷಣದಲ್ಲೇ ಕುಸಿದು ಬಿದ್ದಿದ್ದಾರೆ. ತಕ್ಷಣವೇ ಸುಶೀಲಕುಮಾರಗೆ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ ಅಷ್ಟರಲ್ಲಾಗಲೇ ಸುಶೀಲ ಕುಮಾರ ಉಸಿರಿ ನಿಂತಿತ್ತು ಎನ್ನಲಾಗಿದೆ.

ಹರಿಹರ: ವ್ಯಕ್ತಿಯೊಬ್ಬನ ಕೊಲೆ

ದಾ ನಗರವಾಣಿ ಸುದ್ದಿ ಹರಿಹರ: ಜಮೀನು ಹಾಗೂ ಮರ ಕಡಿಯುವ ವಿಚಾರವಾಗಿ ನಡೆದ ಗಲಾಟೆಯಲ್ಲಿ ವ್ಯಕ್ತಿಯೊಬ್ಬನನ್ನು ಕಲ್ಲಿನಿಂದ ಹೊಡೆದು ಭೀಕರವಾಗಿ ಕೊಲೆ ಮಾಡಿರುವ ಘಟನೆ ದಾವಣಗೆರೆ ಜಿಲ್ಲೆ ಹರಿಹರ ತಾಲೂಕಿನ ದೀಟೂರು ಗ್ರಾಮದಲ್ಲಿ ಬುಧವಾರ ಬೆಳಗ್ಗೆ ನಡೆದಿದೆ. ​ದೀಟೂರು ಗ್ರಾಮದ ನಿವಾಸಿ ಲಂಕೇಶ ಕೆ.ಬಿ (40 ವರ್ಷ) ಕೊಲೆಯಾದ ದುರ್ದೈವಿ. ಘಟನೆಗೆ ಸಂಬAಧಿಸಿದAತೆ ಮೃತನ ಸೋದರ ಚಂದ್ರಶೇಖರ್ ಕೆ.ಬಿ ಅವರು ಹರಿಹರ ಗ್ರಾಮಾಂತರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ. ​ಕೊಲೆಗೆ ಕಾರಣ ಮತ್ತು ಘಟನೆಯ ವಿವರ: ​ದೂರುದಾರರಾದ ಚಂದ್ರಶೇಖರ್ ಅವರ ಕುಟುಂಬಕ್ಕೂ ಹಾಗೂ ಅವರ ಮಾವ ಹನುಮಂತಪ್ಪ ಎಂಬುವವರಿಗೂ ಜಮೀನು ವಿಚಾರದಲ್ಲಿ ಹಳೇ ದ್ವೇಷವಿತ್ತು. ಜೂ.3ರ ಬುಧವಾರ ಬೆಳಗ್ಗೆ ಸುಮಾರು 9.30ರ ಸಮಯದಲ್ಲಿ, ಹನುಮಂತಪ್ಪ ಅವರು ಚಂದ್ರಶೇಖರ್ ಅವರ ಮನೆಯ ಮುಂಭಾಗದಲ್ಲಿದ್ದ ಮರವನ್ನು ಕಡಿಯುತ್ತಿದ್ದರು. ​ಇದನ್ನು ಗಮನಿಸಿದ ಚಂದ್ರಶೇಖರ್ ಅವರ ತಮ್ಮ ಲಂಕೇಶ, “ನಮ್ಮ ಮಾವನಿಗೆ ಸೇರಿದ ಜಾಗದಲ್ಲಿರುವ ಮರವನ್ನು ಏಕೆ ಕಡಿಯುತ್ತಿದ್ದೀರಿ?” ಎಂದು ಪ್ರಶ್ನಿಸಿದ್ದಾನೆ. ಇದರಿಂದ ತೀವ್ರ ಕೆರಳಿದ ಹನುಮಂತಪ್ಪ, “ಇದನ್ನು ಕೇಳಲು ನೀನ್ಯಾವನೋ” ಎಂದು ಏಕಾಏಕಿ ಕೈಯಲ್ಲಿದ್ದ ಕುಡುಗೋಲಿನಿಂದ ಲಂಕೇಶನಿಗೆ ಬೀಸಿದ್ದಾನೆ. ಲಂಕೇಶ ಮತ್ತು ಚಂದ್ರಶೇಖರ್ ಇಬ್ಬರೂ ಅಲ್ಲಿಂದ ತಪ್ಪಿಸಿಕೊಂಡಿದ್ದಾರೆ. ​ಕಲ್ಲಿನಿAದ ಹೊಡೆದು ಕ್ರೂರ ಹತ್ಯೆ: ​ಇಷ್ಟಕ್ಕೇ ನಿಲ್ಲದ ಜಗಳದಲ್ಲಿ ಹನುಮಂತಪ್ಪ ಅಲ್ಲೇ ಬಿದ್ದಿದ್ದ ಕಲ್ಲನ್ನು ಎತ್ತಿಕೊಂಡು ಬಂದು ಲಂಕೇಶನ ಎದೆಗೆ ಬಲವಾಗಿ ಜಜ್ಜಿದ್ದಾನೆ. ಹೊಡೆತದ ತೀವ್ರತೆಗೆ ಲಂಕೇಶ ಎದೆ ಹಿಡಿದುಕೊಂಡು ರಕ್ತದ ಮಡುವಿನಲ್ಲಿ ನೆಲಕ್ಕೆ ಬಿದ್ದಿದ್ದಾನೆ. ​ತಕ್ಷಣವೇ ಕುಟುಂಬಸ್ಥರು ಹಾಗೂ ಸ್ಥಳೀಯರು ಸೇರಿ ಗಾಯಾಳುವನ್ನು ಆಟೋದಲ್ಲಿ ಹರಿಹರದ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ ಪರಿಸ್ಥಿತಿ ಗಂಭೀರವಾಗಿದ್ದರಿAದ ವೈದ್ಯರ ಸಲಹೆಯ ಮೇರೆಗೆ ದಾವಣಗೆರೆಯ ಎಸ್.ಎಸ್ ಆಸ್ಪತ್ರೆಗೆ ಕಾರಿನಲ್ಲಿ ಕರೆದುಕೊಂಡು ಹೋಗಲಾಗಿದೆ. ಆದರೆ, ಮಧ್ಯಾಹ್ನ 12.45ರ ಸುಮಾರಿಗೆ ಆಸ್ಪತ್ರೆಗೆ ತಲುಪುವ ಮಾರ್ಗ ಮಧ್ಯದಲ್ಲೇ ಲಂಕೇಶ ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದ್ದಾರೆ. ​ನಾಲ್ವರ ವಿರುದ್ಧ ಎಫ್.ಐ.ಆರ್ ದಾಖಲು: ​ಹಳೇ ದ್ವೇಷ ಹಾಗೂ ಮರ ಕಡಿಯುವ ವಿಚಾರದಲ್ಲಿ ಗಲಾಟೆ ಮಾಡಿ ಲಂಕೇಶನನ್ನು ಕೊಲೆ ಮಾಡಿರುವ ಉದ್ದೇಶದಿಂದ ಕಲ್ಲಿನಿಂದ ಹೊಡೆದು ಸಾಯಿಸಲಾಗಿದೆ ಎಂದು ಚಂದ್ರಶೇಖರ್ ಅವರು ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ. ​ದೂರಿನ ಅನ್ವಯ ಹರಿಹರ ಗ್ರಾಮಾಂತರ ಠಾಣೆ ಪೊಲೀಸರು ನಾಲ್ವರು ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ: ​ಹನುಮAತಪ್ಪ ಸೇರಿದ ಹಲವರ ವಿರುದ್ಧ ಮೊಕದ್ದಮೆ ದಾಖಲಿಸಲಾಗಿದ್ದು, ಹರಿಹರ ಗ್ರಾಮಾಂತರ ಠಾಣೆಯ ಪಿಎಸ್‌ಐ ಯುವರಾಜ್ ಕೆ. ಅವರು ಮುಂದಿನ ತನಿಖೆ ಕೈಗೊಂಡಿದ್ದಾರೆ

ಸಿಡಿಲಿಗೆ ಜಗಳೂರು ತಾಲ್ಲೂಕು ಮರೇನಹಳ್ಳಿ ಗ್ರಾಮದ 6 ಮೇಕೆಗಳು ಬಲಿ

ದಾ.ನಗರವಾಣಿ ಸುದ್ದಿ ಜಗಳೂರು, ಮೇ.31: ತಾಲ್ಲೂಕಿನಾದ್ಯಂತ ಭಾನುವಾರ ಸಂಜೆ ಸುರಿದ ಗುಡುಗು-ಸಿಡಿಲು ಸಹಿತ ಮಳೆಯಿಂದಾಗಿ ಮರೇನಹಳ್ಳಿ ಗ್ರಾಮದ ಹೊರಹೊಲಯದಲ್ಲಿ ಸಿಡಿಲು ಬಡಿದು 6 ಮೇಕೆಗಳು ಬಲಿಯಾಗಿವೆ. ಮರೇನಹಳ್ಳಿ ಗ್ರಾಮದ ಕೃಷ್ಣಪ್ಪ ಎಂಬ ಕುರಿಗಾಹಿಗೆ ಮೇಕೆ ಕುರಿಗಳನ್ನು ಮೇಯಿಸಲು ಜಮೀನಿಗೆ ತೆರಳಿದ ವೇಳೆ ಈ ದುರ್ಘಟನೆ ನಡೆದಿದ್ದು, 6 ಮೇಕೆಗಳು ಸ್ಥಳದಲ್ಲಿಯೇ ಮೃತಪಟ್ಟಿವೆ.

ತಳ್ಳೋಗಾಡಿಯಲ್ಲಿ ಶವ ಇದು ಆಡಳಿತ ವೈಫಲ್ಯಕ್ಕೆ ಸಾಕ್ಷಿ

ದಾ ನಗರವಾಣಿ ಸುದ್ದಿ ಕೊಟ್ಟೂರು: ಚಪ್ಪರದಹಳ್ಳಿ ಹಲವಾರು ವರ್ಷಗಳಿಂದಲೂ ಸ್ಮಶಾನದ ಸಮಸ್ಯೆ ಇತ್ತು. ಇದಕ್ಕೆ ಪರಿಹಾರವಾಗಿ ಸರ್ಕಾರ ನಿಗದಿತ ಸ್ಥಳವನ್ನು ಮಂಜೂರು ಮಾಡಿ ಸ್ಮಶಾನಕ್ಕೆ ಜಾಗ ಗೊತ್ತು ಮಾಡಿದೆ. ಆದರೆ ಸ್ಮಶಾನಕ್ಕೆ ಹೋಗುವ ದಾರಿ ಮಾತ್ರ ಸುಲಭವಾಗಿಲ್ಲ. ರೈಲ್ವೆ ಅಂಡರ್ ಪಾಸ್‌ನಿಂದ ಮೃತ ಶರೀರವನ್ನು ಒಯ್ಯುವಾಗ ಮಳೆ ನೀರು ಅಂಡರ್ ಪಾಸ್ ನಿಂತು ಶವಗಳನ್ನು ಒಯ್ಯಲು ವಿಪರೀತ ತೊಂದರೆಯಾಗಿದೆ. ಶವ ಹೊತ್ತು ಒಯ್ಯಲು ಅಂಡರ್ ಪಾಸ್ ಎತ್ತರದಲ್ಲಿ ಇಲ್ಲದ ಕಾರಣ ಕೆಳಗೇ ಒಯ್ಯಬೇಕು. ಮಳೆ ಏನಾದರೂ ಬಂದರೆ ಮಳೆ ನೀರು ಅಂಡರ್ ಪಾಸ್‌ನಲ್ಲಿ ನಿಂತು, ಶವಗಳನ್ನು ಒಯ್ಯಲು ತುಂಬಾ ಹೆಣಗಾಡುವ ಪರಿಸ್ಥಿತಿ ಬಂದೊದಗಿದೆ. ಗ್ರಾಮ ಪಂಚಾಯಿತಿ ಇದಕ್ಕೊಂದು ಶಾಶ್ವತ ಪರಿಹಾರ ಕಂಡುಕೊಳ್ಳಬೇಕಿದೆ. ಇತ್ತೀಚೆಗೆ ಮೃತ ವ್ಯಕ್ತಿಯನ್ನು ಒಂದು ತಳ್ಳುಗಾಡಿಯಲ್ಲಿ ಒತ್ತೊಯ್ಯುತ್ತಿರುವುದು ಮಾನವ ಸಮಾಜಕ್ಕೆ ಕಪ್ಪು ಚುಕ್ಕೆಯಾಗಿದೆ. ಸಂವಿಧಾನದ ಪ್ರಕಾರ ಮೃತ ವ್ಯಕ್ತಿಗೂ ಸಹ ಗೌರವದಿಂದ ಆತನ ಸಂಸ್ಕಾರ ಮಾಡಬೇಕೆಂಬ ನಿಯಮವಿದ್ದರೂ ಇಂತಹ ಪರಿಸ್ಥಿತಿಗಳಲ್ಲಿ ಮೃತ ಶರೀರವನ್ನು ಒಯ್ಯಲು ಇಂತಹ ತೊಂದರೆಗಳು ಎದುರುಗಾಣುತ್ತಿರುವುದು ಆಡಳಿತದ ಸ್ಪಷ್ಟ ವೈಫಲ್ಯವೇ ಕಾರಣ. ಅಂಡರ್ ಪಾಸ್‌ನಲ್ಲಿ ಸರಿಯಾಗಿ ನೀರು ಹೋಗುವ ವ್ಯವಸ್ಥೆ ಮಾಡಿದ್ದರೆ ಬಹುಶಃ ಇಂತಹ ಸಂದರ್ಭ ಎದುರಾಗುತ್ತಿರಲಿಲ್ಲ. ಆದರೆ ಅಲ್ಲಿ ಬಿದ್ದ ನೀರು ಬೇರೆಯಲ್ಲೂ ಹೋಗದ ಕಾರಣ ಅಲ್ಲಿಯೇ ನಿಂತು, ಕೆಸರು ತುಂಬಿ ಓಡಾಡುವ ಹಾಗೆ ಇರುವುದಿಲ್ಲ. ಅಧಿಕಾರಿ ವರ್ಗ ಇದನ್ನು ಎಚ್ಚೆತ್ತು ಮುಂದಿನ ದಿನಗಳಲ್ಲಿ ಇದಕ್ಕೊಂದು ಪೂರ್ಣ ವಿರಾಮ ನೀಡುವುದೋ ಕಾದು ನೋಡಬೇಕಾಗಿದೆ.

ಚಾಲಕನ ನಿಯಂತ್ರಣ ತಪ್ಪಿ ಹದಡಿ ಕೆರೆಗೆ ಬಿದ್ದ ಕಾರು

ದಾವಣಗೆರೆ ತಾಲ್ಲೂಕಿನ ಹದಡಿ ಗ್ರಾಮದಲ್ಲಿರುವ ಕೆರೆಗೆ ಕಾರೊಂದು ಚಾಲಕನ ನಿಯಂತ್ರಣ ತಪ್ಪಿ ಬಿದ್ದಿರುವ ಘಟನೆ ಸೋಮವಾರ ಬೆಳಗ್ಗೆ ನಡೆದಿದೆ. ಚನ್ನಗಿರಿ ಕಡೆಯಿಂದ ದಾವಣಗೆರೆಗೆ ಬರುತ್ತಿದ್ದ ಕಾರು ನಿಯಂತ್ರಣ ತಪ್ಪಿ ಹದಡಿ ಕೆರೆಗೆ ಬಿದ್ದಿದೆ. ತಿರುವು ಪಡೆದುಕೊಳ್ಳುವಾಗ ಚಾಲಕನ ನಿಯಂತ್ರಣ ತಪ್ಪಿ ಕೆರೆಗೆ ಕಾರು ಬಿದ್ದಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ. ಇನ್ನು ಕಾರಿನಲ್ಲಿ‌ ಇದ್ದವರಿಗೆ ಸಣ್ಣ ಪುಟ್ಟ ಗಾಯಗಳು ಆಗಿರುವುದು ಬಿಟ್ಟು ಇನ್ಯಾವುದೇ ಸನಾಹುತ ಆಗಿಲ್ಲ. ಸ್ಥಳೀಯರ ಸಹಾಯದಿಂದ ಕಾರನ್ನು ಮೇಲಕ್ಕೆ ಎತ್ತಲಾಗಿದೆ ಎಂದು ಮಾಹಿತಿ ಲಭಿಸಿದೆ.

ಉತ್ತಮ ಮಳೆ: ಕಾದು ಕೆಂಡವಾಗಿದ್ದ ದಾವಣಗೆರೆ ಈಗ ಕೂಲ್... ಕೂಲ್....

ದಾ ನಗರವಾಣಿ ಸುದ್ದಿ ದಾವಣಗೆರೆ: ಕಾದು ಕೆಂಡವಾಗಿದ್ದ ದಾವಣಗೆರೆಯಲ್ಲಿ‌ ಉತ್ತಮ ಮಳೆ ಸುರಿಯುತ್ತಿದ್ದು, ಶುಕ್ರವಾರ ಮುಂಜಾನೆ ಸುರಿದ ಮಳೆಯಿಂದ ನಗರದಲ್ಲಿ ಕೂಲ್... ಕೂಲ್... ವಾತಾವರಣವನ್ನು ಜನರು ಎಂಜಾಯ್ ಮಾಡಿದರೆ, ಕೆಲವು ಕಡೆ ತಗ್ಗು ಪ್ರದೇಶಗಳಲ್ಲಿ ನೀರು ನುಗ್ಗಿದ್ದರಿಂದ ಜನರು ಪರದಾಡಿದರು. ಶುಕ್ರವಾರ ಮುಂಜಾನೆ ಎರೆಡು ಗಂಟೆಗೂ ಹೆಚ್ಚು ಕಾಲ ಮಳೆ ರಭಸವಾಗಿ ಸುರಿಯಿತು. ಇದರಿಂದ ನಗರದ ಸರಸ್ವತಿ ಬಡಾವಣೆಯ ಬಿ ಬ್ಲಾಕ್, ಹಳೇ ಪಿಬಿ ರಸ್ತೆಯ ಶಂಕರ್ ಬಡಾವಣೆ ಸೇರಿದಂತೆ ಅನೇಕ ಕಡೆ ರಸ್ತೆಗಳಲ್ಲಿ ಮತ್ತು ತಗ್ಗು ಪ್ರದೇಶಗಳಲ್ಲಿ ನೀರು ಜಮಾವಣೆಗೊಂಡು ಜನ ಪರದಾಡಿದರು. ಮತ್ತೊಂದು ಕಡೆ ಬೆಳಗಾದರೆ ಬಿಸಿನ ತಾಪವನ್ನೇ ಅನುಭವಿಸುತ್ತಿದ್ದ ದಾವಣಗೆರೆ ಜನ ಬೆಳ್ಳಂಬೆಳಗ್ಗೆ ಸುರಿದ ಮಳೆಯಿಂದ ಉಂಟಾದ ತಪ್ಪು ವಾತಾವರಣವನ್ನು ಅನುಭವಿಸಿದರು. 'ಜೋರು ಮಳೆಯಾದಾಗೆಲ್ಲಾ ಬಡಾವಣೆಯು ಜಲಾವೃತವಾಗುತ್ತದೆ. ಮನೆಗಳಿಗೂ ನೀರು ನುಗ್ಗುತ್ತದೆ. ಸಮಸ್ಯೆ ಬಗೆಹರಿಸುವಂತೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ಹಲವು ಬಾರಿ ಮನವಿ ಮಾಡಿದರೂ ಪ್ರಯೋಜನವಾಗಿಲ್ಲ' ಎಂದು ಶಂಕರ ಲೇಔಟ್ ನಿವಾಸಿಗಳು ದೂರಿದ್ದಾರೆ. ತಗ್ಗು ಪ್ರದೇಶದಲ್ಲಿನ ರಸ್ತೆಗಳು ಜಲಾವೃತವಾಗಿದ್ದರಿಂದ ಸಂಚರಿಸಲು ವಾಹನ ಸವಾರರು ಪರದಾಡಿದರು. ನ್ಯಾಮತಿ, ಮಲೇಬೆನ್ನೂರು, ಸಂತೆಬೆನ್ನೂರು ಭಾಗದಲ್ಲೂ ಬೆಳಿಗ್ಗೆ 6 ಗಂಟೆಯಿಂದ ಗುಡುಗು ಸಿಡಿಲು ಸಹಿತ ವರುಣ ಆರ್ಭಟಿಸಿದ್ದಾನೆ. ಕೆಲ ದಿನಗಳಿಂದ ಸುರಿಯುತ್ತಿರುವ ಮಳೆಯು ಮುಂಗಾರು ಹಂಗಾಮಿನ ಕೃಷಿ ಚಟುವಟಿಕೆಗೆ ಜೀವ ತುಂಬಿದ್ದರೆ, ಕೆಲವೆಡೆ ಅಪಾರ ಪ್ರಮಾಣದ ತೋಟಗಾರಿಕೆ ಬೆಳೆಗಳ ಹಾನಿಗೂ ಕಾರಣವಾಗಿದೆ ಎನ್ನುತ್ತಾರೆ ರೈತರು. ಜಿಲ್ಲೆಯಲ್ಲಿ ರೈತರು ಮುಂಗಾರು ಹಂಗಾಮಿನ ಬಿತ್ತನೆಗೆ ಹೊಲಗಳನ್ನು ಸಜ್ಜುಗೊಳಿಸುತ್ತಿದ್ದಾರೆ.

ಬೀದಿ ನಾಯಿಗಳಿಗೆ ಸಂತಾನಹರಣ ಶಸ್ತ್ರ ಚಿಕಿತ್ಸೆಗೆ ಚಾಲನೆ

ದಾವಣಗೆರೆ ನಗರದ ಬೀದಿ ನಾಯಿಗಳಿಗೆ ಸಂತಾನಹರಣ ಶಸ್ತ್ರ ಚಿಕಿತ್ಸೆಗೆ ಗುರುವಾರದಿಂದ ಚಾಲನೆ ನೀಡಲಾಗಿದ್ದು, ಮಹಾನಗರ ಪಾಲಿಕೆಯ ಈ ಮಹತ್ವದ ಕಾರ್ಯಕ್ಕೆ ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಸಮರ್ಥ್ ಶಾಮನೂರು ಮಲ್ಲಿಕಾರ್ಜುನ್ ಅವರು ಮೆಚ್ಚುಗೆ ವ್ಯಕ್ತಪಡಿಸಿ, ಬೀದಿ ನಾಯಿಗಳನ್ನು ಸೆರೆ ಹಿಡಿಯುವ ಸ್ಥಳಕ್ಕೆ ಭೇಟಿ ನೀಡಿದರು. ದಾವಣಗೆರೆ ನಗರದ ದೇವರಾಜ್ ಅರಸ್ ಬಡಾವಣೆಯಲ್ಲಿನ ಬೀದಿ ನಾಯಿಗಳಿಗೆ ಸಂತಾನ ಹರಣ ಚಿಕಿತ್ಸೆ ನೀಡಲು ಹಾಗೂ ರೇಬೀಸ್ ಸೋಂಕಿತ ಅಥವಾ ತುಂಬಾ ಆಕ್ರಮಣಕಾರಿ ನಾಯಿಗಳನ್ನು ಸೆರೆಹಿಡಿದು ಅಗತ್ಯ ಚಿಕಿತ್ಸೆ ಮತ್ತು ಕ್ರಮ ಕೈಗೊಳ್ಳುವಲ್ಲಿ ಮಹಾನಗರ ಪಾಲಿಕೆಯೊಂದಿಗೆ ಪಶು ವೈದ್ಯಕೀಯ ಇಲಾಖೆಯ ವೈದ್ಯರ ಸಹಕಾರ ಪಡೆಯಲಾಗುವುದು ಹಾಗೂ ಈ ಕಾರ್ಯಕ್ರಮವನ್ನು ನಗರದ ಎಲ್ಲಾ ವಾರ್ಡ್ ಗಳಲ್ಲಿ ಕೈಗೊಳ್ಳಲಾಗುವುದು ಎಂದು ಪಾಲಿಕೆ ಆಯುಕ್ತರು ಶಾಸಕರಿಗೆ ಮಾಹಿತಿ ನೀಡಿದರು. ಪ್ರಸಕ್ತ ವರ್ಷದಲ್ಲಿ 5500ಕ್ಕೂ ಹೆಚ್ಚು ಬೀದಿ ನಾಯಿಗಳಿಗೆ ಸಂತಾನ ಹರಣ ಚಿಕಿತ್ಸೆ ಮತ್ತು ರೇಬೀಸ್ ನಿರೋಧಕ ಲಸಿಕೆ ನೀಡಲು ಉದ್ದೇಶಿಸಿದ್ದು, ಪ್ರತಿ ದಿನ 20 ನಾಯಿಗಳನ್ನು ಹಿಡಿದು ದಾವಣಗೆರೆ ನಗರದ ಹೊರ ವಲಯದಲ್ಲಿನ ಎಬಿಸಿ ಸೆಂಟರ್ ನಲ್ಲಿ ಸಂತಾನ ಹರಣ ಚಿಕಿತ್ಸೆ ಮಾಡಿ, ರೇಬೀಸ್ ನಿರೋಧಕ ಲಸಿಕೆ ನೀಡಿ ಮೂರು ದಿನಗಳ ಆರೈಕೆ ನಂತರ ಅದೇ ಸ್ಥಳದಲ್ಲಿ ಬಿಡಲಾಗುವುದು ಎಂದು ಆಯುಕ್ತರು ಶಾಸಕರಿಗೆ ಮಾಹಿತಿ ನೀಡಿದರು. ಸಂತಾನ ಹರಣ ಚಿಕಿತ್ಸೆಯ ಜವಾಬ್ದಾರಿಯನ್ನು ASRA ಸಂಸ್ಥೆಗೆ ವಹಿಸಲಾಗಿದ್ದು, ಈ ಸಂಸ್ಥೆಯವರು ಬೀದಿನಾಯಿಗಳಿಗೆ ಮಾತ್ರ ಸಂತಾನ ಹರಣ ಚಿಕಿತ್ಸೆ ಮಾಡುವರು ಮತ್ತು ರೇಬಿಸ್ ಕುರಿತಾಗಿ ಜನರಲ್ಲಿ ಜಾಗೃತಿ ಮೂಡಿಸಲು ಮಹಾನಗರ ಪಾಲಿಕೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದರು. ಶಾಸಕರ ಸಮರ್ಥ್ ಶಾಮನೂರು ಅವರು ಮಾತನಾಡಿ ನಗರದಲ್ಲಿ ಇತ್ತೀಚೆಗೆ ಬೀದಿನಾಯಿಗಳ ಉಪಟಳ ಹೆಚ್ಚಾಗಿರುವ ಬಗ್ಗೆ ಗಮನಕ್ಕೆ ಬಂದಿರುವುದಾಗಿ ತಿಳಿಸುತ್ತಾ, ಎಲ್ಲಾ ಬೀದಿ ನಾಯಿಗಳು ಹುಚ್ಚು ನಾಯಿಗಳಲ್ಲ. ಒಂದು ಹುಚ್ಚು ನಾಯಿ 50 ಕಿ.ಮೀ. ಕ್ರಮಿಸಿ ಸರಾಸರಿ 100 ಪ್ರಾಣಿಗಳಿಗೆ ಕಚ್ಚಿ ರೋಗ ಹರಡಬಹುದು ಎಂದರು. ನಾಯಿಗಳ ಸಂಖ್ಯೆ ಹೆಚ್ಚಾಗಲು ಮುಖ್ಯ ಕಾರಣ ಬೀದಿನಾಯಿಗಳಿಗೆ ಎಲ್ಲೆಂದರಲ್ಲಿ ಎಸೆಯುವ ತ್ಯಾಜ್ಯದಲ್ಲಿ ಆಹಾರ ಸಿಗುವುದು. ಸಾರ್ವಜನಿಕರು ಉಳಿದ ಆಹಾರ ತ್ಯಾಜ್ಯವನ್ನು ಪಾಲಿಕೆಯ ವಾಹನಕ್ಕೆ ನೀಡದೇ ಎಲ್ಲೆಂದರಲ್ಲಿ ಎಸೆಯುವುದರಿಂದಲೂ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗುತ್ತದೆ. ಬೀದಿನಾಯಿಗಳ ಉಪಟಳ ನಿಯಂತ್ರಸಲು ಸಾರ್ವಜನಿಕರು ತ್ಯಾಜ್ಯವನ್ನು ಎಲ್ಲೆಂದರಲ್ಲಿ ಎಸೆಯದೇ ಪಾಲಿಕೆಯ ವಾಹನಕ್ಕೆ ನೀಡಲು ಮನವಿ ಮಾಡಿದರು ಸೋಂಕಿರುವ ನಾಯಿ 10 ದಿನಕ್ಕೂ ಹೆಚ್ಚು ಆರೋಗ್ಯವಾಗಿ ಬದುಕಿದ್ದರೆ ಅದು ರೇಬೀಸ್ ಬಹುತೇಕ ಸೋಂಕಿತ ನಾಯಿ ಆಗಿರುವುದಿಲ್ಲ ಮತ್ತು ಅದರಿಂದ ರೇಬಿಸ್ ಬರುವ ಭಯವಿಲ್ಲ, ಪ್ರತಿ ವರ್ಷ ಲಸಿಕೆ ಪಡೆದ ಸಾಕುನಾಯಿಗಳಿಂದ ರೇಬಿಸ್ ಬರುವುದಿಲ್ಲ. ಯಾರೇ ಆಗಲಿ ಬೀದಿ ನಾಯಿ ಕಚ್ಚಿದಲ್ಲಿ ಯಾವುದೇ ರೀತಿಯ ನಿರ್ಲಕ್ಷ್ಯತೆ ತೋರದೇ ಹತ್ತಿರದ ಆಸ್ಪತ್ರೆಗೆ ತೆರಳಿ ಸೂಕ್ತ ಚಿಕಿತ್ಸೆ ಪಡೆಯಬೇಕು. ಆಸ್ಪತ್ರೆಗೆ ತೆರಳಿ ಚಿಕಿತ್ಸೆ ಪಡೆಯುವುದರ ಜೊತೆಗೆ ಕಚ್ಚಿದ ಬೀದಿ ನಾಯಿಯ ಬಗ್ಗೆ ಮಹಾನಗರ ಪಾಲಿಕೆ ಅಥವಾ ಪಶು ಇಲಾಖೆ ಗಮನಕ್ಕೆ ತರಬೇಕೆಂದರು. ಈ ಸಂದರ್ಭದಲ್ಲಿ ಮಹಾನಗರ ಪಾಲಿಕೆಯ ಆಯುಕ್ತರು, ಆರೋಗ್ಯ ಶಾಖೆಯ ಸಹಾಯಕ ಕಾರ್ಯಪಾಲಕ ಅಭಿಯಂತರರು ಹಾಗೂ ಇತರೆ ಅಧಿಕಾರಿಗಳು ಉಪಸ್ಥಿತರಿದ್ದರು.

ನಗರದಲ್ಲಿ 4 ಸಾವಿರ ಭೂಮಾಪಕರಿಂದ ಬೃಹತ್ ಪ್ರತಿಭಟನೆ: ಜಯದೇವ ಸರ್ಕಲ್ ಬಂದ್

ಪರವಾನಿಗೆ ಭೂಮಾಪಕರಿಗೆ ಕಾಯಂಗೊಳಿಸಬೇಕು, ಸಮಾನ ಕೆಲಸಕ್ಕೆ ಸಮಾನ ವೇತನ ನೀಡಬೇಕು, ಪರವಾನಗಿ ಎಂಬ ಜೀತ ಪದ್ಧತಿಯಿಂದ ಮುಕ್ತಿ ನೀಡಬೇಕು ಸೇರಿದಂತೆ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ‌‌ ಗದ್ದೆಯಿಂದ ನ್ಯಾಯದ ಗಡಿಯವರೆಗು ಎಂಬ ಘೋಷ ವಾಕ್ಯದೊಂದಿಗೆ ಅಖಿಲ ಕರ್ನಾಟಕ ಸರ್ಕಾರಿ ಪರವಾನಿಗೆ ಭೂಮಾಪಕರ ಸಂಘದ ಸಹಯೋಗದಲ್ಲಿ ಸುಮಾರು ನಾಲ್ಕು ಸಾವಿರ ಭೂಮಾಪಕರು ದಾವಣಗೆರೆ ನಗರದಲ್ಲಿ ಮಂಗಳವಾರ ಬೃಹತ್ ಪ್ರತಿಭಟನೆ ನಡೆಸಿದರು. ರಾಜ್ಯ ವಿವಿಧ ಜಿಲ್ಲೆಗಳಿಂದ ಆಗಮಿಸಿದ್ದ ಸುಮಾರು ನಾಲ್ಕು ಸಾವಿರ ಭೂಮಾಪಕರು ದಾವಣಗೆರೆ ನಗರದ ಹೈಸ್ಕೂಲ್ ಮೈದಾನದಲ್ಲಿ ಜಮಾವಣೆಗೊಂಡರು. ನಂತರ ಜಯದೇವ ವೃತ್ತದವರೆಗು ಪ್ರತಿಭಟನಾ ಮೆರವಣಿಗೆ ನಡಿಸಿ, ವೃತ್ತದಲ್ಲಿ‌ ಮಾನವ ಸರಪಳಿ ನಿರ್ಮಿಸಿ, ಬಂದ್ ಮಾಡಿ ಸರ್ಕಾರ ವಿರುದ್ಧ ಘೋಷಣೆಗಳನ್ನು ಕೂಗುತ್ತ ಆಕ್ರೋಶ ವ್ಯಕ್ತಪಡಿಸಿದರು. ಭೂಮಾಪಕರ ಪ್ರತಿಭಟನೆಗೆ ವಿವಿಧ ರೈತ ಸಂಘಗಳಿಂದ ಬೆಂಬಲ ಕೂಡ ನೀಡಲಾಗಿತ್ತು. ಈ ವೇಳೆ ಮಾತನಾಡಿದ ರೈತ ಮುಖಂಡ ಹುಚ್ಚವ್ವನಹಳ್ಳಿ ಮಂಜುನಾಥ್ ಅವರ, 30 ಸಾವಿರ ಜನ ರೈತರು ಭೂಮಾಪಲರ ಜೊತೆ ನಿಲ್ಲುತ್ತೇವೆ. ಆದಷ್ಟು ಬೇಗ ಭೂಮಾಪಕರ ಸಮಸ್ಯೆಗಳನ್ನು ಬಗೆಹರಿಸಬೇಕು ಎಂದರು. ಯಾದನಂದ ಸ್ವಾಮೀಜಿ ಪ್ರತಿಭಟನೆಯಲ್ಲಿ ಭಾಗವಹಿಸಿ ಮಾತನಾಡಿ, ಆದಷ್ಟು ಬೇಗ ಭೂಮಾಪಕರ ಬೇಡಿಕೆಗಳನ್ನು ಸರ್ಕಾರ ಈಡೇರಿಸಲು ಮುಂದಾಗಬೇಕು ಎಂದು ಒತ್ತಾಯಿಸಿದರು. ------

ಹರಿಹರದಲ್ಲಿ ಭೀಕರ ರೈಲು ಅಪಘಾತ, ಬೆಂಕಿ 5 ಸಾವು, ಜನರನ್ನು ರಕ್ಷಿಸಿದ ಅಧಿಕಾರಿಗಳು ಗಾಬರಿಯಾಗಬೇಡಿ, ಇದು ನಿಜವಲ್ಲ, ಅಣಕು ಪ್ರದರ್ಶನ

ದಾ ನಗರವಾಣಿ ಸುದ್ದಿ ಹರಿಹರ: ಮೈಸೂರಿನಿಂದ ಬೆಳಗಾವಿಗೆ ತೆರಳುತ್ತಿದ್ದ ಮೈಸೂರು ಬೆಳಗಾವಿ ಬೇಸಿಗೆ ವಿಶೇಷ ಸೂಪರ್ ಎಕ್ಸ್ಪ್ರಸ್ ರೈಲು ಸಂಖ್ಯೆ ನಂ 06285 ಹಳಿ ತಪ್ಪಿದ ಪರಿಣಾಮ ಭೀಕರ ಅಪಘಾತ ಹರಿಹರ ಸಮೀಪ ನಡೆದಿದೆ. ಅಪಘಾತದ ರಭಸಕ್ಕೆ ಒಂದು ಬೋಗಿಯಲ್ಲಿ ಬೆಂಕಿ ಹೊತ್ತಿಕೊಂಡರೆ, ಮತ್ತೊಂದು ಬೋಗಿಯ ಮುಂಭಾಗ ಬೆಂಕಿ ಹೊತ್ತಿಕೊಂಡ ಬೋಗಿಯ ಮೇಲೆ ಹೋಗಿ ಕುಳಿತಿದೆ. ಮತ್ತೊಂದು ಬೋಗಿಯೂ ಬಹುತೇಕ ಜಖಂಗೊAಡಿದೆ. ರೈಲ್ವೆ ಸಿಬ್ಬಂದಿ ತಕ್ಷಣ ಸಮೀಪದ ನಿಲ್ದಾಣಾಧಿಕಾರಿಗಳಿಗೆ ಹಾಗೂ ರೈಲ್ವೆ ಮುಖ್ಯಸ್ಥರಿಗೆ ಮಾಹಿತಿ ನೀಡಿದ ಪರಿಣಾಮ ಎನ್‌ಡಿಆರ್‌ಎಫ್, ಎಸ್‌ಡಿಆರ್‌ಎಫ್ ಹಾಗೂ ರಾಜ್ಯ ಸರ್ಕಾರದ ವಿವಿಧ ಇಲಾಖೆಗಳ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ರೈಲಿನಲ್ಲಿದ್ದ ಎಲ್ಲಾ ಪ್ರಯಾಣಿಕರನ್ನು ಕಾಪಾಡಿ, ಧೈರ್ಯ ನೀಡಿ, ಪ್ರಥಮ ಚಿಕಿತ್ಸೆ ನೀಡಿ, ಅಗತ್ಯ ಇರುವವರಿಗೆ ಅಂಬುಲೆನ್ಸ್ ಮೂಲಕ ಸಮೀಪದ ಆಸ್ಪತ್ರೆಗೆ ಕಳುಹಿಸಿ ಕೊಡುವ ಮೂಲಕ ಅವಘಡ ನಡೆದ ಕೇವಲ ಒಂದು ಗಂಟೆಯಲ್ಲಿ ರಕ್ಷಿಸಿ ನೆರೆದ ಜನಸ್ತೋಮ ಮೂಗಿನ ಮೇಲೆ ಬೆರಳಿಟ್ಟುಕೊಳ್ಳುವ ರೀತಿ ವಿಪತ್ತು ನಿರ್ವಹಣಾ ಅಣಕು ಪ್ರದರ್ಶನ ಮಾಡುವಲ್ಲಿ ಯಶಸ್ವಿ ಆಯಿತು. ಅಣಕು ಪ್ರದರ್ಶನ: ನೈಋತ್ಯ ರೈಲ್ವೆಯ ಮೈಸೂರು ವಿಭಾಗವು ಗುರುವಾರ ಹರಿಹರ ರೈಲು ನಿಲ್ದಾಣದಲ್ಲಿ ಪೂರ್ಣ ಪ್ರಮಾಣದ ವಾರ್ಷಿಕ ವಿಪತ್ತು ನಿರ್ವಹಣಾ ಅಣಕು ಅಭ್ಯಾಸವನ್ನು ಯಶಸ್ವಿಯಾಗಿ ನಡೆಸಿತು. ರಾಷ್ಟ್ರೀಯ ವಿಪತ್ತು ಪ್ರತಿಕ್ರಿಯಾ ಪಡೆ, ರಾಜ್ಯ ವಿಪತ್ತು ಪ್ರತಿಕ್ರಿಯಾ ಪಡೆ, ಜಿಲ್ಲಾಡಳಿತ, ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳು, ಆರೋಗ್ಯ ಇಲಾಖೆ, ಪೊಲೀಸ್ ಇಲಾಖೆ ಹಾಗೂ ಇತರೆ ರಾಜ್ಯ ಸರ್ಕಾರದ ಇಲಾಖೆಗಳ ಸಹಯೋಗದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಕಂಡು ಬಂದ ದೃಶ್ಯ ಇದು. ಈ ಅಭ್ಯಾಸದಲ್ಲಿ ಒಂದು ಎಸಿ 3-ಟಿಯರ್ ಕೋಚ್, ಒಂದು ಸ್ಲೀಪರ್ ಕೋಚ್ ಮತ್ತು ಒಂದು ಸಾಮಾನ್ಯ ಕೋಚ್ ಒಳಗೊಂಡAತೆ ಹಲವು ಬೋಗಿಗಳು ಪ್ರಭಾವಿತವಾಗಿದ್ದಂತೆ ತೋರಿಸಲಾಯಿತು. ಸುಮಾರು 10 ಜನರಿಗೆ ಸಣ್ಣ ಗಾಯಗಳು, 10 ಜನರಿಗೆ ಗಂಭೀರ ಗಾಯಗಳು ಮತ್ತು 5 ಜನರು ಮೃತಪಟ್ಟಂತೆ ತೋರಿಸಿ ನೈಜ ಪರಿಸ್ಥಿತಿಯನ್ನು ರೂಪಿಸಲಾಯಿತು. ರೈಲು ಅಪಘಾತದಂತ ಸಂದರ್ಭಗಳಲ್ಲಿ ಕೈಗೊಳ್ಳಬೇಕಾದ ರಕ್ಷಣಾ ಕಾರ್ಯಾಚರಣೆ, ಗಾಯಾಳುಗಳ ಸ್ಥಳಾಂತರ, ತುರ್ತು ಚಿಕಿತ್ಸೆ, ಅಗತ್ಯ ಇದ್ದವರಿಗೆ ಅನುಗುಣವಾಗಿ ವಿಶೇಷ ಆಸ್ಪತ್ರೆಗೆ ಸಾಗಿಸುವ, ರೈಲಿನಲ್ಲಿದ್ದ ಪ್ರಯಾಣಿಕರ ಸರಕು ಸಾಮಗ್ರಿಗಳನ್ನು ಸಂರಕ್ಷಿಸಿ ಅದನ್ನು ಪ್ರಯಾಣಿಕರಿಗೆ ಮುಟ್ಟಿಸುವ ಹಾಗೂ ಸಾರ್ವಜನಿಕರಲ್ಲಿ ವಿಪತ್ತು ನಿರ್ವಹಣೆ ಕುರಿತು ಜಾಗೃತಿ ಮೂಡಿಸುವ ಉದ್ದೇಶದಿಂದ ನಡೆದ ಅಭ್ಯಾಸ ಅತ್ಯಂತ ರೋಚಕವಾಗಿತ್ತು. `ಅವಘಡ ಸಂಭವಿಸಿದ ಕೆಲವೇ ಸಮಯದಲ್ಲಿ ಸಮೀಪದ ರೈಲ್ವೇ ನಿಲ್ದಾಣದ ಅಧಿಕಾರಿಗಳು ವಾಕಿಟಾಕಿಗಳ ಮೂಲಕ ಯಾವುದೇ ರೈಲುಗಳು ಆ ಭಾಗದಲ್ಲಿ ಸಂಚರಿಸದAತೆ ಮುನ್ಸೂಚನೆ ನೀಡುತ್ತಾರೆ. ನಂತರ ಎನ್ ಡಿಆರ್ ಎಫ್ ಹಾಗೂ ಎಸ್ ಡಿಆರ್ ಎಫ್ ಮತ್ತು ಸ್ಥಳೀಯ ಪೊಲೀಸ್ ಠಾಣೆ, ಅಂಬ್ಯುಲೆನ್ಸ್ಗೆ ಮಾಹಿತಿ ಹಾಗೂ ಲೊಕೇಷನ್ ರವಾನೆ ಆಗುತ್ತೆ. ತಕ್ಷಣ ಆಗಮಿಸುವ ಅಧಿಕಾರಿ ಸಿಬ್ಬಂದಿ ಅವಘಡ ನಡೆದ ಸ್ಥಳಕ್ಕೆ ಸಮೀಪದ ನಗರ ಹಾಗೂ ಹಳ್ಳಿಗಳ ಸಾರ್ವಜನಿಕರು ಅಪಘಾತಗೊಂಡ ರೈಲಿನ ಬಳಿ ಹೋಗದಂತೆ ತಡೆಯುವ ಮೂಲಕ ರೈಲಿನ ಪ್ರಯಾಣಿಕರ ವಸ್ತುಗಳು ಕಳುವಾಗದಂತೆ ಕಾಪಾಡುತ್ತಾರೆ. ಮತ್ತೊಂದು ತಂಡ ರೈಲಿನ ಒಳಗಿರುವ ಪ್ರಯಾಣಿಕರನ್ನು ಹೊರಗೆ ಕರೆ ತರುತ್ತಾರೆ. ಅಪಘಾತಕ್ಕೆ ಒಳಗಾದ ರೈಲು ಬಾಗಿಲುಗಳು ತೆರೆಯದಂತೆ ಜಕಂ ಆಗಿದ್ದರೆ, ಯಂತ್ರ ಚಾಲಿತ ಕಟ್ಟಿಂಗ್ ಮಿಷಿನ್ ಸಹಾಯದೊಂದಿಗೆ ಕಿಟಕಿಗಳನ್ನು ಕತ್ತರಿಸಲು ಮತ್ತೊಂದು ತಂಡ ಕಾರ್ಯ ತತ್ಪರವಾಗುತ್ತದೆ. ಹಾಗೆ ಕತ್ತರಿಸಿದ ಕಿಟಕಿ ಒಳಗೆ ಪ್ರವೇಶಿಸುವ ತಂಡ ಪ್ರಯಾಣಿಕರನ್ನು ಸುರಕ್ಷಿತವಾಗಿ ಕೆಳಗಿಳಿಸುತ್ತದೆ. ಮತ್ತೊಂದು ತಂಡ ಅವರನ್ನು ಹೆಗಲ ಮೇಲೆ ಅಥವಾ ಇಬ್ಬರು ಅವರಿಗೆ ನೋವಾಗದಂತೆ ಎತ್ತಿಕೊಂಡು ಹಾಗೂ ತುಂಬಾ ತೊಂದರೆ ಆದವರನ್ನು ಸ್ಟ್ರೆಚರ್ ಮೇಲೆ ಮಲಗಿಸಿ ಸಮೀಪದಲ್ಲಿ ತಾತ್ಕಾಲಿಕವಾಗಿ ನಿರ್ಮಿಸಿದ ವೈದ್ಯಕೀಯ ಚಿಕಿತ್ಸಾ ಟೆಂಟ್ ಗೆ ಕರೆ ತರುತ್ತಾರೆ. ಬೆಂಕಿ ಹತ್ತಿದ ಬೋಗಿಯೊಳಗೆ ಮೂಗಿಗೆ ಆಕ್ಸಿಜನ್ ಹಾಕಿಕೊಂಡು ತಮ್ಮ ಜೀವದ ಹಂಗು ತೊರೆದು ಹೋಗುವ ಸಿಬ್ಬಂದಿ ಪ್ರತಿಯೊಬ್ಬ ಪ್ರಯಾಣಿಕರನ್ನು ರಕ್ಷಿಸಲು ಹರ ಸಾಹಸ ಮಾಡುತ್ತಾರೆ. ಅಷ್ಟಕ್ಕೆ ಬಿಡದೇ, ಪ್ರಯಾಣಿಕರ ಬೆಲೆ ಬಾಳುವ ವಸ್ತುಗಳನ್ನು ಹಾಗೂ ಸಾಧ್ಯವಿದ್ದರೆ, ಸಂಪೂರ್ಣ ಸರಕು ಸರಂಜಾಮುಗಳನ್ನು ರೈಲಿನಿಂದ ಹೊರ ತರದೇ ಕೆಳಗಿಳಿಯುವುದಿಲ್ಲ. ಹಾಗೆ ತಂದ ವಸ್ತುಗಳನ್ನು ಯಾವ ಭೊಗಿಯ ವಸ್ತುಗಳು ಎಂದು ಲಿಖಿತವಾಗಿ ದಾಖಲಿಸಿ, ನೀಟಾಗಿ ಜೋಡಿಸಿಡುವ ಕಾರ್ಯ ನಡೆಯುವ ಮೂಲಕ ಪ್ರಯಾಣಿಕರ ಸುರಕ್ಷತೆ ಮಾತ್ರ ನಮ್ಮ ಜವಬ್ದಾರಿ ಅಲ್ಲ ಅವರ ವಸ್ತುಗಳನ್ನು ಅವರಿಗೆ ಅವರ ಸಂಬAಧಿಕರಿಗೆ ಮುಟ್ಟಿಸುವುದು ಕೂಡಾ ನಮ್ಮ ಸೇವೆ ಇರುತ್ತದೆ ಎಂದು ಜನತೆಗೆ ತಿಳಿಸುವಲ್ಲಿ ಇಲಾಖೆ ಯಶಸ್ವಿ ಆಯಿತು. ಈ ನಡುವೆ ಆಗಮಿಸಿದ ಹರಿಹರ ಎಂವೈಎಸ್ ಡಿವಿಜನ್ ಮಿನಿರೈಲು ಹೆಚ್ಚುವರಿ ಸ್ಟ್ರೆಚರ್, ತುರ್ತು ಚಿಕಿತ್ಸಾ ವಸ್ತುಗಳು, ಕ್ಷಣಾರ್ಧದಲ್ಲಿ ಲೋಹ ಕತ್ತರಿಸುವ ಯಂತ್ರಗಳು ಸೇರಿದಂತೆ ವಿವಿಧ ವಸ್ತುಗಳನ್ನು ನೀಡುವ ಮೂಲಕ ಸಮರೋಪಾದಿಯಲ್ಲಿ ಕಾರ್ಯಾಚರಣೆ ನಡೆಸಲು ಸಿದ್ದ ಎಂಬುದನ್ನು ಮನದಟ್ಟು ಮಾಡುವಲ್ಲಿ ಯಶಸ್ವಿ ಆಯಿತು. ರೈಲಿನ ಬೋಗಿಗೆ ಬೆಂಕಿ ಹತ್ತಿದ್ದ ಪ್ರಯಾಣಿಕರನ್ನು ಮೊದಲನೆ ತಂಡ ರಕ್ಷಿಸಿದರೆ, ಮತ್ತೊಂದು ತಂಡ ಬೆಂಕಿ ತನ್ನ ಕೆನ್ನಾಲಿಗೆ ಚಾಚಿ ಹೊಗೆ ಮುಗಿಲೆತ್ತರಕ್ಕೆ ಆಗಮಿಸುವ ಮೊದಲು ಅಗ್ನಿ ಶಾಮಕ ದಳದೊಂದಿಗೆ ಜತೆ ಕೈಜೋಡಿಸಿ ಬೆಂಕಿ ಆರಿಸುವ ಕಾರ್ಯ ನಡೆಸುತ್ತದೆ. ನಂತರ ಫೊಮ್ ನ್ನು ಸಿಂಪಡಿಸಿ ಹತ್ತಿದ ಬೆಂಕಿಯನ್ನು ನಾಮಾವಶೇಷ ಮಾಡುವ ಮೂಲಕ ಸರ್ಕಾರಕ್ಕೆ ಸೇರಿದ ಯಾವುದೇ ವಸ್ತುಗಳು ದೇಶದ ಆಸ್ತಿ ಎಂದು ಸಾರಿದರು. ಈ ಕಾರ್ಯಾಚರಣೆಯಲ್ಲಿ ಸಂವಹನ ವ್ಯವಸ್ಥೆ, ಇಲಾಖೆಗಳ ನಡುವಿನ ಸಮನ್ವಯ, ರಕ್ಷಣಾ ಕಾರ್ಯದ ವೇಗ, ವೈದ್ಯಕೀಯ ಸೇವೆಗಳ ಪರಿಣಾಮಕಾರಿತ್ವ, ಜನಸಂದಣಿ ನಿಯಂತ್ರಣ ಹಾಗೂ ಪುನಃಸ್ಥಾಪನೆ ಸಿದ್ಧತೆಗಳನ್ನು ಸಮಗ್ರವಾಗಿ ಪರಿಶೀಲಿಸಲಾಯಿತು. ಅಭ್ಯಾಸದ ಅಂತ್ಯದಲ್ಲಿ ವಿವರವಾದ ವಿಮರ್ಶಾ ಸಭೆ ನಡೆಯಿತು. ಇಂತಹ ಅಣಕು ಅಭ್ಯಾಸಗಳನ್ನು ರೈಲ್ವೆ ಸಚಿವಾಲಯದ ಮಾರ್ಗಸೂಚಿಗಳಂತೆ ನಿಯಮಿತವಾಗಿ ನಡೆಸಲಾಗುತ್ತಿದ್ದು, ವಿಪತ್ತು ಸಿದ್ಧತೆಯನ್ನು ಬಲಪಡಿಸುವುದರ ಜೊತೆಗೆ ತುರ್ತು ಸಂದರ್ಭಗಳಲ್ಲಿ ವೇಗವಾದ ಮತ್ತು ಸಮನ್ವಯಿತ ಪ್ರತಿಕ್ರಿಯೆಯನ್ನು ಖಚಿತಪಡಿಸುತ್ತದೆ. ಇವು ಮಾನವ ಜೀವಹಾನಿ ಮತ್ತು ಆಸ್ತಿ ನಷ್ಟವನ್ನು ಕಡಿಮೆಗೊಳಿಸಲು ಹಾಗೂ ಎಲ್ಲಾ ಸಂಬAಧಿತ ಸಂಸ್ಥೆಗಳ ಕಾರ್ಯಕ್ಷಮತೆಯನ್ನು ಹೆಚ್ಚಿಸಲು ಮಹತ್ವದ ಪಾತ್ರ ವಹಿಸುತ್ತವೆ ಎಂದು ಮೈಸೂರು ವಿಭಾಗದ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಪೃಥ್ವಿ ಎಸ್ ಹುಲ್ಲತ್ತಿ ತಿಳಿಸಿದರು. ಅಣಕು ಕಾರ್ಯಕ್ರಮದಲ್ಲಿ ನೈಋತ್ಯ ರೈಲ್ವೆಯ ಹಿರಿಯ ಅಧಿಕಾರಿಗಳು ಈ ಕಾರ್ಯಾಚರಣೆಯನ್ನು ಸಮಗ್ರವಾಗಿ ಮೇಲ್ವಿಚಾರಣೆ ಮಾಡಿದರು. ಮೈಸೂರು ವಿಭಾಗದ ವಿಭಾಗೀಯ ರೈಲು ವ್ಯವಸ್ಥಾಪಕ ಮುದಿತ್ ಮಿಟ್ಟಲ್, ನೈರುತ್ಯ ರೈಲ್ವೆಯ ಮುಖ್ಯ ಸುರಕ್ಷತಾ ಅಧಿಕಾರಿ ರಾಮಕೃಷ್ಣ, ಹಾಗೂ ಮುಖ್ಯ ಯಾಂತ್ರಿಕ ಇಂಜಿನಿಯರ್ ಬಾಲಸುಂದರ್ ಪಿ ಸೇರಿದಂತೆ ಇತರ ಹಿರಿಯ ಅಧಿಕಾರಿಗಳು ಮತ್ತು ನಾಗರಿಕ ಆಡಳಿತದ ಪ್ರತಿನಿಧಿಗಳು ಉಪಸ್ಥಿತರಿದ್ದರು.

ಪೇಪರ್‌ಲೆಸ್ ಆಸ್ತಿ ನೋಂದಣಿ ರದ್ದತಿಗೆ ಆಗ್ರಹ ಪತ್ರ ಬರಹಗಾರರ ಪ್ರತಿಭಟನೆ, ಮನವಿ

ದಾ ನಗರವಾಣಿ ಸುದ್ದಿ ದಾವಣಗೆರೆ: ಆಸ್ತಿ ನೋಂದಣಿ ಕಾರ್ಯದಲ್ಲಿ ಪೇಪರ್ ಲೆಸ್ ಪದ್ಧತಿಯನ್ನು ರದ್ದುಗೊಳಿಸಬೇಕು ಎಂದು ಆಗ್ರಹಿಸಿ ನಗರದ ಅಂಬೇಡ್ಕರ್ ವೃತ್ತದಲ್ಲಿ ಜಿಲ್ಲಾ ದಸ್ತಾವೇಜು (ಪತ್ರ) ಬರಹಗಾರರ ಅಸೋಸಿಯೇಷನ್ ವತಿಯಿಂದ ಸೋಮವಾರ ಪ್ರತಿಭಟನೆ ಮಾಡಲಾಯಿತು. ಈ ವೇಳೆ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಬಿವಿ ಶಿವಾನಂದ ಅವರು ಮಾತನಾಡಿ, ಆಸ್ತಿ ನೋಂದಣಿ ಕಾರ್ಯದಲ್ಲಿ ಪೇಪರ್ ಲೆಸ್ ಪದ್ಧತಿಗೆ ಕಂದಾಯ ಸಚಿವರು ಚಾಮರಾಜ ಜಿಲ್ಲೆಯಲ್ಲಿ ಚಾಲನೆ ನೀಡಿದ್ದು, ಇದನ್ನು ರಾಜ್ಯಾದ್ಯಂತ ವಿಸ್ತರಿಸಲು ಸರ್ಕಾರ ಉದ್ದೇಶ ಹೊಂದಿದೆ. ಇದನ್ನು ಪತ್ರ ಬರಹಗಾರರ ಸಂಘ ಖಂಡಿಸುತ್ತದೆ ಎಂದರು. ಪೇಪರ್ ಲೆಸ್ ಪದ್ಧತಿಯಿಂದ ಸಾರ್ವಜನಿಕರಿಗೆ ತಮ್ಮ ಆಸ್ತಿ ಹೊಂದುವ ದಾಖಲೆಯಲ್ಲಿ ತೊಂದರೆ ಆಗಲಿದೆ. ಮಾರಾಟಗಾರರು ಮತ್ತು ಖರೀದಿದಾರರು ಈ ಪದ್ಧತಿಯಲ್ಲಿ ಸಹಿ ಹಾಕುವ ವ್ಯವಸ್ಥೆ ಕೂಡ ಇಲ್ಲ. ಯಾರ ಸಹಿ ಕೂಡ ಇಲ್ಲದ ಪತ್ರ ಕೋರ್ಟಿಗೆ ಹೋದ ಸಂದರ್ಭದಲ್ಲಿ ಪರಿಶೀಲನೆಗೆ ತೊಂದರೆ ಆಗಲಿದೆ. ಅದಲ್ಲದೆ ಲಕ್ಷಾಂತರ ಸಂಖ್ಯೆಯಲ್ಲಿ ಪತ್ರ ಬರಹಗಾರರು ಕೆಲಸ ಮಾಡುತ್ತಿದ್ದು, ಪೇಪರ್ ಲೆಸ್ ಪದ್ಧತಿಯಿಂದ ತೊಂದರೆ ಆಗಲಿದೆ ಎಂದರು. ಸಾರ್ವಜನಿಕರ ಗಮನಕ್ಕೆ ತರದೇ ಕಂದಾಯ ಸಚಿವರು, ನೋಂದಣಿ ಮತ್ತು ಮುದ್ರಾಂಕ ಇಲಾಖೆಯ ಕೆಲವು ಅಧಿಕಾರಿಗಳ ಏಕಪಕ್ಷೀಯ ತೀರ್ಮಾನದಂತೆ ಪೇಪರ್ ಲೆಸ್ ತಂತ್ರಾAಶವನ್ನು ನೋಂದಣಿ ಕಾರ್ಯಕ್ಕೆ ಅಳವಡಿಸಲಾಗಿದೆ. ಇದುವರೆಗೂ ಇದ್ದಂತೆ ಕಾವೇರಿ 2.0 ತಂತ್ರಾAಶವನ್ನೇ ಮುಂದುವರೆಸುವAತೆ ಅವರು ಒತ್ತಾಯಿಸಿದರು. ಕಂದಾಯ ಸಚಿವ ಕೃಷ್ಣಭೈರೇಗೌಡ ಅವರು ಇತ್ತೀಚಿಗೆ ಚಾಮರಾಜನಗರ ಜಿಲ್ಲೆಯ ಯಳಂದೂರು ಗ್ರಾಮದಲ್ಲಿ ಪೇಪರ್ ಲೆಸ್ ಎಂಬ ನಾಮಾಂಕಿತದಡಿಯಲ್ಲಿ ನೋಂದಣಿ ಕಾರ್ಯಕ್ಕೆ ಚಾಲನೆ ನೀಡಿದ್ದಾರೆ. ಈ ಹಿಂದಿನAತೆ ಕಾವೇರಿ 2.0 ತಂತ್ರಾAಶ ಅಳವಡಿಸಿ, ದಸ್ತಾವೇಜಿನ ಮಾರಾಟಗಾರರು, ಖರೀದಿದಾರರು, ಸಾಕ್ಷಿದಾರರಿಂದ ಓಟಿಪಿಯನ್ನು ಪಡೆದು, ಆಧಾರ ಕಾರ್ಡಿನಲ್ಲಿರುವಂತೆ ಫೋಟೋ, ಹೆಬ್ಬೆಟ್ಟಿನ ಗುರುತು ಪಡೆದ ನಂತರ ನೋಂದಣಿ ಆಗುತ್ತಿತ್ತು. ಇದು ಸರಿಯಾದ ವಿಧಾನ ಎಂದರು. ಜೊತೆಗೆ ದಸ್ತಾವೇಜು ಬರಹಗಾರ ವೃತ್ತಿಯನ್ನು ನಂಬಿರುವ ರಾಜ್ಯದ ಸಾವಿರಾರು ದಸ್ತಾವೇಜು ಬರಹಗಾರರು ಮತ್ತು ಅವರ ಅವಲಂಬಿತರು ಲಕ್ಷಾಂತರ ಜನರು ಪೇಪರ್ ಲೆಸ್ ನೋಂದಣಿ ಯಿAದ ತೊಂದರೆ ಅನುಭವಿಸುವಂತಾಗುತ್ತದೆ. ಆದ್ದರಿಂದ ಸರ್ಕಾರ ಕೂಡಲೇ ಆಸ್ತಿ ನೋಂದಣಿ ಕಾರ್ಯದಲ್ಲಿ ಪೇಪರ್ ಲೆಸ್ ಪದ್ಧತಿಯನ್ನು ರದ್ದುಗೊಳಿಸಬೇಕು ಎಂದು ಆಗ್ರಹಿಸಿದರು. ಪ್ರತಿಭಟನಾಕಾರರು ಜಯದೇವ ವೃತ್ತದಿಂದ ಬೈಕ್ ರ‍್ಯಾಲಿ ಮೂಲಕ ತೆರಳಿ ಸರ್ಕಾರಕ್ಕೆ ಮನವಿ ಪತ್ರ ಸಲ್ಲಿಸಿದರು. ಈ ಸಂದರ್ಭದಲ್ಲಿ ಅಧ್ಯಕ್ಷ ಡಿಕೆ ಸಂಗಮೇಶ್ ಎಲಿಗಾರ್, ಖಜಾಂಚಿ ಎಸ್ ರಾಜಶೇಖರ್, ಗೌರವ ಅಧ್ಯಕ್ಷ ಡಿಕೆ ಗೋಪಾಲ್ ರಾವ್, ಉಪಾಧ್ಯಕ್ಷ ಗಿರಿರಾಜು, ಧರ್ಮರಾಜ್, ಸಹ ಕಾರ್ಯದರ್ಶಿ ಕರಿಬಸಪ್ಪ ಬಳ್ಳಿ, ಸಂಘಟನಾ ಕಾರ್ಯದರ್ಶಿ ಎನ್‌ಪಿ ಚಂದ್ರಶೇಖರ್ ಮಧುಸೂದನ್ ಇತರರು ಇದ್ದರು.

ಚಿತ್ತನಹಳ್ಳಿ ಬಳಿ ಅಪಘಾತ: ಆಟೋ ಚಾಲಕ ಸಾವು

ದಾವಣಗೆರೆ ತಾಲ್ಲೂಕಿನ ಚಿತ್ತನಹಳ್ಳಿ ಬಳಿ ಲಾರಿ ಮತ್ತು ಆಟೋ ನಡುವೆ ಭೀಕರ ಅಪಘಾತ ಸಂಭವಿಸಿದೆ. ಈ ದುರ್ಘಟನೆಯಲ್ಲಿ ಆಟೋ ಚಾಲಕ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ​ಮೂವರು ಸ್ನೇಹಿತರು ಆಟೋದಲ್ಲಿ ದಾವಣಗೆರೆ ಕಡೆಗೆ ಬರುತ್ತಿದ್ದಾಗ ಸೋಮವಾರ ರಾತ್ರಿ 11 ಗಂಟೆಗೆ ಈ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ. ಘಟನೆಯಲ್ಲಿ ಇಬ್ಬರು ತೀವ್ರವಾಗಿ ಗಾಯಗೊಂಡಿದ್ದು, ಅವರನ್ನು ದಾವಣಗೆರೆ ನಗರದ ಎಸ್.ಎಂ. ಕೃಷ್ಣ ನಗರದ ಶಶಿಕುಮಾರ್ ಮತ್ತು ಮಹೇಶ್ ಎಂದು ಗುರುತಿಸಲಾಗಿದೆ. ಗಾಯಾಳುಗಳನ್ನು ತಕ್ಷಣವೇ ನಗರದ ಚಿಗಟೇರಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ​ಮೃತಪಟ್ಟ ಆಟೋ ಚಾಲಕನ ಬಗ್ಗೆ ಹೆಚ್ಚಿನ ಮಾಹಿತಿ ಇನ್ನು ಲಭ್ಯವಾಗಬೇಕಿದೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ."

ಹರೀಶ್ ಮತ್ತವರ ಬೆಂಬಲಿಗರು ಕಾಂಗ್ರೆಸ್ ಟೀಕಿಸಿದರೆ ಉಗ್ರ ಹೋರಾಟ: ವರುಣ್

ದಾ ನಗರವಾಣಿ ಸುದ್ದಿ ದಾವಣಗೆರೆ: ಕಾಂಗ್ರೆಸ್ ಮುಖಂಡರ ಬಗ್ಗೆ ಶಾಸಕ ಬಿಪಿ ಹರೀಶ್ ಮತ್ತು ಅವರ ಬೆಂಬಲಿಗರು ಇಲ್ಲ ಸಲ್ಲದ ಆರೋಪ ಮಾಡುವುದನ್ನು ಮುಂದುವರೆಸಿದರೆ ಹರಿಹರದಲ್ಲೇ ಉಗ್ರ ಹೋರಾಟ ಮಾಡಲಾಗುವುದು ಎಂದು ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷ ವರುಣ್ ಬೆಣ್ಣೆಹಳ್ಳಿ ಎಚ್ಚರಿಕೆ ನೀಡಿದರು. ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಶಾಸಕ ಬಿ.ಪಿ ಹರೀಶ್ ಅವರನ್ನು ಓಲೈಕೆ ಮಾಡಲು ಅವರ ಬೆಂಬಲಿಗರು ಕಾಂಗ್ರೆಸ್ ಮುಖಂಡರಿಗೆ ಸಂಸ್ಕೃತಿ ಬಗ್ಗೆ ಪಾಠ ಮಾಡುವ ಅವಶ್ಯಕತೆ ಇಲ್ಲ. ಇಲ್ಲಿಯವರೆಗೂ ದಿನೇಶ್ ಕೆ ಶೆಟ್ಟಿ ಸೇರಿದಂತೆ ಕಾಂಗ್ರೆಸ್ ಮುಖಂಡರು ಮನಸ್ಸಿಗೆ ಬೇಜಾರು ಆಗುವಂತಹ ಹೇಳಿಕೆಗಳನ್ನು ಕೊಟ್ಟಿಲ್ಲ. ಆದರೆ ಉದ್ದೇಶಪೂರ್ವಕವಾಗಿ ಕಾಂಗ್ರೆಸ್ ಮುಖಂಡರ ಬಗ್ಗೆ ಇಲ್ಲ ಸಲ್ಲದ ಆರೋಪ ಮಾಡಿದರೆ ಉಗ್ರ ಹೋರಾಟ ಮಾಡಲಾಗುವುದು ಎಂದು ಎಚ್ಚರಿಸಿದರು. ಹರಿಹರ ಶಾಸಕ ಬಿ.ಪಿ. ಹರೀಶ್ ಅವರಿಗೆ ಬಿಜೆಪಿ ಪಕ್ಷ ಮೊದಲು ಸಂಸ್ಕöÈತಿ ಕಲಿಸಲಿ. ಈ ಹಿಂದೆ ಹರೀಶ್ ಅವರು ದಾವಣಗೆರೆ ಜಿಲ್ಲೆಯ ಅಧಿಕಾರಿಗಳು, ಮಹಿಳಾ ಅಧಿಕಾರಿಗಳನ್ನು ಹೀನಾಯವಾಗಿ ನಿಂದಿಸಿದಾಗ ಬಿಜೆಪಿ ಮುಖಂಡರು ಎಲ್ಲಿ ಹೋಗಿದ್ದರು. ಈಗಾಗಲೇ ಮಾನಸಿಕ ಸ್ಥಿಮಿತ ಕಳೆದುಕೊಂಡಿರುವ ಹರಿಹರ ಶಾಸಕ ಬಿ.ಪಿ. ಹರೀಶ್ ಅವರಿಗೆ ನಿಜವಾಗಲು ಸಂಸ್ಕöÈತಿ ಇದೆಯಾ ಎಂದು ಪ್ರಶ್ನಿಸಿದರು. ಶಾಸಕ ಬಿಪಿ ಹರೀಶ್ ಅವರು ದಾವಣಗೆರೆ ಉತ್ತರದ ಬಗ್ಗೆ ಕಾಳಜಿ ಬಿಟ್ಟು ಹರಿಹರ ಕ್ಷೇತ್ರದ ಬಗ್ಗೆ ಕಾಳಜಿ ವಹಿಸಿ ಅಭಿವೃದ್ಧಿ ಮಾಡಲಿ. ಸಚಿವರು ತಾಲ್ಲೂಕುಗಳಿಗೆ ಎಷ್ಟು ಬಾರಿ ಭೇಟಿ ನೀಡಿದ್ದಾರೆ ಎಂದು ಕೇಳುವ ಬಿಜೆಪಿಗರು, ಬಿಪಿ ಹರೀಶ್ ಅವರು ಹರಿಹರ ಕ್ಷೇತ್ರದ ಜನರ ಕಷ್ಟಗಳನ್ನು ಬಗೆಹರಿಸುವ ಯಾವ ಕೆಲಸ ಮಾಡಿದ್ದಾರೆ? 2 ರಿಂದ 3 ಬಾರಿ ಶಾಸಕರಾದರು ಹರಿಹರಕ್ಕೆ ಬಿಪಿ ಹರೀಶ್ ಅವರ ಕೊಡುಗೆ ಕೇವಲ ಎರಡು ಕಾಲೇಜುಗಳು ಮಾತ್ರ ಎಂದರು. ಹರಿಹರದಲ್ಲಿ ನೀರಿನ ಹಾಹಾಕಾರ ನೀಗಿಸಲು ಎಷ್ಟು ಬಾರಿ ಸಚಿವರನ್ನು ಬಿಪಿ ಹರೀಶ್ ಅವರು ಭೇಟಿ ಮಾಡಿ ಚರ್ಚಿಸಿದ್ದಾರೆ? ಬಿಜೆಪಿಗರು ಮೊದಲು ಹರೀಶ್ ಅವರನ್ನು ಕರೆದುಕೊಂಡು ಹೋಗಿ ಕ್ಷೇತ್ರ ಸಂಚಾರ ಮಾಡಿಸಲಿ. ಬಿಜೆಪಿಯಲ್ಲಿ ಗ್ರೇಡ್ ಸಿಗುತ್ತೆ ಎಂಬ ಕಾರಣಕ್ಕೆ ಸಚಿವರ ಬಗ್ಗೆ ಮಾತನಾಡುವುದನ್ನು ಬಿಟ್ಟು, ಅಭಿವೃದ್ಧಿ ಕಡೆ ಗಮನ ಕೊಡಲಿ ಎಂದರು. ಸುದ್ದಿಗೋಷ್ಠಿಯಲ್ಲಿ ಪ್ರಧಾನ ಕಾರ್ಯದರ್ಶಿ ಮುಜಾಹಿದ್, ಸತೀಶ್, ಹೇಮಂತ್, ವೀರೇಶ್ ಸೇರಿದಂತೆ ಇತರರು ಇದ್ದರು.

ಸೇವೆ ತೃಪ್ತಿ ನೀಡಿದೆ: ವಚನಾನಂದ ಶ್ರೀ

ದಾ ನಗರವಾಣಿ ಸುದ್ದಿ ಹರಿಹರ: ಪೀಠಾಧಿಪತಿಯಾಗಿ ಎಂಟು ವರ್ಷಗಳು ಕಳೆದಿವೆ. ಈ ಅವಧಿಯಲ್ಲಿ ಸಾಕಷ್ಟು ಅನುಭವಗಳಾಗಿದ್ದು, ಅನೇಕ ನೋವು-ನಲಿವುಗಳ ಮಧ್ಯೆಯೂ ನನ್ನ ಸೇವೆ ನನಗೆ ತೃಪ್ತಿ ನೀಡಿದೆ ಎಂದು ಇಲ್ಲಿನ ವೀರಶೈವ ಲಿಂಗಾಯಿತ ಪಂಚಮಸಾಲಿ ಪೀಠದ ಪದಚ್ಯುತ ಪೀಠಾಧಿಪತಿ ವಚನಾನಂದ ಸ್ವಾಮೀಜಿ ತಿಳಿಸಿದರು. ಪೀಠದಲ್ಲಿ ಸೋಮವಾರ ನಡೆದ ಬಸವೇಶ್ವರರ ಜಯಂತಿಯ ಆಚರಣೆ ನಂತರ ಸುದ್ದಿಗಾರರೊಂದಿಗೆ ಮತನಾಡಿದ ಅವರು, ಸ್ವತಃ ಬಸವಣ್ಣನವರೇ ನೋವು ಅನುಭವಿಸಿದವರು, ಅವರ ಹಾದಿಯಲ್ಲಿಯೇ ಸಾಗಿ 2018ರಿಂದ ಕಾಯಾ ವಾಚಾ ಮನಸಾ ಸೇವೆ ಸಲ್ಲಿಸಿದ್ದೇನೆ ಎಂದರು. ಒಂದು ಕಾಲದಲ್ಲಿ ಹಾಳುಕೊಂಪೆಯAತಿದ್ದ ಮಠವನ್ನು ಸ್ವಚ್ಛ ಮಾಡಿ, ಇಂದು ಅಭಿವೃದ್ಧಿಪಡಿಸಲಾಗಿದೆ. ಮಠದ ಆವರಣದಲ್ಲಿ ನೂರಾರು ಮಾವಿನ ಮರಗಳನ್ನು ಬೆಳೆಸಿ, ಲ್ಯಾನ್ ಮಾಡಲಾಗಿದೆ. ಈ ಮಾವಿನ ಹಣ್ಣುಗಳು ಮಠಕ್ಕೆ ಬರುವ ಭಕ್ತರಿಗೆ ಮೀಸಲಿಡಲಾಗಿದೆಯೇ ಹೊರತು ಸ್ವಂತಕ್ಕೆ ಬಳಸುತ್ತಿಲ್ಲ ಎಂದರು. ಕೆಲವು ದಿನ ಮಠದಲ್ಲಿ ವಾಸವಿದ್ದ ವಿದೇಶಿಗರು ಒಂದು ತಿಂಗಳು ಈ ಮರಗಳ ಕೆಳಗೆ ಜ್ಞಾನಾರ್ಜನೆ ಮಾಡಿ ಮಠದ ಶಕ್ತಿಯಲ್ಲಿ ಬೆಳೆದಿದ್ದಾರೆ. ಭಕ್ತರಿಗೆ ಸುಸಜ್ಜಿತ ಕೊಠಡಿ, ಪೂಜಾ ಕೊಠಡಿ ಹಾಗೂ ದಾಸೋಹದ ವ್ಯವಸ್ಥೆ ಮಾಡಲಾಗಿದೆ. ಕೃಷ್ಣಾ ತಟದಲ್ಲಿ ಹುಟ್ಟಿದ ನಾನು ತುಂಗಾ ತಟಕ್ಕೆ ಸೇವೆಗೆ ಬಂದಿದ್ದುವಿಶೇಷವಾಗಿದೆ ಎಂದರು. ಸಿದ್ಧೇಶ್ವರ ಶ್ರೀಗಳ ಅಣತಿಯಂತೆ ಪೀಠದಲ್ಲಿ ಪ್ರತಿವರ್ಷ ಹರಜಾತ್ರೆ ನಡೆಸಲಾಗುತ್ತಿದೆ. ಊರು ಊರು ಸುತ್ತಿ ದೇಣಿಗೆ ಸಂಗ್ರಹಿಸಿ ನಡೆಸಲಾದ ಹರಜಾತ್ರೆಯು ಇಂದು ರಾಷ್ಟçಮಟ್ಟದಲ್ಲಿ ಐತಿಹಾಸಿಕ ಚಾಪು ಮೂಡಿಸಿದೆ. ಮಠದಲ್ಲಿ ಕೇವಲ ಧಾರ್ಮಿಕ ಕಾರ್ಯಗಳಲ್ಲದೆ, ಸಮಾಜದ ಯುವಕರಿಗಾಗಿ ಉದ್ಯೋಗ ಮೇಳವನ್ನು ಆಯೋಜಿಸಲಾಗಿತ್ತು. ಚನ್ನಮ್ಮನ ಐಕ್ಯ ಸ್ಥಳವನ್ನು ರಾಷ್ಟಿçÃಯ ಸ್ಮಾರಕ ಮಾಡಲು ಪಾದಯಾತ್ರೆ ನಡೆಸಲಾಗಿದೆ. ಇಷ್ಟೆಲ್ಲಾ ಕೆಲಸಗಳ ಮಧ್ಯೆ ನನಗೆ ದಾವಣಗೆರೆ ಮತ್ತು ಹರಿಹರದಲ್ಲಿ ಪ್ರವಾಸ ಮಾಡಲು ಸಾಧ್ಯವಾಗಲಿಲ್ಲ, ಅದು ಯಾಕೆ ಎಂಬುದು ಭಕ್ತರಿಗೆ ಮತ್ತು ಜನರಿಗೆ ತಿಳಿದಿದೆ. ಈಗ ಮಠಕ್ಕೆ ಬಾರದವರೂ ಬರುತ್ತಿದ್ದಾರೆ, ಇದೇ ಮಠದ ಶಕ್ತಿ ಎಂದರು. ಕೇAದ್ರದ ಒಬಿಸಿ ಮತ್ತು 2ಎ ಮೀಸಲಾತಿ ಹೋರಾಟ ಆಗಬೇಕಿದೆ, ಈ ಬಗ್ಗೆ ಸಂಬAಧಪಟ್ಟವರೊAದಿಗೆ ಮಾತನಾಡಲಾಗಿದೆ. ಎಲ್ಲಾ ಲಿಂಗಾಯತ ಒಳಜಾತಿಗಳಿಗೂ ಕೇಂದ್ರದ ಮೀಸಲಾತಿ ಸಿಗುವ ನಿಟ್ಟಿನಲ್ಲಿ ಪ್ರಯತ್ನಗಳು ನಡೆಯಬೇಕು. ಜಾತಿಗಣತಿ ವಿಚಾರದಲ್ಲಿ ‘ಹಿಂದೂ ಲಿಂಗಾಯತ’ ಎಂದು ಬರೆಸಲು ಕರೆ ನೀಡಿದಾಗ ಗೊಂದಲದಲ್ಲಿದ್ದ ಸಮಾಜದವರಿಗೆ ಒಂದು ಸ್ಪಷ್ಟತೆ ಸಿಕ್ಕಿತು ಎಂದು ಶ್ರೀಗಳು ಅಭಿಪ್ರಾಯಪಟ್ಟರು. ಭಕ್ತರೆ ನನ್ನ ತಂದೆ-ತಾಯಿಗಳು. ತಮ್ಮ ಮಗನನ್ನು ಹೇಗೆ ಜೋಪಾನ ಮಾಡಬೇಕು ಎಂಬುದು ಭಕ್ತರಿಗೇ ಬಿಟ್ಟಿದ್ದು. ತಮ್ಮ ವಿರುದ್ದ ನೀಡಿರುವ ಪೊಲೀಸ್ ದೂರು, ಕೋರ್ಟ್ ಕೇಸ್ಗಳ ವಿಚಾರವನ್ನು ನಮ್ಮ ಭಕ್ತರ ಉಡಿಗೆ ಹಾಕಿದ್ದೇನೆ ಎಂದರು. ಟ್ರಸ್ಟಿ ಹನ್ನಾಳಿ ಬಾಬಣ್ಣ, ಪರಮೇಶ್ವರಗೌಡ್ರು, ಮಾಜಿ ಶಾಸಕ ಅರುಣ್ಕುಮಾರ್ ಪೂಜಾರ್, ದಾವಣಗೆರೆ ಮಹಾನಗರ ಪಾಲಿಕೆ ಮಾಜಿ ಅಧ್ಯಕ್ಷ ಅಜೇಯ್ ಕುಮಾರ್, ತಾಪಂ ಮಾಜಿ ಸದಸ್ಯ ಕೊಟ್ರೇಶ್ ಕೆ.ಜಿ., ಡಿಬಿ ಕೆರೆ ಕರಿಬಸಪ್ಪ, ಈಶ್ವರಪ್ಪ, ಮುದ್ದೇರ ಹನುಮಂತಪ್ಪ, ನಂದಿಗುಡಿ ಕುಬೇರಪ್ಪ, ಮೇಗಳಗೇರಿ ಮಂಜಪ್ಪ, ಬಸವರಾಜು, ಪ್ರಭು ಹೊಸಪೇಟೆ, ಪ್ರವೀಣ್, ಯೋಗೀಶ್ ಬೇವಿನಹಳ್ಳಿ, ಲೋಕೇಶ್ ಬೇವಿನಹಳ್ಳಿ, ಚನ್ನಗಿರಿ ಬಸವರಾಜ, ಡಾ|ವೀರಾಪುರ್, ಚಿದಾನಂದ ಕಂಚೀಕೇರಿ, ನಂದಿತಾವರೆ ಶಂಭುಲಿAಗಪ್ಪ ಇತರರಿದ್ದರು.

ಬೀದಿ ಬದಿ ವ್ಯಾಪಾರಿಗಳ ಬದುಕು ಕಸಿದ ಅಮೆರಿಕ-ಇರಾನ್ ಯುದ್ಧ; ಸಿಲಿಂಡರ್ ಅಭಾವ

ದಾ ನಗರವಾಣ ಸುದ್ದಿ ದಾವಣಗೆರೆ: ಇಸ್ರೇಲ್-ಅಮರಿಕ, ಇರಾನ್ ಯುದ್ಧ ನಗರದ ಬೀದಿ ಬದಿ ಹೋಟೆಲ್ ವ್ಯಾಪಾರಿಗಳ ಬದುಕನ್ನು ಕಸಿದುಕೊಂಡಿದೆ. ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ ತೀವ್ರ ಕೊರತೆಯಿಂದ ಬೀದಿ ಬದಿ ಹೋಟೆಲ್ ವ್ಯಾಪಾರಿಗಳು ಸಂಕಷ್ಟಕ್ಕೆ ಸಿಲುಕಿದ್ದು, ಕೆಲವರು ಹೋಟೆಲ್‌ಗಳನ್ನು ಬಂದ್ ಮಾಡಿಕೊಂಡು ಮನೆಯಲ್ಲಿ ಕೂತಿದ್ದರೆ, ಇನ್ನು ಕೆಲವರು ಸಾಲಗಾರರಿಗೆ ಹೆದರಿ ವಾರದಲ್ಲಿ ಒಂದು ಅಥವ ಎರಡು ದಿನ ಹೋಟೆಲ್ ನಡೆಸುತ್ತಿದ್ದಾರೆ. ಸುಮಾರು ಶೇ.60ರಷ್ಟು ಬೀದಿ ಬದಿ ವ್ಯಾಪಾರಿಗಳು ಕಮರ್ಷಿಯಲ್ ಸಿಲಿಂಡರ್ ಸಿಗದ ಕಾರಣ ಹೋಟೆಲ್‌ಗಳನ್ನು ವಾರದಲ್ಲಿ ಕೇವಲ ಒಂದು ಅಥವಾ ಎರಡು ದಿನಗಳು ತೆರೆಯುತ್ತಿದ್ದಾರೆ. ಬಾಕಿ ದಿನ ಬೇರೆ ಕೆಲಸಗಳ ಕಡೆ ಮುಖ ಮಾಡುತ್ತಿದ್ದಾರೆ. ನಗರದ ಹಲವು ಪ್ರದೇಶಗಳಲ್ಲಿ ಫುಡ್ ಸ್ಟಿçÃಟ್‌ಗಳಂತೆ ಕಿಕ್ಕಿರಿದಿದ್ದ ರಸ್ತೆಗಳು ಈಗ ಖಾಲಿ ಖಾಲಿಯಾಗಿ ಕಾಣಿಸುತ್ತಿವೆ. ಕೆಲವು ಟೀ ಅಂಗಡಿಗಳು ಗ್ಯಾಸ್ ಬದಲು ಇಂಡಕ್ಷನ್ ಸ್ಟೋವ್ ಬಳಸುವ ಪರಿಸ್ಥಿತಿ ಎದುರಾಗಿದೆ. ಸಿಲಿಂಡರ್ ಸಿಕ್ಕರೆ ಮಾತ್ರ ಹೋಟೆಲ್ ನಡೆಸುವ ಸ್ಥಿತಿಗೆ ಬೀದಿ ಬದಿ ವ್ಯಾಪಾರಿಗಳು ತಲುಪಿದ್ದಾರೆ. ಇಲ್ಲ ಬೇರೆಯವರ ಬಳಿ ಕಾಡಿ ಬೇಡಿ ಸಿಲಿಂಡರ್ ತೆಗೆದುಕೊಂಡು ಬಂದು ಹೋಟೆಲ್ ತೆರೆಯುವ ಸ್ಥಿತಿ ನಿರ್ಮಾಣವಾಗಿದೆ. ಕೆಲ ಬೀದಿ ಬದಿ ವ್ಯಾಪಾರಿಗಳು ಸಿಲಿಂಡರ್ ಸಮಸ್ಯೆ ನಿರ್ಮಾಣವಾದಾಗಿನಿಂದ ಕೇವಲ 6 ದಿನಗಳ ಹೋಟೆಲ್ ನಡೆಸಿರುವ ಉದಾಹರಣೆಗಳಿದ್ದು, ತಾತ್ಕಾಲಿಕವಾಗಿ ಬೇರೆ ಕೆಲಸದ ಕಡೆ ಮುಖ ಮಾಡುತಿದ್ದಾರೆ ಬೀದಿ ಬದಿ ಹೋಟೆಲ್ ವ್ಯಾಪಾರಿಗಳು. ಸಿಲಿಂಡರ್ ಜಾಸ್ತಿ ಹಣಕ್ಕೆ ತೆಗೆದುಕೊಂಡು ಹೋಟೆಲ್ ತೆರೆದು ರೇಟ್ ಜಾಸ್ತಿ ಮಾಡಿದರೆ ಗ್ರಾಹಕರು ಬರುತ್ತಿಲ್ಲ. ಕಮರ್ಷಿಯಲ್ ಸಿಲಿಂಡರ್ ಬುಕ್ಕಿಂಗ್ ಕೂಡ ಆಗುತ್ತಿಲ್ಲ. ಸಿಲಿಂಡರ್ ಸಿಕ್ಕಾಗ ಹೋಟೆಲ್ ತೆರೆಯುವುದು, ಇಲ್ಲ ಎಂದರೆ ಮನೆಯಲ್ಲಿ ಕೂರುವುದು. ಇದೆಲ್ಲದರ ನಡುವೆ ಬಾಡಿಗೆ ಕಟ್ಟುವ ಸಮಸ್ಯೆಯಿಂದ ವ್ಯಾಪಾರಿಗಳು ತೀವ್ರ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ರೊಟ್ಟಿ ವ್ಯಾಪಾರಕ್ಕೂ ಕುತ್ತು ಮನೆಯಲ್ಲಿ ಅಥವಾ ಸಣ್ಣ ಮಳಿಗೆಗಳಲ್ಲಿ ರೊಟ್ಟಿ ತಯಾರಿಸಿ ಮಾರಾಟ ಮಾಡುತ್ತಿದ್ದ ಮಹಿಳಾ ವ್ಯಾಪಾರಿಗಳು ಕಮರ್ಷಿಯಲ್ ಸಿಲಿಂಡರ್ ಸಿಗದೆ ನಲುಗಿ ಹೋಗುತ್ತಿದ್ದಾರೆ. ಮಹಿಳಾ ವ್ಯಾಪಾರಿಗಳು ಆಗಿರುವುದರಿಂದ ಸಿಲಿಂಡರ್ ಅಭಾವದ ಸಂದರ್ಭದಲ್ಲಿ ಸಿಲಿಂಡರ್ ಗಿಟ್ಟಿಸಿಕೊಂಡು ತರುವುದು ಕಷ್ಟಕರವಾಗಿದೆ. ಒಂದೇ ಒಂದು ಸಿಲಿಂಡರ್ ಕೂಡ ಸಿಗದ ಕಾರಣ ಜೀವನ ನಡೆಸುವುದೇ ಕಷ್ಟಕರವಾಗಿದೆ. ದಿನಕ್ಕೆ 100 ರಿಂದ 150 ರೊಟ್ಟಿ ಮಾಡಿಕೊಂಡು ಜೀವನ ನಡೆಸುತ್ತಿದ್ದೆವು. ಈಗ ಅದು ಬಂದ್ ಆಗಿ ಬೇರೆ ಕೆಲಸ ಮಾಡುತ್ತಿದ್ದೇವೆ. ಒಂದು ಕಡೆ ಫೈನಾನ್ಸ್ ಅವರ ಕಾಟ, ಇನ್ನೊಂದು ಕಡೆ ಸಿಲಿಂಡರ್ ಸಿಗದೆ ವ್ಯಾಪಾರ ಇಲ್ಲದೆ ಏನು ಮಾಡಬೇಕೆಂದು ತೋಚುತ್ತಿಲ್ಲ. ಸಾಯುವ ಸ್ಥಿತಿ ಬಂದಿದೆ. ಬಡ ವ್ಯಾಪಾರಿಗಳಿಗೆ ಸರ್ಕಾರ ಸಿಲಿಂಡರ್ ವ್ಯವಸ್ಥೆ ಮಾಡಬೇಕು ಎಂದು ಅಳಲು ತೋಡಿಕೊಂಡಿದ್ದಾರೆ ರೊಟ್ಟಿ ವ್ಯಾಪಾರಿ ಸುಜಾತ. ಎಲ್ಲ ಬೇಯುವುದು ಎಲೆಕ್ಟಿçಟಿಕ್ ಮತ್ತು ಸೌದೆ ಒಲೆ ಮೇಲೆ ಈಗಾಗಲೇ ನಗರದ ದೊಡ್ಡ ದೊಡ್ಡ ಹೋಟೆಲ್‌ಗಳಲ್ಲಿ ಸಿಲಿಂಡರ್‌ನಿAದ ಬದಲಾವಣೆಯನ್ನು ಮಾಡಿಕೊಂಡು ಎಲೆಕ್ಟಿçಕಲ್, ಸೌದೆ ಒಲೆಗಳ ಕಡೆ ಮುಖ ಮಾಡಿದ್ದಾಗಿದೆ. ಇಡ್ಲಿ ಸೇರಿದಂತೆ ವಿವಿಧ ಆಹಾರಗಳನ್ನು ತಯಾರಿಸಲು ಎಲೆಕ್ಟಿçಕಲ್ ಸ್ಟೋವ್ ಜೊತೆಗೆ ದೋಸೆ ಹಂಚನ್ನು ಕೂಡ ಎಲೆಕ್ಟಿçಕಲ್ ತರಿಸಿಕೊಂಡಿದ್ದಾರೆ. ಇನ್ನು ಅನ್ನ, ತರಕಾರಿ ಬೇಯಿಸಲು ದೊಡ್ಡ ದೊಡ್ಡ ಎಲೆಕ್ಟಿçಕಲ್ ಕುಕ್ಕರ್ ಕಡೆ ಮುಖ ಮಾಡಿದ್ದಾರೆ. ದಿನಕ್ಕೆ 2 ರಿಂದ 3 ಸಿಲಿಂಡರ್ ಬಳಸುತ್ತಿದ್ದ ಹೋಟೆಲ್‌ಗಳಿಗೆ ಈಗ ಒಂದು ಸಿಲಿಂಡರ್ ಸಿಗುವುದು ಕಷ್ಟವಾಗಿರುವುದರಿಂದ ಈ ಬದಲಾವಣೆ ಮಾಡಿಕೊಂಡಿದ್ದಾರೆ. ಬಾಕ್ಸ್: ಕಮರ್ಷಿಯಲ್ ಸಿಲಿಂಡರ್ ಸಿಗದೆ ಅನೇಕ ದಿನಗಳಿಂದ ಹೋಟೆಲ್ ಬಂದ್ ಮಾಡಿದ್ದೆವು. ಇಂದು ಸಿಲಿಂಡರ್ ಸಿಕ್ಕಿದೆ. ಮತ್ತೆ ನಾಳೆ ಸಿಲಿಂಡರ್ ಇಲ್ಲದೆ ಬಂದ್ ಮಾಡಬೇಕಿದೆ. ಸಾಲಗಾರರೆಲ್ಲ ಮನೆ ಬಳಿ ಬಂದ ಕೂರುತ್ತಿದ್ದಾರೆ. ದುಡಿಮೆ ಮಾಡಬೇಕೋ, ಮನೆಯಲ್ಲಿರಬೇಕೋ, ಸಾಯಬೇಕೋ ಗೊತ್ತಾಗುತ್ತಿಲ್ಲ - ಮಂಜುಳಾ, ಬೀದಿ ಬದಿ ಹೋಟೆಲ್ ವ್ಯಾಪಾರಿ

ದಾವಣಗೆರೆ ದಕ್ಷಿಣ: ಶೇ.68.55 ಮತದಾನ

ದಾ.ನಗರವಾಣಿ ಸುದ್ದಿ. ದಾವಣಗೆರೆ.9: ಮತದಾರರ ಪಟ್ಟಿಯಲ್ಲಿ ಹೆಸರು ಕೈ ಬಿಟ್ಟು ಹೋಗಿರುವುದು, ಮತಗಟ್ಟೆ ಬದಲಾಗಿರುವುದು, ಕಾರ್ಯಕರ್ತರ ಮಧ್ಯೆ ಕಿತ್ತಾಟ ಸೇರಿದಂತೆ ಸಣ್ಣಪುಟ್ಟ ಗೊಂದಲ ಹೊರತುಪಡಿಸಿ ಗುರುವಾರ ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯಲ್ಲಿ ಶಾಂತಿಯುತ ಶೇ.68.55 ರಷ್ಟು ಮತದಾನವಾಗಿದ್ದು, ಕಣದಲ್ಲಿದ್ದ 25 ಅಭ್ಯರ್ಥಿಗಳ ರಾಜಕೀಯ ಭವಿಷ್ಯವನ್ನು ಮತದಾರ ಪ್ರಭುಗಳು ಬರೆದರು. ಕ್ಷೇತ್ರದ ಮತಗಟ್ಟೆಗಳಲ್ಲಿ ಗಣ್ಯರು, ಮಠಾಧೀಶರಿಂದ ಹಕ್ಕು ಚಲಾವಣೆ, ಮೊದಲ ಬಾರಿಗೆ ಹಕ್ಕು ಚಲಾಯಿಸಿದ ಯುವ ಮತದಾರರ ಪುಳಕ... ಇಂಥಹ ಹತ್ತು ಹಲವು ವಿಶೇಷತೆಗಳ ನಡುವೆ ಅಹಿತಕರ ಘಟನೆಗಳಿಗೆ ಅವಕಾಶವಾಗದಂತೆ ಶಾಂತಿಯುತವಾದ ಹಕ್ಕು ಚಲಾವಣೆ ನಡೆಯಿತು. ಬೆಳಗ್ಗೆ 7 ಗಂಟೆಗೆ ಕ್ಷೇತ್ರದ ಎಲ್ಲ 284 ಮತಗಟ್ಟೆಗಳಲ್ಲಿ ಮತದಾನ ಪ್ರಕ್ರಿಯೆ ಏಕಕಾಲಕ್ಕೆ ಆರಂಭಗೊAಡಿತು. ಬಹುತೇಕ ಮತಗಟ್ಟೆಗಳಲ್ಲಿ ವಿಶೇ಼ಷವಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ಮತದಾರರ ಮೇರೆ ಮೀರಿದ ಉತ್ಸಾಹ ಕಂಡು ಬಂತು. ಶಿರಮಗೊಂಡನಹಳ್ಳಿಯ ಮತಗಟ್ಟೆ ಸಂಖ್ಯೆ 242 ಮತ್ತು ಕನಗೊಂಡನಹಳ್ಳಿ ಮತಗಟ್ಟೆಯಲ್ಲಿ ಮತಯಂತ್ರಗಳ ದೋಷದ ಪರಿಣಾಮ ಮತದಾನ ಕೊಂಚ ತಡವಾಗಿ ಆರಂಭವಾದ ಬಗ್ಗೆ ವರದಿಯಾಗಿದೆ. ನೀರಸದಿಂದ ಚುರುಕಿನತ್ತ; ಮುಂಜಾನೆ 7 ಗಂಟೆಗೆ ಮತದಾನ ಪ್ರಕ್ರಿಯೆ ಮಂದಗತಿಯಲ್ಲಿ ಆರಂಭಗೊAಡಿತು. ಬೆಳಗ್ಗೆ 9 ಗಂಟೆ ಸುಮಾರಿಗೆ ಕೇವಲ ಶೇ.9.01 ರಷ್ಟು ಮಾತ್ರ ಮತದಾನವಾಗಿತ್ತು. ನಂತರ ಬಿಸಿಲು ಚುರುಕಾದಂತೆ ಮತದಾನದಲ್ಲೂ ಗಣನೀಯ ಏರಿಕೆ ಕಂಡಿತು. 11 ಗಂಟೆ ವೇಳೆಗೆ ಶೇ.22.01 ಮಧ್ಯಾಹ್ನ 1 ಸುಮಾರಿಗೆ ಶೇ. 37.17 ಹಕ್ಕು ಚಲಾವಣೆಯಾಗಿತ್ತು. ಸಂಜೆ 3 ರ ವೇಳೆಗೆ ಸರಾಸರಿ ಶೇ.49.66 ರಷ್ಟು ಮತದಾನವಾಗಿದ್ದು. ಸಂಜೆ 5 ಗಂಟೆಯ ವೇಳೆಗೆ 63.03 ರಷ್ಟು ಹಕ್ಕು ಚಲಾವಣೆಯಾಗಿತ್ತು. ಈ ವೇಳೆಗಾಗಲೇ 2.31 ಲಕ್ಷ ಮತದಾರರ ಪೈಕಿ 1 ಲಕ್ಷದ 45 ಸಾವಿರದ 642 ಮಂದಿ ಮತ ಚಲಾವಣೆ ಮಾಡಿದ್ದರು. ಗ್ರಾಮೀಣ ಪ್ರದೇಶಗಳಾದ ಹದಡಿ, ನಾಗನೂರು, ಜರೇಕಟ್ಟೆ, ಮುದ ಹದಡಿ, ಬಸಾಪುರ, ಕೈದಾಳೆ, ಕುಕ್ಕವಾಡ, ಶಿರಮಗೊಂಡನಹಳ್ಳಿ ಮತ ಕೇಂದ್ರಗಳ ಮುಂದೆ ಜನರು ಉತ್ಸಾಹದಿಂದ ಮತ ಚಲಾವಣೆ ಮಾಡಿದರು. ಶಿರಮಗೊಂಡನಹಳ್ಳಿಯ ಸಖಿ ಮತಗಟ್ಟೆಯ ಮುಂದೆ ಮಹಿಳೆ ಮತ್ತು ಪುರುಷ ಮತದಾರರು ಉದ್ದನೆಯ ಸರದಿ ಸಾಲಿನಲ್ಲಿ ನಿಂತು ಮತ ಚಲಾಯಿಸಿದರು. ವಯೋವೃದ್ಧರು, ಅಂಗವಿಕಲರು, ದೃಷ್ಟಿಹೀನರು ಬೇರೆಯವರ ಸಹಾಯದಿಂದ ಮತಗಟ್ಟೆಗೆ ತೆರಳಿ ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸಿದ್ದು ವಿಶೇಷವಾಗಿತ್ತು. ಅಘೋಷಿತ ಬಂದ್; ಮತದಾನದ ನಿಮಿತ್ತ ಚುನಾವಣಾ ಆಯೋಗ ಎಲ್ಲ ಬಗೆಯ ಕಾರ್ಮಿಕರಿಗೆ ಮತದಾನ ಮಾಡಲು ಅನುಕೂಲವಾಗುವಂತೆ ವೇತನ ಸಹಿತ ರಜೆ ನೀಡಿದ್ದ ಪರಿಣಾಮ ನಗರದ ಬಹುತೇಕ ಅಂಗಡಿಗಳು, ಹೊಟೇಲ್‌ಗಳು, ಮಾಲ್‌ಗಳು ಮುಚ್ಚಿದ್ದವು. ಪರಿಣಾಮ ನಗರದ ಎಲ್ಲ ರಸ್ತೆಗಳಲ್ಲಿ ವಾಹನ, ಜನ ಸಂಚಾರ ವಿರಳವಾಗಿ ಅಘೋಷಿತ ಬಂದ್ ವಾತಾವರಣ ನಿರ್ಮಾಣವಾಗಿತ್ತು. ಮೊದಲ ಮತದಾನದ ಸಂಭ್ರಮ: ಇದೇ ಮೊದಲ ಬಾರಿಗೆ ಮತ ಚಲಾಯಿಸಿದ ಸಾವಿರಾರು ಯುವ ಮತದಾರರ ಸಂಭ್ರಮ ಇಮ್ಮಡಿಯಾಗಿತ್ತು. ತಾವು ಕೂಡ ಪ್ರಜಾಪ್ರಭುತ್ವ ವ್ಯವಸ್ಥೆಯ ಒಂದು ಭಾಗವಾಗಿ ಮೊಟ್ಟ ಮೊದಲ ಬಾರಿಗೆ ಇವಿಎಂನ ಗುಂಡಿ ಒತ್ತಿ ಹಕ್ಕು ಚಲಾವಣೆಗೊಳಿಸಿ ನಂತರ ತೋರು ಬೆರಳಿಗೆ ಹಚ್ಚಿದ್ದ ಶಾಯಿಯ ಸೆಲ್ಫಿ ಪೋಟೋ ತೆಗೆದು ವಾಟ್ಸ್ಪ್ ಮತ್ತು ಫೇಸ್‌ಬುಕ್‌ಗಳಿಗೆ ಸ್ನೇಹಿತರು, ಸಂಬAಧಿಗಳಿಗೆ ಕಳುಹಿಸಿ ಖುಷಿಪಟ್ಟರು. ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದಲ್ಲಿ ಭಾಗ ಸಂಖ್ಯೆ 227 ಪಾತಾಳ ಲಿಂಗೇಶ್ವರ ದೇವಸ್ಥಾನದ ಪಕ್ಕದಲ್ಲಿರುವ ಜೀಜಾ ಮಾತಾ ಕಿರಿಯ ಮತ್ತು ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ವಿರಕ್ತಮಠದ ಬಸವ ಪ್ರಭು ಸ್ವಾಮೀಜಿ ಮತದಾನ ಮಾಡಿದರು. ಶಿರಮಗೊಂಡನಹಳ್ಳಿಯಲ್ಲಿ ಮಾಜಿ ಸಚಿವ ಎಸ್.ಎ.ರವೀಂದ್ರನಾಥ್ ಹಕ್ಕು ಚಲಾಯಿಸಿದರು. ಚುನಾವಣಾ ಆಯೋಗವು ಯಾವುದೇ ಅಹಿತಕರ ಘಟನೆಗಳಿಗೆ ಆಸ್ಪದ ನೀಡದಂತೆ ಬಿಗಿ ಪೊಲೀಸ್ ಬಂದೋಬಸ್ತ್ ಕಲ್ಪಿಸಿತ್ತು. ನಗರ ಮತ್ತು ಗ್ರಾಮೀಣ ಪ್ರದೇಶದ ಸೂಕ್ಷ್ಮ ಮತಗಟ್ಟೆಗಳಲ್ಲಿ ಸಿಸಿಟಿವಿ ಕ್ಯಾಮೆರಾಗಳ ಮೂಲಕ ನೇರ ನಿಗಾ ಇಡಲಾಗಿತ್ತು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶೇಖರ್ ಎಚ್.ಟಿ. ಪೆಟ್ರೋಲಿಂಗ್ ನಡೆಸಿ ಭದ್ರತೆಯನ್ನು ಖಚಿತಪಡಿಸಿದರು. ಕೆಲವು ಮತಗಟ್ಟೆಗಳಲ್ಲಿ ಇವಿಎಂ ಯಂತ್ರಗಳಲ್ಲಿ ಸಣ್ಣಪುಟ್ಟ ತಾಂತ್ರಿಕ ದೋಷಗಳು ಕಂಡುಬAದು ಮತದಾನ ವಿಳಂಬವಾದರೂ, ಅಧಿಕಾರಿಗಳು ಕೂಡಲೇ ಬದಲಿ ಯಂತ್ರಗಳನ್ನು ಅಳವಡಿಸಿ ಪ್ರಕ್ರಿಯೆ ಸುಸೂತ್ರವಾಗಿ ನಡೆಯುವಂತೆ ನೋಡಿಕೊಂಡರು. ಸಂಜೆ ಮತದಾನದ ಅವಧಿ ಮುಗಿದ ಬೆನ್ನಲ್ಲೇ ಎಲ್ಲಾ ಇವಿಎಂ ಮತ್ತು ವಿವಿಪ್ಯಾಟ್ ಯಂತ್ರಗಳನ್ನು ಸೀಲ್ ಮಾಡಿ, ಬಿಗಿ ಭದ್ರತೆಯಲ್ಲಿ ಡಿಆರ್‌ಆರ್ ಮಸ್ಟರಿಂಗ್ ಕೇಂದ್ರಗಳಿಗೆ ರವಾನಿಸಲಾಗಿದೆ. ಅಭ್ಯರ್ಥಿಗಳ ರಾಜಕೀಯ ಭವಿಷ್ಯ ಈಗ ಸ್ಟ್ರಾಂಗ್ ರೂಮ್‌ಗಳಲ್ಲಿ ಭದ್ರವಾಗಿದ್ದು, ಇಡೀ ರಾಜ್ಯದ ಕಣ್ಣು ಮೇ 4 ರಂದು ನಡೆಯಲಿರುವ ಮತ ಎಣಿಕೆಯ ಮೇಲೆ ನೆಟ್ಟಿದೆ.

ರಾಜ್ಯದಲ್ಲಿ ಆಟೋ ಗ್ಯಾಸ್ ಕೊರತೆ-ವದಂತಿಗಳಿಗೆ ಕಿವಿಗೊಡಬೇಡಿ

ದಾ ನಗರವಾಣಿ ಸುದ್ದಿ ದಾವಣಗೆರೆ,ಏ.8 : ರಾಜ್ಯದ ವಿವಿಧ ಆಟೋ ಗ್ಯಾಸ್ ಬಂಕ್‌ಗಳಲ್ಲಿ ಅನಿಲದ ದಾಸ್ತಾನು ಕೊರತೆಯಿದೆ ಎಂಬ ತಪ್ಪು ಮಾಹಿತಿಯ ಆಧಾರದ ಮೇಲೆ, ಕಳೆದ ಕೆಲವು ದಿನಗಳಿಂದ ಆಟೋ ಮಾಲೀಕರು ಮತ್ತು ಚಾಲಕರು ಬಂಕ್‌ಗಳ ಮುಂದೆ ಸುದೀರ್ಘ ಸರತಿ ಸಾಲಿನಲ್ಲಿ ನಿಲ್ಲುತ್ತಿರುವ ಅಂಶ ಸರ್ಕಾರದ ಗಮನಕ್ಕೆ ಬಂದಿದೆ. ಈ ಕುರಿತು ಕೆಲವು ಮಾಧ್ಯಮಗಳಲ್ಲಿ ಪ್ರಕಟವಾಗಿರುವ ವರದಿಗಳು ಕೇವಲ ವದಂತಿಗಳಾಗಿದ್ದು, ಸಾರ್ವಜನಿಕರು ಆತಂಕಪಡುವ ಅಗತ್ಯವಿಲ್ಲ ಎಂದು ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆಯು ಸ್ಪಷ್ಟಪಡಿಸಿದೆ. ಕೆಲವು ಖಾಸಗಿ ಆಟೋ ಗ್ಯಾಸ್ ಸರಬರಾಜು ಸಂಸ್ಥೆಗಳಲ್ಲಿ ಮಾತ್ರ ಅಲ್ಪಮಟ್ಟಿನ ಕೊರತೆ ಕಂಡುಬAದಿದ್ದು, ಇದನ್ನು ಸರಿಪಡಿಸಲು ಸರ್ಕಾರಿ ಸ್ವಾಮ್ಯದ ತೈಲ ಕಂಪನಿಗಳಾದ Iಔಅ (ಇಂಡಿಯನ್ ಆಯಿಲ್), ಃPಅ (ಭಾರತ್ ಪೆಟ್ರೋಲಿಯಂ) ಮತ್ತು ಊPಅ (ಹಿಂದೂಸ್ತಾನ್ ಪೆಟ್ರೋಲಿಯಂ) ಮೂಲಕ ಹೆಚ್ಚಿನ ಪ್ರಮಾಣದ ಅನಿಲವನ್ನು ಪೂರೈಕೆ ಮಾಡಲಾಗುತ್ತಿದೆ. ಹಿಂದೆ ಈ ಮೂರು ಸಂಸ್ಥೆಗಳು ಸರಾಸರಿ 56.67 ಮೆಟ್ರಿಕ್ ಟನ್ ಆಟೋ ಗ್ಯಾಸ್ ಅನ್ನು ಸರಬರಾಜು ಮಾಡುತ್ತಿದ್ದವು. ಆದರೆ ಪ್ರಸ್ತುತ ಬೇಡಿಕೆಯನ್ನು ಪೂರೈಸಲು ಸರಬರಾಜು ಪ್ರಮಾಣವನ್ನು ಗಣನೀಯವಾಗಿ ಹೆಚ್ಚಿಸಲಾಗಿದ್ದು, ಸದ್ಯ ಪ್ರತಿದಿನ ಸರಾಸರಿ 83.58 ಮೆಟ್ರಿಕ್ ಟನ್ ಗ್ಯಾಸ್ ಅನ್ನು ಚಿಲ್ಲರೆ ಮಾರಾಟ ಮಳಿಗೆಗಳಿಗೆ ಪೂರೈಸಲಾಗುತ್ತಿದೆ. ಕಳೆದ ಐದು ದಿನಗಳ ಪೂರೈಕೆ ವಿವರ: ಕಳೆದ ಏಪ್ರಿಲ್ 2 ರಿಂದ ಏಪ್ರಿಲ್ 6 ರವರೆಗಿನ ಅಂಕಿಅAಶಗಳನ್ನು ಗಮನಿಸಿದರೆ, ಪೂರೈಕೆಯಲ್ಲಿ ಸ್ಥಿರತೆ ಇರುವುದು ಕಂಡುಬರುತ್ತದೆ. ಏಪ್ರಿಲ್ 2 ರಂದು 87.78 ಮೆಟ್ರಿಕ್ ಟನ್, ಏಪ್ರಿಲ್ 3 ರಂದು 86.05 ಮೆಟ್ರಿಕ್ ಟನ್, ಏಪ್ರಿಲ್ 4 ರಂದು 84.80 ಮೆಟ್ರಿಕ್ ಟನ್, ಏಪ್ರಿಲ್ 5 ರಂದು ಗರಿಷ್ಠ 94.11 ಮೆಟ್ರಿಕ್ ಟನ್ ಹಾಗೂ ಏಪ್ರಿಲ್ 6 ರಂದು 83.58 ಮೆಟ್ರಿಕ್ ಟನ್ ಅನಿಲವನ್ನು ಈ ಮೂರು ಪ್ರಮುಖ ಸಂಸ್ಥೆಗಳು ಯಶಸ್ವಿಯಾಗಿ ಪೂರೈಕೆ ಮಾಡಿವೆ. ಆದ್ದರಿಂದ, ರಾಜ್ಯದ ಆಟೋ ಮಾಲೀಕರು ಮತ್ತು ಚಾಲಕರು ಇಂತಹ ಯಾವುದೇ ಸುಳ್ಳು ವದಂತಿಗಳನ್ನು ನಂಬಬಾರದು ಮತ್ತು ಆತಂಕಕ್ಕೊಳಗಾಗಿ ಬಂಕ್‌ಗಳ ಮುಂದೆ ಸಾಲುಗಟ್ಟಿ ನಿಲ್ಲಬಾರದು ಎಂದು ಸರ್ಕಾರ ಮನವಿ ಮಾಡಿದೆ. ಅನಿಲ ಪೂರೈಕೆ ವ್ಯವಸ್ಥಿತವಾಗಿ ನಡೆಯುತ್ತಿದ್ದು, ಸಾರ್ವಜನಿಕರು ಇಲಾಖೆಯೊಂದಿಗೆ ಸಹಕರಿಸಬೇಕೆಂದು ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಕೋಮುಗಲಭೆ ರಾಜಕಾರಣ ಬಿಜೆಪಿ.ಯದ್ದು

ದಾ ನಗರವಾಣಿ ಸುದ್ದಿ ದಾವಣಗೆರೆ ಏ7: ನಾವು ಮಾಡಿದ ಜನಪರ ಕೆಲಸಗಳ, ಅಭಿವೃದ್ಧಿ ಕೆಲಸಗಳ ಆಧಾರದಲ್ಲಿ ಮತ ಕೇಳುತ್ತಿದ್ದೇವೆ. ಆದರೆ, ನನಗೆ ಬೈದು ಮತ ಕೇಳುವ ದಾರಿದ್ರ‍್ಯ ಬಿಜೆಪಿಗೆ ಬಂದಿದೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಆಕ್ರೋಶ ವ್ಯಕ್ತಪಡಿಸಿ, ಎರಡೂ ಕ್ಷೇತ್ರದಲ್ಲೂ ಗೆದ್ದು ತೋರಿಸ್ತೀವಿ ಎಂದು ಭರವಸೆ ವ್ಯಕ್ತಪಡಿಸಿದರು. ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆ ಸಂಬAಧ ಭಾರೀ ಬಹಿರಂಗ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು. ಆರು ಬಾರಿ ಶಾಸಕರಾಗಿದ್ದ ಶಾಮನೂರು ಶಿವಶಂಕರಪ್ಪ ಅವರು ಇದೇ ಕ್ಷೇತ್ರದಿಂದ ನಾಲ್ಕು ಬಾರಿ ಗೆದ್ದು ಕ್ಷೇತ್ರದ ಅಭಿವೃದ್ಧಿಗೆ ಅಪಾರ ಕೊಡುಗೆ ನೀಡಿದ್ದಾರೆ. ಈ ಕ್ಷೇತ್ರದಲ್ಲಿ ನಡೆಯುತ್ತಿರುವ ಇನ್ನೂ ಹಲವಾರು ಅಭಿವೃದ್ಧಿ ಕೆಲಸಗಳು ಸರಾಗವಾಗಿ ಮುಂದುವರೆಯಲು ಸಮರ್ಥ್ ಶಾಮನೂರು ಅವರನ್ನು ಸಮರ್ಥವಾಗಿ ಗೆಲ್ಲಿಸಿ ಮುನ್ನಡೆಸಿ ಎಂದು ಮನವಿ ಮಾಡಿದರು. ಒಂಬತ್ತು ವರ್ಷ ರಾಜ್ಯದಲ್ಲಿ ಅಧಿಕಾರ ನಡೆಸಿದ ಬಿಜೆಪಿ ಅಭಿವೃದ್ಧಿ ಮಾಡಲಿಲ್ಲ. ಹೀಗಾಗಿ ತಾವು ಮಾಡಿದ ಕೆಲಸಗಳ ಆಧಾರದಲ್ಲಿ ಮತ ಕೇಳಲು ಸಾಧ್ಯವಾಗದೆ ನನಗೆ ಬಯ್ಯುತ್ತಾ ಮತ ಕೇಳುತ್ತಿದ್ದಾರೆ. ನಾನು ದುರ್ಬಲರ, ಬಡವರ ಪರವಾಗಿ ಕಾರ್ಯಕ್ರಮ ರೂಪಿಸಿ ಜಾರಿ ಮಾಡಿದ್ದೇನೆ ಎನ್ನುವ ಕಾರಣದಿಂದಲೇ ನನ್ನನ್ನು ಬೈಯ್ದು ಓಟು ಕೇಳುತ್ತಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಕಾಂಗ್ರೆಸ್ ಎಲ್ಲಾ ಜಾತಿ, ಧರ್ಮದವರನ್ನೂ ಜೊತೆಗೆ ಕೊಂಡೊಯ್ಯುವ ಪಕ್ಷ. ಜಾತಿ ಜಾತಿಗಳ ನಡುವೆ, ಧರ್ಮ ಧರ್ಮಗಳ ನಡುವೆ ವಿಭಜನೆ ತಂದು ಓಟು ಕೇಳುವ ಕೆಟ್ಟ ರಾಜಕಾರಣವನ್ನು ನಾವು ಮಾಡುವುದಿಲ್ಲ. ಕೋಮು ಗಲಭೆಗಳನ್ನು ಸಂಘಟಿಸಿ ರಾಜಕಾರಣ ಮಾಡುವುದು ಬಿಜೆಪಿಯ ಜಾಯಮಾನ ಎಂದರು. ಯಡಿಯೂರಪ್ಪ ಮತ್ತು ಬಿ.ವೈ.ವಿಜಯೇಂದ್ರ ಅವರು 25ಸಾವಿರ ಕೋಟಿ ಹಣ ಲೂಟಿ ಮಾಡಿರುವ ಭ್ರಷ್ಟರು ಎಂದು ಬಿಜೆಪಿಯವರೇ ಆಗಿದ್ದ ಬಸವನಗೌಡ ಪಾಟೀಲ್ ಯತ್ನಾಳ್ ಅವರೇ ನೇರವಾಗಿ ಆರೋಪಿಸಿದ್ದಾರೆ. ಈ ಯಡಿಯೂರಪ್ಪ ಮತ್ತು ವಿಜಯೇಂದ್ರ ನಾಚಿಕೆ ಬಿಟ್ಟು ನನ್ನ ಬಗ್ಗೆ ಆರೋಪ ಮಾಡುತ್ತಿದ್ದಾರೆ ಎಂದು ಆರೋಪಿಸಿದರು. ಶಾಮನೂರು ಶಿವಶಂಕರಪ್ಪ ಮತ್ತು ಎಚ್.ವೈ.ಮೇಟಿ ಇಬ್ಬರೂ ಪ್ರಾಮಾಣಿಕ ನಾಯಕರು. ಇವರಿಬ್ಬರ ನಿಧನದಿಂದ ನಡೆಯುತ್ತಿರುವ ಉಪ ಚುನಾವಣೆಯಲ್ಲಿ ಎರಡೂ ಕ್ಷೇತ್ರದಲ್ಲಿ ಬಿಜೆಪಿ ಸೋತು ಕಾಂಗ್ರೆಸ್ ಗೆಲ್ಲುವುದು ಶತಸಿದ್ಧ ಎಂದು ಭರವಸೆ ವ್ಯಕ್ತಪಡಿಸಿದರು. ಕಾಂಗ್ರೆಸ್ ನುಡಿದಂತೆ ನಡೆದು, ಕೊಟ್ಟ ಭರವಸೆಗಳನ್ನು ಈಡೇರಿಸಿ ನಿಮ್ಮ ಮುಂದೆ ನಿಂತಿದ್ದೇವೆ. ಕೆಲಸ ಮಾಡಿ ಬಂದು ನಿಮ್ಮಿಂದ ಅಭಿವೃದ್ಧಿ ಪರವಾಗಿ ಮತ ಕೇಳುತ್ತಿದ್ದೇವೆ. ಐದಕ್ಕೆ ಐದೂ ಗ್ಯಾರಂಟಿಗಳನ್ನು ಜಾರಿ ಮಾಡಿದ್ದೇವೆ. ಈ ಕಾರಣದಿಂದ ನಮ್ಮ ಕೆಲಸಕ್ಕೆ ಕೈ ಹಿಡಿದು ಸಹಕರಿಸಿ ಎಂದರು.

ನಾಳೆ ಪ್ರದೀಪ್ ಈಶ್ವರ್ ದಾವಣಗೆರೆಗೆ ಬರುತ್ತಿದ್ದಾರೆ: ದಿನೇಶ್ ಕೆ ಶೆಟ್ಟಿ

ದಾವಣಗೆರೆ: ದಾವಣಗೆರೆಗೆ ಶಾಸಕ ಪ್ರದೀಪ್ ಈಶ್ವರ್ ಬರಲಿ ಎಂದು ಮಾಜಿ ಮೇಯ‌ರ್ ಬಿ.ಜಿ.ಅಜಯ್ ಕುಮಾರ್ ಹಾಕಿರುವ ಸವಾಲನ್ನು ಕಾಂಗ್ರೆಸ್ ಪಕ್ಷ ಸ್ವೀಕರಿದ್ದು, ನಾಳೆ ಶನಿವಾರ ಪ್ರದೀಪ್ ಈಶ್ವರ್ ದಾವಣಗೆರೆಗೆ ಬರಲಿದ್ದಾರೆ ಎಂದು ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ದಿನೇಶ್ ಕೆ.ಶೆಟ್ಟಿ ತಿಳಿಸಿದರು. ಸುದ್ದಿಗೋಷ್ಠಿಯಲ್ಲ ಮಾತನಾಡಿದ ಅವರು, ನಾಳೆ ಬೆಳಿಗ್ಗೆ 11 ಗಂಟೆಗೆ‌ ಶಾಸಕ ಪ್ರದೀಪ್ ಈಶ್ವರ್ ಅವರನ್ನು ಅಪೂರ್ವ ಹೋಟೆಲ್ ನಿಂದ ಮೆರವಣಿಗೆ ಮೂಲಕ‌ ಅವರನ್ನು ಕರೆತಂದು, ಕೆಬಿ ಬಡಾವಣೆಯ ರಾಘವೇಂದ್ರ ಸ್ವಾಮಿ ಮಠದಲ್ಲಿ ಪೂಜೆ ಸಲ್ಲಿಸಿ, ಚುನಾವಣಾ ಪ್ರಚಾರ ನಡೆಸಲಿದ್ದಾರೆ. ಚಾಲೆಂಜ್ ಮಾಡಿರುವ ಬಿಜೆಪಿ ಅವರು ಏನ್ ಮಾಡುತ್ತಾರೋ ನೋಡುತ್ತೇವೆ ಎಂದರು. ಚುನಾವಣೆ ಸಂದರ್ಭದಲ್ಲಿ ಅಶಾಂತಿ ಸೃಷ್ಠಿಸಲು ಬಿಜೆಪಿ ಅವರು ಪ್ರಯತ್ನಿಸುತ್ತಿದ್ದಾರೆ. ಪ್ರದೀಪ್ ಈಶ್ವರ್ ವಿದ್ಯಾಸಂಸ್ಥೆಗಳನ್ನು ಕಟ್ಟಿ ಲಕ್ಷಾಂತರ ಹುಡುಗರಿಗೆ ಕೆಲಸ‌ ಕೊಡಿಸಿದ್ದಾರೆ. ದಾವಣಗೆರೆ ಹೇಗೆ ಬರುತ್ತಾರೆ ಅಸಮರ್ಥ, ಸಂಸ್ಕೃತಿ ಇಲ್ಲ ಎಂದೆಲ್ಲ ಬಿಜಿ ಅಜಯ್ ಕುಮಾರ್ ಮಾತನಾಡಿದ್ದು, ಇದೇ ಬಿಜೆಪಿಯವರು ಅಧಿಕಾರಿಗಳಿಗೆ ನಾಯಿ ಎಂದೆಲ್ಲ ಮಾತನಾಡಿದ್ದಾರೆ. ಅವರಿಗೆ ಸಂಸ್ಕೃತಿ ಇಲ್ಲವ ಎಂದು ಪ್ರಶ್ನಿಸಿದರು. ಬಿಜಿ ಅಜಯ್ ಕುಮಾರ್ ಹಿಂಬಾಗಿಲಿನಿಂದ ಮೇಯರ್ ಆದವರು. ಬಿಜೆಪಿಗರು ಮುಸ್ಲಿಂ ಸಮುದಾಯದ ಬಗ್ಗೆ ಹೊಂದಿರುವ ಅಭಿಪ್ರಾಯವನ್ನು ಪ್ರದೀಪ್ ಈಶ್ವರ್ ಖಂಡಿಸಿದ್ದಾರೆ. ನಿಜಾಂಶ ಹೇಳಿದರೆ ಬಿಜೆಪಿಗರಿಗೆ ಆಗುವುದಿಲ್ಲ. ಶಾಸಕ ಪ್ರದೀಪ್‌ ಈಶ್ವರ್ ಅವರನ್ನು ಏಕ ವಚನದಲ್ಲಿ ನಿಂದಿಸಿ ಬೆದರಿಕೆ ಹಾಕಿರುವ ಅಜಯಕುಮಾ‌ರ್ ಅವರಿಗೆ ಈ ದೇಶದ ಕಾನೂನಿನ ಬಗ್ಗೆ ಗೌರವ ಇದೆಯಾ ಎಂದು ಪ್ರಶ್ನಿಸಿದರು. ಬಿಜೆಪಿ ಅವರಿಗೆ ಅಲ್ಪಸಂಖ್ಯಾತರ ಮೇಲೆ ಈಗ ಪ್ರೀತಿ ಜಾಸ್ತಿ ಆಗಿಬಿಟ್ಟಿದೆ. ದಾವಣಗೆರೆಯಲ್ಲಿ ಗಲಾಟೆಯಾದಾಗ ಅಲ್ಪಸಂಖ್ಯಾತರಿಂದ ದೇಶ ಹಾಳಾಗುತ್ತಿದೆ ಎಂದವರು ಇವರೇ. ಅಲ್ಪಸಂಖ್ಯಾತರ ಮೇಲೆ ಅಷ್ಟು ಪ್ರೀತಿ ಇದ್ದರೆ ದಾವಣಗೆರೆಯ ಬಿಜೆಪಿ ಅಲ್ಲಿರುವ ಅಲ್ಪಸಂಖ್ಯಾತರಿಗೆ ಟಿಕೆಟ್ ನೀಡಲಿ. ಅಲ್ಪಸಂಖ್ಯಾತರ ಬಗ್ಗೆ ಬಿಜೆಪಿ ಅವರು ಮೊಸಳೆ‌ ಕಣ್ಣೀರು ಹಾವು ಅಗತ್ಯವಿಲ್ಲ ಎಂದರು. ಹಿಂದೂ, ಮುಸ್ಲಿಂ ಸೇರಿದಂತೆ ಎಲ್ಲಾ ಜನಾಂಗದವರು ಸೇರಿ ನಾವು ಒಗ್ಗಟ್ಟಾಗಿದ್ದು, 50 ಸಾವಿರ ಮತಗಳ ಹಂತರದಲ್ಲಿ ಸಮರ್ಥ್ ಮಲ್ಲಿಕಾರ್ಜುನ್ ಗೆಲುವು ಸಾಧಿಸಲಿದ್ದಾರೆ. ದಾವಣಗೆರೆಯಲ್ಲಿ ಬಿಜೆಪಿ ಬಂದರೆ ಅಭಿವೃದ್ಧಿಗೆ ಹಿನ್ನಡೆ ಆಗಲಿದೆ. ವ್ಯಾಪಾರಸ್ಥರಿಗೆ ತೊಂದರೆ ಆಗಲಿದೆ. ಅಲ್ಲದೆ ಅವರಿಗೆ ವಿರೋಧವಾಗಿ ಇರುವ ವ್ಯಕ್ತಿಗಳ ವಿರುದ್ಧ ದ್ವೇಷ ಸಾಧಿಸಲಿದ್ದಾರೆ ಎಂದು ಹೇಳಿದರು. ಸುದ್ದಿಗೋಷ್ಟಿಯಲ್ಲಿ ಅಯೂಬ್ ಪೈಲ್ವಾನ್, ಕೆ.ಜಿ. ಶಿವಕುಮಾರ್, ಅನಿತಾಬಾಯಿ, ಹೆಚ್.ಜೆ.ಮೈನುದ್ದೀನ್, ರಾಘವೇಂದ್ರ ಗೌಡ, ಹರೀಶ್, ಜಮ್ನಳ್ಳಿ ನಾಗರಾಜ್, ಲಿಯಾಖತ್ ಅಲಿ ಇತರರು ಇದ್ದರು. ---

ದಾವಣಗೆರೆಗೆ ಬಂದು ನಿನ್ನ ತಾಕತ್ತು ತೋರಿಸು: ಪ್ರದೀಪ್ ಈಶ್ವರ್‌ಗೆ ಸವಾಲು

ದಾ ನಗರವಾಣಿ ಸುದ್ದಿ ದಾವಣಗೆರೆ.ಮಾ.26: ಬಿಜೆಪಿ ಪಕ್ಷದ ಬಗ್ಗೆ ಅವಹೇಳನಕಾರಿ ಮಾತುಗಳನ್ನಾಡುವ ಮೂಲಕ ಚಿಕ್ಕಬಳ್ಳಾಪುರ ಶಾಸಕ ಪ್ರದೀಪ್ ಈಶ್ವರ್ ತಮ್ಮ ವ್ಯಕ್ತಿತ್ವ ಎಂಥದ್ದು ಎಂದು ತೋರಿಸಿಕೊಂಡಿದ್ದಾರೆ ಎಂದು ಮಾಜಿ ಮೇಯರ್ ಬಿ.ಜೆ.ಅಜಯ್ ಕುಮಾರ್ ಹೇಳಿದರು. ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಅಧಿಕಾರದ ಮದದಲ್ಲಿ ವಿರೋಧ ಪಕ್ಷದವರನ್ನು ಮುಠ್ಠಾಳ, ಅಯೋಗ್ಯ, ನಾಲಾಯಕ್ ಅನ್ಪಡ್ ಎಂದು ಅಬ್ಬರದ ಭಾಷಣ ಮಾಡಿದಾಕ್ಷಣ ನೀನೇನು ದೊಡ್ಡ ಲೀಡರ್ ಆಗೋದಿಲ್ಲ. ಅದು ನಿನ್ನ ವ್ಯಕ್ತಿತ್ವ ತೋರಿಸುತ್ತೆ. ನಿನ್ನ ಅಂತ್ಯಕ್ಕೆ ಇದೇ ಅಡಿಪಾಯ ಎಂದುಕೋ ಎಂದು ಪ್ರದೀಪ್ ಈಶ್ವರ್ ವಿರುದ್ಧ ಕಿಡಿಕಾರಿದರು. ನಮ್ಮ ನಾಯಕರಾದ ವಿಜಯೇಂದ್ರ, ಅನಂತ್ ಕುಮಾರ್ ಹೆಗಡೆ, ಪ್ರತಾಪ್ ಸಿಂಹ ಅವರ ಬಗ್ಗೆ ಹಗುರವಾಗಿ ಮಾತನಾಡಿದ್ದಾರೆ. ಅವರ ಬಗ್ಗೆ ಮಾತನಾಡುವ ಯೋಗ್ಯತೆ ಪ್ರದೀಪ್ ಈಶ್ವರ್‌ಗೆ ಇಲ್ಲ. ವಿಷಯಾಧಾರಿತ ಚರ್ಚೆಗಳನ್ನು ಮಾಡೋದಿಕ್ಕೆ ಜ್ಞಾನ ಇರ್ಬೇಕು. ಅದು ಇಲ್ಲವಾದಾಗ ಈ ರೀತಿಯ ಕೀಳು ಮಟ್ಟದ ಭಾಷೆಗಳನ್ನು ಮನುಷ್ಯ ಮಾತನಾಡುತ್ತಾನೆ ಎಂದ ಅವರು, ನೀನು ದಾವಣಗೆರೆಗೆ ಬರೋದನ್ನ ನಮ್ಮ ಸಾಮಾನ್ಯ ಕಾರ್ಯಕರ್ತರು ಕಾಯುತ್ತಿದ್ದಾರೆ ನಮ್ಮ ದಾವಣಗೆರೆಯ ಹಾಗೂ ಭಾರತೀಯ ಜನತಾ ಪಾರ್ಟಿಯ ತಾಕತ್ತು ಏನೆಂದು ತೋರಿಸಲಿದ್ದಾರೆ ಎಂದು ಹೇಳಿದರು. ಅಲ್ಪಸಂಖ್ಯಾತರಿಗೆ ಬಿಜೆಪಿ ಏನು ಮಾಡಿಲ್ಲ ಎಂದು ಹೇಳುವ ನೀವು. ರಾಜ್ಯದಲ್ಲಿ ಅಲ್ಪಸಂಖ್ಯಾತರಿಗಾಗಿ ಹಜ್ ಭವನ ನಿರ್ಮಾಣ ಮಾಡಿದ್ದು ಯಾರು? ಕಾನೂನು ವಸತಿ ನಿಲಯಗಳನ್ನು ಮಾಡಿದ್ದು ಯಾರು? ಎಂಬುದನ್ನು ಉತ್ತರಿಸಬೇಕು. ನಮಗೆ ಅನ್ಪಡ್ ಎಂದು ಹೇಳುವ ನೀನು, ಮೊದಲು ಬಿಜೆಪಿಯ ಅಭಿವೃದ್ಧಿ ಕೆಲಸಗಳ ಬಗ್ಗೆ ತಿಳಿದುಕೊಳ್ಳಬೇಕು. ಅದೇ ನಿಮ್ಮ ಪಕ್ಷದಲ್ಲಿ ರೋಷನ್ ಬೇಗ್ ಅವರನ್ನು ಉಚ್ಚಾಟನೆ ಮಾಡಿದ್ದೀರಿ, ಜಾಫರ್ ಷರೀಫ್ ಅವರಿಗೆ ಟಿಕೆಟ್ ನೀಡಲೇ ಇಲ್ಲ. ಸಿಎಂ ಇಬ್ರಾಹಿಂ ಅವರನ್ನು ಯಾವ ರೀತಿ ನಡೆಸಿಕೊಂಡಿದ್ದೀರಿ? ಅಲ್ಪಸಂಖ್ಯಾತರ ನಾಯಕರನ್ನು ಕಾಂಗ್ರೆಸ್ ಪಕ್ಷ ಯಾವ ರೀತಿ ನಡೆಸಿಕೊಂಡಿದೆ ಎನ್ನುವುದಕ್ಕೆ ಇವೆಲ್ಲ ಸಾಕ್ಷಿ ಎಂದು ಕಿಡಿಕಾರಿದರು. ಎ.ಪಿ.ಜೆ.ಅಬ್ದುಲ್ ಕಲಾಂ ಅವರನ್ನು ರಾಷ್ಟçಪತಿ ಮಾಡಿದ್ದು ಯಾರು ಎಂಬುದನ್ನು ಸರಿಯಾಗಿ ಓದಿಕೋ ಮುಠ್ಠಾಳ ಎಂದು ಪ್ರದೀಪ್ ಈಶ್ವರ್ ವಿರುದ್ಧ ಹರಿಹಾಯ್ದರು. ಇದೇ ಶನಿವಾರ ದಾವಣಗೆರೆಗೆ ನಿನ್ನ ಎಸ್ಕಾರ್ಟ್, ನಿನ್ನ ಅಕಾಡೆಮಿಯವರು ಸೇರಿದಂತೆ ನಿನ್ನ ಎಲ್ಲಾ ಚೇಲಾಗಳನ್ನು ಕರೆದುಕೊಂಡು ಬಾ. ದಾವಣಗೆರೆಯ ಹಾಗೂ ಬಿಜೆಪಿ ತಾಕತ್ತು ಏನೆಂಬುದನ್ನು ತೋರಿಸುತ್ತೇವೆ ಎಂದು ಶಾಸಕ ಪ್ರದೀಪ್ ಈಶ್ವರ್‌ಗೆ ತಿರುಗೇಟು ನೀಡಿದರು. ಸುದ್ದಿಗೋಷ್ಠಿಯಲ್ಲಿ ಪೈಲ್ವಾನ್ ಮಂಜುನಾಥ್, ಮಟ್ಟಿಕಲ್ ಕರಿಬಸಪ್ಪ, ಬೆಳ್ಳೂಡಿ ಮಂಜುನಾಥ್, ಶೇಖರ್, ವೇಣು, ತಿಪ್ಪೇಶ್, ವಿಶ್ವಾಸ್ ಇತರರು ಇದ್ದರು.

ಹೊಸಕುಂದುವಾಡದಲ್ಲಿ ಮಾ.28-29ರಂದು ಟಗರು ಕಾಳಗ

ದಾವಣಗೆರೆ: ಹೊಸ ಕುಂದುವಾಡ ಶ್ರೀ ದೊಡ್ಡಮಾರಿಕಾಂಬ ಜಾತ್ರೆಯ ಪ್ರಯುಕ್ತ ಹೊಸಕುಂದುವಾಡ ನಾಗರೀಕರ ಸಂಯುಕ್ತಾಶ್ರಯದಲ್ಲಿ ರಾಜ್ಯ ಮಟ್ಟದ ಭಾರೀ ಟಗರು ಕಾಳಗವನ್ನು ಮಾ.28 ಮತ್ತು 29 ರಂದು ನಡೆಯಲಿದೆ ಎಂದು ಗ್ರಾಮಸ್ಥರಾದ ರಾಘವೇಂದ್ರ ತಿಳಿಸಿದರು. ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಏಪ್ರಿಲ್ 14 ಮತ್ತು 15ರಂದು ಹೊಸ ಕುಂದುವಾಡ ಗ್ರಾಮದಲ್ಲಿ ಪ್ರತಿ ಐದು ವರ್ಷಕ್ಕೊಮ್ಮೆ ನಡೆಯುವ ಶ್ರೀ ದೊಡ್ಡಮಾರಿಕಾಂಬ ದೇವಿಯ ಜಾತ್ರಾ ಮಹೋತ್ಸವ ನಡೆಯಲಿದ್ದು,‌ ಈ ಪ್ರಯುಕ್ತ ರಾಜ್ಯ ಮಟ್ಟದ ಭಾರೀ‌ ಟಗರು ಕಾಳಗವನ್ನು ಹಮ್ಮಿಕೊಳ್ಳಲಾಗಿದೆ ಎಂದರು. ಹೊಸಕುಂದುವಾಡದ ಹೆದ್ದಾರಿ ಪಕ್ಕದಲ್ಲಿ ಬೆಳಿಗ್ಗೆ 10 ಗಂಟೆಯಿಂದ ಟಗರು ಕಾಳಗ ನಡೆಯಲಿದ್ದು, ಮರಿ ಕುರಿಗಳಿಂದ ಹಿಡಿದು 8 ಹಲ್ಲುಗಳ ಕುರಿಗಳು ಭಾಗವಹಿಸಬಹುದು. ಪ್ರವೇಶ ಶುಲ್ಕಗಳು ಇರಲಿದ್ದು, ಮರಿ ಕುರಿಗಳಿಗೆ ಪ್ರಥಮ 15000, ದ್ವಿತೀಯ 10000, ತೃತೀಯ 500 ರೂ ಬಹುಮಾನ, 2 ಹಲ್ಲುಗಳ ಕುರಿಗಳಿಗೆ ಪ್ರ. 25000, ದ್ವಿ. 15000, ತೃ. 1000 ರೂ ಬಹುಮಾನ, 4 ಹಲ್ಲು ಕುರಿಗಳಿಗೆ ಪ್ರ. 40000, ದ್ವಿ 20000, ತೃ. 10000, 6 ಹಲ್ಲು ಕುರಿಗಳಿಗೆ ಪ್ರ. 50000, ದ್ವಿ. 25000, ತೃ. 15000, 8 ಹಲ್ಲು ಕುರಿಗಳಿಗೆ ಪ್ರ. 80000, ದ್ವಿ. 40000, ತೃ. 12500 ರೂ ಬಹಮಾನ ಇದೆ ಎಂದರು. ಸುದ್ದಿಗೋಷ್ಠಿಯಲ್ಲಿ ಸಂತೋಷ್ ಹೆಚ್, ಸಚಿನ್ ಎಸ್ ದೊಡ್ಡಮನಿ, ಮಂಜನಾಥ್ ಎಸ್, ಆದರ್ಶ್ ಎಸ್ ಇತರರು‌ ಇದ್ದರು.

ಜುಂಬ ಡ್ಯಾನ್ಸ್ ಮಾಡಿ ಅಧಿಕಾರಿಗಳಿಂದ ಮತದಾನ ಜಾಗೃತಿ

ದಾವಣಗೆರೆ,ಮಾ.24 : ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆಯ ಹಿನ್ನೆಲೆಯಲ್ಲಿ ಮತದಾನದ ಪ್ರಮಾಣವನ್ನು ಹೆಚ್ಚಿಸಲು ಜಿಲ್ಲಾ ಸ್ವೀಪ್ ಸಮಿತಿಯು ಸರಣಿ ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ ಎಂದು ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಾಹಕಾಧಿಕಾರಿ ಗಿತ್ತೆ ಮಾಧವ ವಿಠಲರಾವ್ ಅವರು ತಿಳಿಸಿದರು ಅವರು ಮಂಗಳವಾರ ಜಿಲ್ಲಾ ಕ್ರೀಡಾಂಗಣದಲ್ಲಿ ಜಿಲ್ಲಾ ಸ್ವೀಪ್ ಸಮಿತಿ ವತಿಯಿಂದ ಏರ್ಪಡಿಸಿದ್ದ ಜುಂಬ ಡ್ಯಾನ್ಸ್ಗೆ ಚಾಲನೆ ನೀಡಿ ಮಾತನಾಡಿದರು. ಮತದಾರರಲ್ಲಿ ಅರಿವು ಮೂಡಿಸುವ ಮೂಲಕ ಈ ಬಾರಿ ದಾಖಲೆ ಪ್ರಮಾಣದ ಮತದಾನ ಮಾಡಿಸುವ ಗುರಿಯನ್ನು ಜಿಲ್ಲಾಡಳಿತ ಹೊಂದಿದೆ, ಮತದಾರರನ್ನು ಪ್ರೇರೇಪಿಸಲು ಸಮಿತಿಯು ಪ್ರತಿದಿನ ವಿಭಿನ್ನ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದೆ, ಪ್ರಮುಖವಾಗಿ ಈಗಾಗಲೇ ನಗರದ ಪ್ರಮುಖ ರಸ್ತೆಗಳಲ್ಲಿ ಬೈಕ್ ರ‍್ಯಾಲಿ ಮತ್ತು ಜನಜಾಗೃತಿ ಜಾಥಾಗಳನ್ನು ಯಶಸ್ವಿಯಾಗಿ ನಡೆಸಲಾಗಿದೆ ಎಂದರು. ನಗರ ಪ್ರದೇಶದ ಮತದಾರರಿಗೆ ವಿಶೇಷ ಮನವಿ: ಗ್ರಾಮೀಣ ಭಾಗದ ಎಂಟು ಗ್ರಾಮ ಪಂಚಾಯತ್ ವ್ಯಾಪ್ತಿಗಳಲ್ಲಿ ಮತದಾನದ ಪ್ರಮಾಣ ಉತ್ತಮವಾಗಿದೆ. ಆದರೆ, ನಗರ ಪ್ರದೇಶಗಳಲ್ಲಿ ಮತದಾನದ ಪ್ರಮಾಣ ಕಡಿಮೆ ಇರುವ ಹಿನ್ನೆಲೆಯಲ್ಲಿ, ನಗರವಾಸಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವಂತೆ, ಪ್ರತಿಯೊಬ್ಬ ಮತದಾರರೂ ಮತದಾನ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ಖಚಿತಪಡಿಸಿಕೊಳ್ಳಬೇಕು. ವ್ಯವಸ್ಥಿತ ಮತದಾರರ ಶಿಕ್ಷಣ ಮತ್ತು ಚುನಾವಣಾ ಭಾಗವಹಿಸುವಿಕೆ (ಸ್ವೀಪ್) ಅಡಿಯಲ್ಲಿ ನಾವು ಪ್ರತಿಯೊಬ್ಬರಿಗೂ ತಲುಪಲು ಪ್ರಯತ್ನಿಸುತ್ತಿದ್ದೇವೆ, ಮತದಾನವು ಪ್ರತಿಯೊಬ್ಬ ನಾಗರಿಕನ ಹಕ್ಕು ಮತ್ತು ಕರ್ತವ್ಯವಾಗಿದ್ದು, ಏಪ್ರಿಲ್ 9 ರಂದು ತಪ್ಪದೇ ಮತ ಚಲಾಯಿಸುವ ಮೂಲಕ ಪ್ರಜಾಪ್ರಭುತ್ವವನ್ನು ಬಲಪಡಿಸೋಣ ಎಂದರು ವಿದ್ಯಾರ್ಥಿಗಳು ಮತ್ತು ಅಧಿಕಾರಿ ಸಿಬ್ಬಂದಿಗಳು ಮತದಾರರಲ್ಲಿ ಅರಿವು ಮೂಡಿಸಿದರು. ಈ ಆಕರ್ಷಕ ದೃಶ್ಯವನ್ನು ಡ್ರೋನ್ ಕ್ಯಾಮೆರಾದ ಮೂಲಕ ಸೆರೆಹಿಡಿಯಲಾಗಿ ಗಮನ ಸೆಳೆಯಿತು ಅಪರ ಜಿಲ್ಲಾಧಿಕಾರಿ ಶೀಲವಂತ ಶಿವಕುಮಾರ್, ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಮಮತಾ ಗೌಡರ್, ಮುಖ್ಯ ಯೋಜನಾ ನಿರ್ದೇಶಕ ಮಲ್ಲಾ ನಾಯಕ್ ಜಿಲ್ಲಾ ಮಟ್ಟದ ಅಧಿಕಾರಿಗಳು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

ಜುಂಬ ಡ್ಯಾನ್ಸ್ ಮಾಡಿ ಅಧಿಕಾರಿಗಳಿಂದ ಮತದಾನ ಜಾಗೃತಿ

ದಾವಣಗೆರೆ,ಮಾ.24 : ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆಯ ಹಿನ್ನೆಲೆಯಲ್ಲಿ ಮತದಾನದ ಪ್ರಮಾಣವನ್ನು ಹೆಚ್ಚಿಸಲು ಜಿಲ್ಲಾ ಸ್ವೀಪ್ ಸಮಿತಿಯು ಸರಣಿ ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ ಎಂದು ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಾಹಕಾಧಿಕಾರಿ ಗಿತ್ತೆ ಮಾಧವ ವಿಠಲರಾವ್ ಅವರು ತಿಳಿಸಿದರು ಅವರು ಮಂಗಳವಾರ ಜಿಲ್ಲಾ ಕ್ರೀಡಾಂಗಣದಲ್ಲಿ ಜಿಲ್ಲಾ ಸ್ವೀಪ್ ಸಮಿತಿ ವತಿಯಿಂದ ಏರ್ಪಡಿಸಿದ್ದ ಜುಂಬ ಡ್ಯಾನ್ಸ್ಗೆ ಚಾಲನೆ ನೀಡಿ ಮಾತನಾಡಿದರು. ಮತದಾರರಲ್ಲಿ ಅರಿವು ಮೂಡಿಸುವ ಮೂಲಕ ಈ ಬಾರಿ ದಾಖಲೆ ಪ್ರಮಾಣದ ಮತದಾನ ಮಾಡಿಸುವ ಗುರಿಯನ್ನು ಜಿಲ್ಲಾಡಳಿತ ಹೊಂದಿದೆ, ಮತದಾರರನ್ನು ಪ್ರೇರೇಪಿಸಲು ಸಮಿತಿಯು ಪ್ರತಿದಿನ ವಿಭಿನ್ನ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದೆ, ಪ್ರಮುಖವಾಗಿ ಈಗಾಗಲೇ ನಗರದ ಪ್ರಮುಖ ರಸ್ತೆಗಳಲ್ಲಿ ಬೈಕ್ ರ‍್ಯಾಲಿ ಮತ್ತು ಜನಜಾಗೃತಿ ಜಾಥಾಗಳನ್ನು ಯಶಸ್ವಿಯಾಗಿ ನಡೆಸಲಾಗಿದೆ ಎಂದರು. ನಗರ ಪ್ರದೇಶದ ಮತದಾರರಿಗೆ ವಿಶೇಷ ಮನವಿ: ಗ್ರಾಮೀಣ ಭಾಗದ ಎಂಟು ಗ್ರಾಮ ಪಂಚಾಯತ್ ವ್ಯಾಪ್ತಿಗಳಲ್ಲಿ ಮತದಾನದ ಪ್ರಮಾಣ ಉತ್ತಮವಾಗಿದೆ. ಆದರೆ, ನಗರ ಪ್ರದೇಶಗಳಲ್ಲಿ ಮತದಾನದ ಪ್ರಮಾಣ ಕಡಿಮೆ ಇರುವ ಹಿನ್ನೆಲೆಯಲ್ಲಿ, ನಗರವಾಸಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವಂತೆ, ಪ್ರತಿಯೊಬ್ಬ ಮತದಾರರೂ ಮತದಾನ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ಖಚಿತಪಡಿಸಿಕೊಳ್ಳಬೇಕು. ವ್ಯವಸ್ಥಿತ ಮತದಾರರ ಶಿಕ್ಷಣ ಮತ್ತು ಚುನಾವಣಾ ಭಾಗವಹಿಸುವಿಕೆ (ಸ್ವೀಪ್) ಅಡಿಯಲ್ಲಿ ನಾವು ಪ್ರತಿಯೊಬ್ಬರಿಗೂ ತಲುಪಲು ಪ್ರಯತ್ನಿಸುತ್ತಿದ್ದೇವೆ, ಮತದಾನವು ಪ್ರತಿಯೊಬ್ಬ ನಾಗರಿಕನ ಹಕ್ಕು ಮತ್ತು ಕರ್ತವ್ಯವಾಗಿದ್ದು, ಏಪ್ರಿಲ್ 9 ರಂದು ತಪ್ಪದೇ ಮತ ಚಲಾಯಿಸುವ ಮೂಲಕ ಪ್ರಜಾಪ್ರಭುತ್ವವನ್ನು ಬಲಪಡಿಸೋಣ ಎಂದರು ವಿದ್ಯಾರ್ಥಿಗಳು ಮತ್ತು ಅಧಿಕಾರಿ ಸಿಬ್ಬಂದಿಗಳು ಮತದಾರರಲ್ಲಿ ಅರಿವು ಮೂಡಿಸಿದರು. ಈ ಆಕರ್ಷಕ ದೃಶ್ಯವನ್ನು ಡ್ರೋನ್ ಕ್ಯಾಮೆರಾದ ಮೂಲಕ ಸೆರೆಹಿಡಿಯಲಾಗಿ ಗಮನ ಸೆಳೆಯಿತು ಅಪರ ಜಿಲ್ಲಾಧಿಕಾರಿ ಶೀಲವಂತ ಶಿವಕುಮಾರ್, ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಮಮತಾ ಗೌಡರ್, ಮುಖ್ಯ ಯೋಜನಾ ನಿರ್ದೇಶಕ ಮಲ್ಲಾ ನಾಯಕ್ ಜಿಲ್ಲಾ ಮಟ್ಟದ ಅಧಿಕಾರಿಗಳು ಮತ್ತು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

ಶಾಸಕ ಬಿ.ದೇವೇಂದ್ರಪ್ಪ ಪಕ್ಷಾತೀತವಾಗಿ ಕೆಲಸ ಮಾಡಬೇಕು: ಎಸ್.ವಿ.ರಾಮಚಂದ್ರ

ದಾ.ನಗರವಾಣಿ ಸುದ್ದಿ, ಜಗಳೂರು,ಮಾ.24:ಕ್ಷೇತ್ರದಲ್ಲಿ ಮೂರು ಬಾರಿ ಶಾಸಕನಾಗಿ ಭವನಗಳು, ನೀರಾವರಿ ಯೋಜನೆಗಳಿಗೆ ಚಾಲನೆ, ಸಿಸಿ ರಸ್ತೆ, ಮೂರು ಬಸ್ ನಿಲ್ದಾಣಗಳು, ಪಟ್ಟಣದಲ್ಲಿ ದ್ವಿಮುಖ ರಸ್ತೆ ಅಭಿವೃದ್ಧಿ, ವಾಲ್ಮೀಕಿ, ಅಂಬೇಡ್ಕರ್ ಪುತ್ಥಳಿ ಸೇರಿದಂತೆ ಹಲವಾರು ಅಭಿವೃದ್ದಿ ಕೆಲಸಗಳನ್ನು ಕಟ್ಟಿಹಾಕಿರುವೆ ಎಂದು ಇತ್ತೀಚೆಗೆ ಬಹಿರಂಗ ಸಭೆಯಲ್ಲಿ ನೀಡಿದ್ದ ಶಾಸಕ ಬಿ.ದೇವೇಂದ್ರಪ್ಪ ಅವರ ಹೇಳಿಕೆಗೆ ಮಾಜಿ ಶಾಸಕ ಎಸ್.ವಿ.ರಾಮಚಂದ್ರ ಅವರು ದಾಖಲೆ ಸಮೇತ ಉತ್ತರ ನೀಡಿದರು. ಪಟ್ಟಣದ ಮಾಜಿ ಶಾಸಕ ಎಸ್ ವಿ ರಾಮಚಂದ್ರ ಅವರ ನಿವಾಸದಲ್ಲಿ ನಡೆದ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಅವರು ಮಾತನಾಡಿದರು. ನನ್ನ ಆಡಳಿತಾವಧಿಯಲ್ಲಿ ಸಿರಿಗೆರೆ ಶ್ರೀಗಳ ಸಹಕಾರದಿಂದ 57 ಕೆರೆ ತುಂಬಿಸುವ ಯೋಜನೆ ಕಾಮಗಾರಿಗೆ ಚಾಲನೆ ನೀಡಿರುವೆ ನಂತರ ಶಾಸಕ ಬಿ. ದೇವೇಂದ್ರಪ್ಪ ಅವರು ಲೋಕಾರ್ಪಣೆಗೊಳಿಸಿದ್ದಾರೆ. ಕನಸಿನ ಭದ್ರಾಮೇಲ್ದಂಡೆ ಯೋಜನೆ ಜಾರಿಗೊಳಿಸುವಲ್ಲಿ ಸಿಂಹಪಾಲಿದೆ. ಜೆಜೆಎಂ ಕಾಮಗಾರಿಯನ್ನು ನನ್ನ ಆಡಳಿತಾವಧಿಯಲ್ಲಿ ಜಾರಿಗೊಳಿಸಿರುವೆ.ನನ್ನ ಆಡಳಿತಾವಧಿಯಲ್ಲಿನ ಸ್ಥಗಿತಗೊಂಡಿರುವ ಶುದ್ದನೀರಿನ ಘಟಕಗಳನ್ನು ದುರಸ್ಥಿಗೊಳಿಸಬೇಕು. ನನ್ನ ಸ್ವಂತ ಅನುದಾನದಲ್ಲಿ ಅಂಬೇಡ್ಕರ್ ಹಾಗೂ ಮಹರ್ಷಿ ವಾಲ್ಮೀಕಿ ಪುತ್ಥಳಿಗಳನ್ನು ನಿರ್ಮಿಸಿರುವೆ. ಹಾಲಿ ಶಾಸಕರು ಸುತ್ತಲೂ ಅಭಿವೃದ್ಧಿಪಡಿಸಿದ್ದಾರೆ. ಅಲ್ಲದೆ ಪಟ್ಟಣದಲ್ಲಿ ಬಾಬುಜಗಜೀವನ್ ರಾಂ,ಎರಡು ವಾಲ್ಮೀಕಿ ಭವನ,ಸುಸಜ್ಜಿತ ಬಯಲುರಂಗಮAದಿರ ನಿರ್ಮಾಣಮಾಡಿರುವೆ. ಗ್ರಾಮೀಣ ಭಾಗದಲ್ಲಿ ಹಲವಾರು ಸಿಸಿ ರಸ್ತೆ ಅಭಿವೃದ್ಧಿ, ಹೈಮಾಸ್ಟ್ ದೀಪ ಅಳವಡಿಸಿರುವೆ. ವಾಲ್ಮೀಕಿ ಅಭಿವೃದ್ಧಿ ನಿಗಮದ ಅಧ್ಯಕ್ಷನಾಗಿ ಗಂಗಾ ಕಲ್ಯಾಣ ಯೋಜನೆಯಡಿ ಬೋರ್ ವೆಲ್, ಸಾಲ ಸೌಲಭ್ಯ ಒದಗಿಸಿರುವೆ. ನನ್ನ ಆಡಳಿತಾವಧಿಯಲ್ಲಿ 3500 ಕೋಟಿಗೂ ಅಧಿಕ ಅನುದಾನದಲ್ಲಿ ಕ್ಷೇತ್ರದ ಸಮಗ್ರ ಅಭಿವೃದ್ಧಿಗೊಳಿಸಿರುವೆ. ಹಾಲಿ ಶಾಸಕರ ಅಭಿವೃದ್ಧಿ ಕೆಲಸಗಳಿಗೆ ಸಂಪೂರ್ಣ ಸಹಕಾರವಿದೆ. ಅಭಿವೃದ್ಧಿ ವಿಚಾರದಲ್ಲಿ ಆರೋಗ್ಯಕರ ಚರ್ಚೆಯಿರಲಿ, ಅಭಿವೃದ್ಧಿ ಕುಂಠಿತಗೊAಡಲ್ಲಿ ಯಾವುದೇ ರಾಜಿಯಿಲ್ಲ ಎಂದು ತಿರುಗೇಟು ನೀಡಿದರು. ಪಕ್ಷಾತೀತವಾಗಿ ವರ್ತಕರ ಸಭೆ ಕರೆದು ರಸ್ತೆ ವಿಸ್ತರಣೆ ಗೊಂದಲ ಇತ್ಯರ್ಥಪಡಿಸಬೇಕು:ಪಟ್ಟಣದಲ್ಲಿ ಹಾದುಹೋಗಿರುವ ರಾಜ್ಯ ಹೆದ್ದಾರಿ ಮುಖ್ಯರಸ್ತೆ ವಿಸ್ತರಣೆ ಕಾಮಗಾರಿ ಕೇವಲ 35 ಅಡಿ, 40 ಅಡಿ ಅಗಲೀಕರಣದ ಆರೋಪಗಳು ಕೇಳಿಬರುತ್ತಿವೆ. ಶಾಸಕ ಬಿ.ದೇವೇಂದ್ರಪ್ಪ ಅವರು ಪಕ್ಷಾತೀತವಾಗಿ ಹಾಲಿ ಮಾಜಿ ಶಾಸಕರು, ವರ್ತಕರು, ಅಧಿಕಾರಿಗಳ ಸಭೆ ಕರೆದು ಸೂಕ್ತ ನಿರ್ಧಾರ ಕೈಗೊಂಡು ಸಮಸ್ಯೆ ಇತ್ಯರ್ಥಪಡಿಸಬೇಕು. ವಿರೋಧ ಪಕ್ಷದ ಸಹಕಾರವಿರುತ್ತದೆ ಎಂದು ನಯವಾಗಿ ಟೀಕಿಸಿದರು. ಇದೇ ವೇಳೆ ಮಾ.22 ರಂದು ನಗರವಾಣಿ ಪತ್ರಿಕೆಯಲ್ಲಿ ‘ಉಪ ಶೀರ್ಷಿಕೆಯಲ್ಲಿ ನೀವಿಬ್ಬರೂ ಏನು ಕಡಿದು ಕಟ್ಟಿಹಾಕಿದ್ದೀರಿ’ ಎಂಬ ಮಾಜಿ ಶಾಸಕರ ವಿರುದ್ದ ಶಾಸಕ ಬಿ.ದೇವೇಂದ್ರಪ್ಪ ಅವರು ಸವಾಲು ಹಾಕಿದ್ದಕ್ಕೆ ಸ್ಪಷ್ಟನೆ ನೀಡಿದರು. ಈ ಸಂದರ್ಭದಲ್ಲಿ ಬಿಜೆಪಿ ಮಂಡಲ ಅಧ್ಯಕ್ಷ ಎ.ಎಂ ಮರುಳಾರಾಧ್ಯ, ತಾಲ್ಲೂಕು ಪ್ರಧಾನ ಕಾರ್ಯದರ್ಶಿ ಧರ್ಮನಾಯ್ಕ, ವಕೀಲ ಹನುಮಂತಪ್ಪ, ಪ.ಪಂ ಮಾಜಿ ಸದಸ್ಯ ಪಾಪಲಿಂಗಪ್ಪ, ದೇವಿಕೆರೆ ಪ್ರವೀಣ ಕುಮಾರ್, ಬಾಣೇಶ್, ಸೇರಿದಂತೆ ಇತರರು ಇದ್ದರು.

ವಚನಾನಂದ ಶ್ರೀಗಳ ಪೀಠ ತ್ಯಾಗಕ್ಕೆ ಹೇಳಿಲ್ಲ ವರ್ತನೆ ತಿದ್ದಿಕೊಳ್ಳಲು ಹೇಳಿದ್ದೇವೆ: ಬಿ.ಸಿ.ಉಮಾಪತಿ

ದಾ ನಗರವಾಣಿ ಸುದ್ದಿ ದಾವಣಗೆರೆ.ಮಾ.17: ಹರಿಹರ ಪಂಚಮಸಾಲಿ ಪೀಠದ ವಚನಾನಂದ ಶ್ರೀಗಳಿಗೆ ತಮ್ಮ ಆಚಾರ-ವಿಚಾರ ಬದಲಿಸಿಕೊಳ್ಳಬೇಕು ಎಂದು ಹೇಳಿದ್ದೇವೆಯೇ ಹೊರತು, ಅವರನ್ನು ಪೀಠ ತ್ಯಾಗ ಮಾಡಿ ಎಂದು ಹೇಳಿಲ್ಲ ಮತ್ತು ಸಮಾಜದ ಜಗದ್ಗುರುಗಳಾಗಿ ಮುನ್ನಡೆಯುವ ಆಯ್ಕೆಯನ್ನು ಅವರಿಗೇ ಬಿಟ್ಟಿದ್ದೇವೆ ಎಂದು ವೀರಶೈವ ಲಿಂಗಾಯತ ಪಂಚಮಸಾಲಿ ಸಮಾಜದ ಮುಖಂಡರು ಹಾಗೂ ಶ್ರೀಪೀಠದ ಧರ್ಮದರ್ಶಿಗಳು ಸ್ಪಷ್ಟಪಡಿಸಿದರು. ಮಂಗಳವಾರ ನಗರದ ಪಂಚಮಸಾಲಿ ಸಮಾಜದ ಜಿಲ್ಲಾ ಕಚೇರಿಯಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಶ್ರೀಪೀಠದ ಪ್ರಧಾನ ಧರ್ಮದರ್ಶಿ ಬಿ.ಸಿ.ಉಮಾಪತಿ ಮಾತನಾಡಿ, ಇತ್ತೀಚೆಗೆ ಶ್ರೀಗಳ ಆಚಾರ-ವಿಚಾರಗಳÀಲ್ಲಿ ಅಲ್ಪ ವ್ಯತ್ಯಾಸ ಕಂಡುಬAದದ್ದನ್ನು ಸಮಾಜದ ಭಾಂಧವರು ನಮ್ಮ ಬಳಿ ಹೇಳಿಕೊಂಡಿದ್ದರು. ಈ ಬಗ್ಗೆ ನಾವು ಅಂದರೆ, ಕೇವಲ ಟ್ರಸ್ಟಿಗಳ ಸಭೆ ಕರೆದು ನಾಲ್ಕು ಗೋಡೆಗಳ ಮಧ್ಯೆ ಹರಿಹರ ಪೀಠವು ಗೆಸ್ಟ್ ಹೌಸ್ ರೀತಿ ಆಗಿರದೇ, ಪಂಚಮಸಾಲಿ ಸಮಾಜದ ಮಠವಾಗಿರಬೇಕು. ಪಂಚಮಸಾಲಿ ಆಚಾರ, ವಿಚಾರ, ಸಂಪ್ರದಾಯಗಳನ್ನು ಮುನ್ನಡೆಸಿಕೊಂಡು ಹೋಗುವ ಕೆಲಸವು ಶ್ರೀಗಳಿಂದ ಆಗಬೇಕು ಎಂದು ತಿಳಿ ಹೇಳಿದ್ದೆವು ಎಂದರು. ಸಮಾಜದ ಶ್ರೀಪೀಠದ ಗುರುಗಳಾಗಿ ಶ್ರೀ ವಚನಾನಂದ ಸ್ವಾಮೀಜಿ ಏನು ಮಾಡಬೇಕೋ ಅಂತಹದ್ದು ಆಗಬೇಕಾಗಿದೆ. ಆದರೆ, ಶ್ರೀಮಠದಲ್ಲಿ ಶ್ರೀಗಳನ್ನು ಪೀಠದಿಂದ ತೆಗೆಯಲು ಸಭೆ ಕರೆದಿದ್ದಾರೆಂದು ಸುಳ್ಳು ಸುದ್ದಿ ಹರಡಿ, ಗದ್ದಲ ಎಬ್ಬಿಸಿದ್ದು ಸರಿಯಲ್ಲ. ಶ್ರೀ ವಚನಾನಂದ ಸ್ವಾಮೀಜಿಗಳನ್ನು ಪೀಠದಿಂದ ತೆಗೆಯುವುದಲ್ಲ, ತಿದ್ದುವ ಕೆಲಸ ಆಗಬೇಕಾಗಿದೆ. ವಿವಿಧ ಮಠಾಧೀಶರು ಹೇಗೆ ತಮ್ಮ ಸಮುದಾಯಗಳನ್ನು ಮುನ್ನಡೆಸುತ್ತಾರೋ, ಆಚಾರ, ವಿಚಾರ, ಸಂಪ್ರದಾಯವನ್ನು ಕಲಿಸುತ್ತಾರೋ, ಅಂತಹ ಕೆಲಸವೂ ಶ್ರೀಗಳಿಂದ ಆಗಬೇಕು ಎಂದು ಅವರು ತಿಳಿಸಿದರು. ಪೀಠದ ಆಡಳಿತಾಧಿಕಾರಿಗಳು ಹಾಗೂ ಇತರರ ಆರೋಪದಂತೆ ಶ್ರೀಮಠದಲ್ಲಿ ನಯಾಪೈಸೆಯೂ ವ್ಯತ್ಯಾಸವಾಗಿಲ್ಲ. ಪಂಚಮಸಾಲಿ ಪೀಠ ನಮ್ಮಂತಹ ಲಕ್ಷಾಂತರ ಜನರ ಕನಸು. ಸಮಾಜದ ಋಣ ತೀರಿಸುವ ಕೆಲಸವನ್ನು ನಾವೆಲ್ಲರೂ ಮಾಡುತ್ತಿದ್ದೇವೆ. ಶ್ರೀಗಳು ಹಿರಿಯರನ್ನು ದೂರ ಇಡುತ್ತಿದ್ದರು. ಟ್ರಸ್ಟಿಗಳನ್ನೇ ಬದಲಿಸಲು ಹೇಳುತ್ತಿದ್ದರು. ಸೋಲ್ ಟ್ರಸ್ಟ್ ಮಾಡಿದರೆ, ತಾವು ಮುನ್ನಡೆಸುವುದಾಗಿ ಹೇಳುತ್ತಿದ್ದರು. ಪಂಚಮಸಾಲಿ ಪೀಠವನ್ನು 1994ರಿಂದ ಎಲ್ಲರೂ ಪ್ರಯತ್ನಪಟ್ಟು, ಸಾಕಷ್ಟು ಪರಿಶ್ರಮದಿಂದ ಕಟ್ಟಿದ್ದೇವೆ. ಅಂತಹ ಮಠದ ಟ್ರಸ್ಟಿಗಳನ್ನು ಬದಲಿಸುವಂತೆ ಹೇಳುವುದು, ಸೋಲ್ ಟ್ರಸ್ಟ್ ಮಾಡುವಂತೆ ಹೇಳುವುದೆಂದರೆ ಏನರ್ಥ? ಎಂದು ಅವರು ಪ್ರಶ್ನಿಸಿದರು. ಟ್ರಸ್ಟಿಗಳು ಸೇರಿದಂತೆ ಯಾರೂ ಸಹ ಸ್ವಾಮೀಜಿಯನ್ನು ತಮ್ಮ ಕಪಿಮುಷ್ಟಿಯಲ್ಲಿಟ್ಟಿಲ್ಲ. ನಮ್ಮದು ರಾಜಕೀಯವಾಗಲೀ, ಸ್ವಾರ್ಥದ ಕೆಲಸವಾಗಲಿ ಅಲ್ಲ. ಶ್ರೀ ವಚನಾನಂದ ಸ್ವಾಮೀಜಿ 10 ದಿನವೆಂದು 40 ದಿನಗಳ ವಿದೇಶ ಪ್ರವಾಸಕ್ಕೆ ಹೋದರು. ಪ್ರಯಾಗರಾಜಗೂ ಹೋಗಿ ಬಂದರು ಆದರೂ ನಮ್ಮ ಸ್ವಾಮೀಜಿ ಜ್ಞಾನಾರ್ಜನೆಗೆ ಹೋಗಿದ್ದಾರೆ ಎಂದು ಕೊಂಡೆವು. ಸಮಾಜವನ್ನು ಕಟ್ಟಿದವರು ನಾವು. ಹರಜಾತ್ರೆಯನ್ನು ಸರಳವಾಗಿ ಮಾಡುವಂತೆ ಹೇಳಿದ್ದೆವು. ಆದರೆ, ತಮಗೆ ತಿಳಿದಂತೆ ಸ್ವಾಮೀಜಿ ಮಾಡಿದರು. ಡಿಸಿಎಂ ಡಿ.ಕೆ.ಶಿವಕುಮಾರ, ಸಚಿವ ಸಂತೋಷ ಲಾಡ್ ವೇದಿಕೆಯಲ್ಲಿಲ್ಲದಿದ್ದರೂ ಅಂತಹವರನ್ನು ಹೊಗಳಿ, ಎದ್ದು ಚಪ್ಪಾಳೆ ತಟ್ಟುವಂತೆ ಸಮಾಜಕ್ಕೆ ಕರೆ ನೀಡುತ್ತಾರೆಂದರೆ ಇದನ್ನು ಸಂಘಟನೆ ಎನ್ನಬೇಕೆ? ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು. ಇತ್ತೀಚಿಗೆ ನಡೆದ ಸಾಮಾನ್ಯ ಕಾರ್ಯಕ್ರಮವೊಂದರಲ್ಲಿ ವೇದಿಕೆ ಮೇಲಿದ್ದ ಸಾಧಕರಿಗೆ ಡಿಸಿಎಂ ಡಿ.ಕೆ.ಶಿವಕುಮಾರ್ ಸನ್ಮಾನ ಮಾಡುತ್ತಿರುವಾಗ ನಮ್ಮ ಶ್ರೀಗಳು ಅವರಿಗೆ ಹಾರ, ಶಾಲು, ಟೋಪಿ ತಂದುಕೊಡುವ ಕೆಲಸ ಮಾಡುತ್ತಿದ್ದರು. ಸುಮಾರು 80 ಲಕ್ಷ ಜನಸಂಖ್ಯೆ ಇರುವ ಪಂಚಮಸಾಲಿ ಸಮಾಜದ ಜಗದ್ಗುರುಗಳು ಸಾಮಾನ್ಯರಂತೆ ಕೆಲಸ ಮಾಡುವುದನ್ನು ಸಹಿಸದೇ ನಮ್ಮ ಸಮಾಜದ ಜನರು ಬೇಸರಗೊಂಡು ನಮ್ಮ ಬಳಿ ನೋವು ತೋಡಿಕೊಂಡಿದ್ದರು. ಶ್ರೀಗಳು ಈ ಬಗ್ಗೆ ಮತ್ತು ತಮ್ಮ ಸಮಾಜದ ಆಚಾರ-ವಿಚಾರಗಳ ಬಗ್ಗೆ ಆಲೋಚಿಸಬೇಕಿದೆ ಎಂದರು. ಧರ್ಮದರ್ಶಿ ಚಂದ್ರಶೇಖರ ಪೂಜಾರ ಮಾತನಾಡಿ, ನನ್ನ ಬಳಿ 25 ಲಕ್ಷ ರೂ. ಚೆಕ್ ಕೊಟ್ಟಿದ್ದೇನೆಂದವರು ಅದನ್ನು ಸಾಬೀತುಪಡಿಸಬೇಕಲ್ಲವೇ? ಹೀಗೆ ಸುಳ್ಳು ಹೇಳಿ ಹೋದರೆ, ನಾವು ಜನರ ಮಧ್ಯೆ ಬಾಳುವುದಕ್ಕೆ ಸಾಧ್ಯವೇ? ಸ್ಥಳೀಯವಾಗಿ ನಮಗೆಷ್ಟು ಕಷ್ಟವಾಗುತ್ತದೆಂಬ ಅರಿವು ಅಂತಹವರಿಗೆ ಇಲ್ಲವೇ? ಮಾಜಿ ಶಾಸಕ ಅರುಣಕುಮಾರ 1.60 ಕೋಟಿ ರೂ. ಕೊಟ್ಟಿದ್ದರೆ ಅದನ್ನೇನಾದರೂ ಲಿಖಿತವಾಗಿ ನೀಡಿದ್ದಾರಾ? ಯಾರೇ ಆಗಲಿ ಗಾಳಿಯಲ್ಲಿ ಗುಂಡು ಹೊಡೆಯುವುದು ಬೇಡ. ನಿಮ್ಮ ಸ್ವಾರ್ಥಕ್ಕಾಗಿ ಸಮಾಜವನ್ನು ಬೀದಿಗೆ ತರಬೇಡಿ. 120 ಕೆಜಿ ಅಲ್ಲ, 174 ಕೆಜಿ ಬೆಳ್ಳಿ ನಮ್ಮ ಮಠದ್ದು ಇರುವುದು. ಅದನ್ನು ಸುರಕ್ಷಿತವಾಗಿ ಬ್ಯಾಂಕ್ ಲಾಕರ್ ನಲ್ಲಿ ಬಿ.ಸಿ.ಉಮಾಪತಿ ಇತರೆ ಧರ್ಮದರ್ಶಿಗಳು ಇಟ್ಟಿದ್ದಾರೆ ಎಂದು ತಿರುಗೇಟು ನೀಡಿದರು. ಹಿರಿಯ ಮುಖಂಡ ಪೀಠದ ಟ್ರಸ್ಟಿ ಬಾವಿ ಬೆಟ್ಟಪ್ಪ ಮಾತನಾಡಿ, 2008ರಿಂದಲೂ ಪೀಠ, ಸಮಾಜದ ಏನೇ ಸಮಸ್ಯೆ ಇದ್ದರೂ ನಾಲ್ಕು ಗೋಡೆ ಮಧ್ಯೆ ಕುಳಿತು ಸಮಸ್ಯೆ ಪರಿಹರಿಸುತ್ತಿದ್ದೆವು. ಸ್ವಾಮೀಜಿಯನ್ನು ಪಂಚಮಸಾಲಿ ಪೀಠಕ್ಕೆ ಕರೆ ತರುವಾಗಲೇ ಶ್ವಾಸಪೀಠ ತ್ಯಜಿಸಬೇಕು. ನಮ್ಮ ಸಮಾಜದ ಅನುಷ್ಠಾನ, ಆಚರಣೆ, ಸಂಘಟನೆ, ಸಮಾಜದ ಕೆಲಸದಲ್ಲಿ ತೊಡಗಬೇಕೆಂದು ಹೇಳಿದ್ದೆವು. ಶ್ರೀಮಠದಲ್ಲಿ ಪೂಜೆ, ಪುನಸ್ಕಾರ ನಿರಂತರ ನಡೆಯಬೇಕೆಂದು ಎಲ್ಲರೂ ಹೇಳಿದ್ದೆವು. ಸ್ವಾಮೀಜಿ ವರ್ತನೆಯಲ್ಲಿ ವ್ಯತ್ಯಾಸವಾದರೆ ಬೈಲಾ ಪ್ರಕಾರ ಬದಲಾವಣೆಗೆ ಅವಕಾಶವಿದೆ. ಸ್ವಾಮೀಜಿ ಏನೇನೋ ಪದ ಬಳಸಿ, ಅವಾಚ್ಯವಾಗಿ ಮಾತನಾಡುವುದು ಸರಿಯಲ್ಲ. ಸ್ವಾಮೀಜಿ ಬಾಯಿಯಿಂದ ಇಂತಹ ಪದ ಬರಬಾರದು. ನಿಮ್ಮ ನಡವಳಿಕೆ, ನಡತೆ ಬದಲಿಸಿಕೊಳ್ಳಿ ಎಂದು ಸಲಹೆ ನೀಡಿದರು. ಸುದ್ದಿಗೋಷ್ಠಿಯಲ್ಲಿ ಸಮಾಜದ ಮುಖಂಡರಾದ ಬಸವರಾಜ್ ದಿಂಡೂರ್, ಪಿ.ಡಿ.ಶಿರೂರು, ಜ್ಯೋತಿಪ್ರಕಾಶ, ಕಳಸನಗೌಡ, ನಾಗಣ್ಣ ಚಿತ್ರದುರ್ಗ, ಹಾವೇರಿ ಮಹೇಶ, ನಿಡೋಣಿ, ಬಾಬಣ್ಣ, ಪರಮೇಶ ಪಟ್ಟಣಶೆಟ್ಟಿ, ವಸಂತ, ಪುಷ್ಪಾ ಹುಲ್ಲತ್ತಿ, ರಶ್ಮಿ ಕುಂಕೋದ್, ಕೊಟ್ರೇಶ, ಕಕ್ಕರಗೊಳ್ಳ ಮಂಜುನಾಥ ಪುರವಂತರ, ರವಿಕುಮಾರ ಬಾತಿ ಇತರರು ಇದ್ದರು.

ಹರಿಹರ ಪಂಚಮಸಾಲಿ ಶ್ರೀಗಳ ಪದಚ್ಯುತಿ?

ದಾ ನಗರವಾಣಿ ಸುದ್ದಿ ಹರಿಹರ: ಹರಿಹರ ಪಂಚಮಸಾಲಿ ಪೀಠದಲ್ಲಿ 15 ಕೋಟಿಗೂ ಅಧಿಕ ಹಣದ ಅವ್ಯವಹಾರ. ಲೆಕ್ಕ ಕೇಳಿದ್ರೆ ವಚನಾನಂದ ಶ್ರೀಗಳು ಹಾಗೂ ನನ್ನನ್ನು ಆಡಳಿತಾಧಿಕಾರದಿಂದ ಕೆಳಗಿಳಿಸುವ ಹುನ್ನಾರ ಮೂವರು ಟ್ರಸ್ಟಿಗಳಿಂದ ನಡೆಸಲಾಗುತ್ತಿದೆ ಎಂದು ಪೀಠದ ಆಡಳಿತಾಧಿಕಾರಿ ಡಾ. ಎಚ್.ಪಿ. ರಾಜಕುಮಾರ್ ಆರೋಪಿಸಿದರು. ನಗರದ ಹೊರ ವಲಯದಲ್ಲಿರುವ ವೀರಶೈವ ಲಿಂಗಾಯತ ಪಂಚಮಸಾಲಿ ಮಠದಲ್ಲಿ ಗುರುವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಪೀಠದ ಪ್ರಧಾನ ಧರ್ಮದರ್ಶಿ ಬಿ.ಸಿ ಉಮಾಪತಿ, ಕಾರ್ಯದರ್ಶಿ ಕೆ.ಎಂ. ಜ್ಯೋತಿಪ್ರಕಾಶ್ ಹಾಗೂ ಮತ್ತೋರ್ವ ಧರ್ಮದರ್ಶಿ ಚಂದ್ರಶೇಖರ್ ಪೂಜಾರ್ ಅವರಿಂದ ಈ ಹುನ್ನಾರ ನಡೆಯುತ್ತಿದೆ ನನಗೆ ಹಾಗೂ ಶ್ರೀಗಳ ಜೀವಕ್ಕೆ ತೊಂದರೆ ಆದರೆ ಈ ಮೂವರೂ ಕಾರಣ ಎಂದರು. ಪೀಠದ ಗುರುಗಳಾದ ವಚನಾನಂದರು ಯಾವುದೇ ನಯಾ ಪೈಸೆಗೆ ಆಸೆ ಪಡದೇ, ಸಮಾಜದ ಒಗ್ಗಟ್ಟಿಗಾಗಿ ಶ್ರಮಿಸುತ್ತಿದ್ದಾರೆ. ತಮಗೆ ಬಂದ ಪಾದ ಪೂಜೆಯ ಹಣವನ್ನು ಮಠಕ್ಕೆ ನೀಡಿದ್ದಾರೆ. ಆದರೆ ಕಳೆದ ಮಾ.10ರಂದು ನಡೆಯಬೇಕಿದ್ದ ಟ್ರಸ್ಟ್ನ ಸಭೆಯಲ್ಲಿ ಶ್ರೀಗಳ ಆಚಾರ ವಿಚಾರದ ಬಗ್ಗೆ ಚರ್ಚೆ ಎಂಬ ವಿಷಯವನ್ನು ಸೇರಿಸುವ ಕಾರ್ಯಕ್ಕೆ ಉಮಾಪತಿಯವರು ಶ್ರೀ ಅವರನ್ನು ಪೀಠದಿಂದ ಕೆಳಗಿಳಿಸುವ ನಿರ್ಧಾರಕ್ಕೆ ಮುಂದಾಗಿದ್ದಾರೆ ಎಂದು ತಿಳಿಸಿದರು. ಕನಿಷ್ಠ ಯಾವ ಟ್ರಸ್ಟಿಗಳ ಕೋರಿಕೆಯ ಮೇಲೆ ಈ ವಿಷಯ ಬಂದಿದೆ. ಕೋರಿಕೆ ಬರಲು ಕಾರಣವೇನು? ಬಂದಿದ್ದರೆ ಈ ಬಗ್ಗೆ ಸೂಕ್ತ ಕಾನೂನಾತ್ಮಕ ಕ್ರಮವಿಟ್ಟು, ವಿಷಯ ಹಾಕಬೇಕಾಗುತ್ತದೆ. ಜಗದ್ಗುರಗಳ ವಿಷಯದಲ್ಲಿ ಹಗುರವಾಗಿ ನಡೆದುಕೊಳ್ಳುವುದು ಸರಿಯಲ್ಲ ಎಂದು ಕಳೆದ ಮಾ. 6ರಂದು ಅಭಿಪ್ರಾಯ ತಿಳಿಸಿದ್ದೆ. ಆದರೂ ಮಾ.26ರೊಳಗೆ ಶ್ರೀಗಳನ್ನು ಪೀಠದಿಂದ ಕೆಳಗಿಳಿಸುವ ನಿರ್ಧಾರ ಆಗಿದೆ ಎಂದು ಹೇಳಿದರು. ಕಳೆದ ಎರಡೂವರೆ ವರ್ಷದ ಹಿಂದೆ ಮಠದ ಲೆಕ್ಕ ಪತ್ರದಲ್ಲಿ ಹೆಚ್ಚುಕಡಿಮೆಯಾಗಿದೆ ಎಂದು ನನ್ನನ್ನು ಪೀಠದ ಆಡಳಿತಾಧಿಕಾರಿಯಾಗಿ ನೇಮಿಸಿದ್ದರು ಆದರೆ ಕಾನೂನಾತ್ಮಕವಾಗಿ ನನ್ನ ಬಳಿ ಇರಬೇಕಿದ್ದ ಸಂಘದ ಬೈಲಾ, ಎಲ್ಲಾ ಸಮಿತಿಗಳ ರಿಜಿಸ್ಟರ್, ಟ್ರಸ್ಟ್ ನಡುವಳಿಕೆ ಪುಸ್ತಕ, ಬ್ಯಾಂಕ್ ಪಾಸ್ ಬುಕ್, ಚೆಕ್ ಬುಕ್, ಸೇರಿದಂತೆ ಯಾವುದೇ ದಾಖಲೆಗಳನ್ನು ಇದುವರೆಗೆ ನೀಡಿಲ್ಲ. ಟ್ರಸ್ಟ್ ಆರ್ಥಿಕ ವ್ಯವಹಾರ ಚೆಕ್ ಸೈನಿಂಗ್ ಅಥಾರಿಟಿ ಇದೂವರೆಗೆ ನೀಡಿಲ್ಲ ಎಂದು ವಿವರಿಸಿದರು. ಟ್ರಸ್ಟ್ನ ವಿವಿಧ ಕಟ್ಟಡಗಳ ನಿರ್ಮಾಣಕ್ಕೆ ಸರ್ಕಾರದಿಂದ ಅನುದಾನ ಬಂದಿದೆ, ಇನ್ನೂ ಬರಬೇಕಿದೆ. ಸಚಿವರು, ಶಾಸಕರು, ಜನ ಸಾಮಾನ್ಯರಿಂದ ಕೋಟ್ಯಾಂತರ ಹಣ ಹರಿದು ಬಂದಿದೆ. ಪೀಠದ ಯಾತ್ರಿ ನಿವಾಸ ಮತ್ತು ವಿದ್ಯಾರ್ಥಿ ನಿಲಯಗಳ ಕಾಮಗಾರಿ ಸ್ಥಗಿತಗೊಂಡಿವೆ. ಆದರೂ ನಮ್ಮ ಮಠ ಪ್ರಧಾನ ಧರ್ಮದರ್ಶಿಗಳ ಬಳಿ 80ಲಕ್ಷ ರೂ. ಸಾಲದಲ್ಲಿ ಇದ್ದೇವೆ ಎನ್ನುತ್ತಾರೆ ಎಂದರು. ಪೀಠದ ಭಕ್ತರ ಆಶಯದ ಮೇಲೆ ಟ್ರಸ್ಟ್ನ 2008 ರಿಂದ ಲೆಕ್ಕ ಪತ್ರಗಳನ್ನು ಕೇಳಿದ್ದ ಕಾರಣ ಮೊನ್ನೆ ಮಾ. 10ರಂದು ನಡೆದ ಸಭೆಯಲ್ಲಿ ನನ್ನ ಮೇಲೆ ಹಲ್ಲೆ ಪ್ರಯತ್ನ, ಪೀಠೋಪಕರಣ ಹಾಳು ಮಾಡುವ ಯತ್ನ ನಡೆದಿವೆ. ಇವೆಲ್ಲ ಗೊತ್ತಾಗಬಾರದು ಎಂದು ಸಿಸಿ ಟಿವಿಯ ಡಿವಿಆರ್ ಕಳ್ಳತನ ಮಾಡಲಾಗಿದೆ. ಈ ಬಗ್ಗೆ ಠಾಣೆಯಲ್ಲಿ ದೂರು ನೀಡಲಾಗಿದೆ ಅದು ಸಿಕ್ಕ ನಂತರ ಅವರ ಬಣ್ಣ ಬಯಲಾಗುವುದು ಎಂದು ತಿಳಿಸಿದರು. ಗಡಿನಾಡು ಪ್ರಾಧಿಕಾರದ ಅಧ್ಯಕ್ಷ ಸೋಮಣ್ಣ ಬೇವಿನಮರದ ಅವರು ಮಾತನಾಡಿ, ರಾಜ್ಯದ ಬಳ್ಳಾರಿ, ಹೊಸಪೇಟೆ, ಹರಿಹರ, ದಾವಣಗೆರೆ, ಹಿರೇಕೆರೂರು, ಶಿಗ್ಗಾವಿಯಲ್ಲಿ ಶ್ರೀಪೀಠದ ಹೆಸರಿಗೆ ಆಸ್ತಿ ಇದ್ದು, ಅವುಗಳನ್ನು ಹಾಗೂ ಶ್ರೀಪೀಠದ ಟ್ರಸ್ಟ್ ಹೆಸರಿನಲ್ಲಿನ ಬ್ಯಾಂಕ್ ಪಾಸ್‌ಬುಕ್, ಠರಾವು ಪುಸ್ತಕ, ರಸೀದಿ ಬುಕ್ ಮಠದಲ್ಲಿ ಇಲ್ಲ, ಬಿ.ಸಿ ಉಮಾಪತಿ ಅವರ ಮನೆಯಲ್ಲಿವೆ ಎಂದರು. ಮಠಕ್ಕೆ ಸರ್ಕಾರ, ಸಚಿವರು ಹಾಗೂ ಭಕ್ತರಿಂದ ನೂರಾರು ಕೋಟಿ ರೂ ಹರಿದು ಬಂದಿದೆ. ಅದರಲ್ಲಿ ಸುಮಾರು 15ಕೋಟಿ ರೂ ಅವ್ಯವಹಾರ ಆಗಿದೆ. ಆದ್ದರಿಂದ ಲೆಕ್ಕಕೊಡಿ ಚಳುವಳಿ ಆರಂಭಿಸಲಿದ್ದೇವೆ. ಲೆಕ್ಕ ಕೊಡುವವರೆಗೆ ನಮ್ಮ ಚಳುವಳಿ ನಿಲ್ಲುವುದಿಲ್ಲ ಎಂದು ಎಚ್ಚರಿಸಿದರು. ಪತ್ರಿಕಾಗೋಷ್ಠಿಯಲ್ಲಿ ಶ್ರೀಮಠದ ದಾಸೋಹ ಸಮಿತಿ ಅಧ್ಯಕ್ಷ ಪ್ರಕಾಶ ಪಾಟೀಲ, ಹೆಚ್.ಪಿ. ಬಾಬಣ್ಣ, ಮಾಜಿ ಶಾಸಕ ಅರುಣಕುಮಾರ ಪೂಜಾರ, ಹಾವೇರಿಯ ಡಾ. ಬಸವರಾಜ ವೀರಾಪುರ, ಮುಖಂಡರಾದ ರಾಜಣ್ಣ ಮೂಟಗಿ, ಸಿದ್ದುನ ಚಿಕ್ಕಬಿದರಿ, ರಾಜಣ್ಣ ಬುಡ್ದನಗೌಡ್ರ, ಎನ್.ಡಿ ಪಾಟೀಲ, ಜ.ಎಸ್ ಚನ್ನಬಸಪ್ಪ, ಬಿ.ಸಿ ಹನುಮಗೌಡ್ರ, ಶಂಕರಗೌಡ, ಸೋಮಣ್ಣ ಉಪಸ್ಥಿತರಿದ್ದರು. ಬಾಕ್ಸ್: ಹೊನ್ನಾಳಿಯ ಪ್ರಶಾಂತ ಪೇಟೆ ಅವರು ಸುದ್ದಿಗೋಷ್ಠಿ ನಡೆಯುವಾಗ ಬಿ.ಸಿ ಉಮಾಪತಿ ಅವರು ನಮ್ಮ ಪೀಠದ ಧರ್ಮದರ್ಶಿಗಳು. ಅವರಿಲ್ಲದೆ ಸಭೆ ನಡೆಯುತ್ತಿರುವುದು ಸರಿ ಅಲ್ಲ, ಶಿಗ್ಗಾವಿಯಲ್ಲಿ ಮಾಜಿ ಸಿಎಂ ಶ್ರೀಪೀಠಕ್ಕೆ ನೀಡಿದ 2 ಎಕರೆ ಜಮೀನನ್ನು ಸೋಮಣ್ಣ ಬೇವಿನಮರದ ಅವರ ಹೆಸರಿಗೆ ಬರೆಯಲಾಗಿದೆ ಎಂದು ಗದ್ದಲ ನಡೆಸಿದರು.

ವಾಣಿಜ್ಯ ಸಿಲಿಂಡರ್ ಅಭಾವ; ಹೋಟೆಲ್ ಉದ್ಯಮ, ಆಟೋ ಚಾಲಕರ ಪರದಾಟ- ಜನರ ಆತಂಕ

ದಾ ನಗರವಾಣಿ ಸುದ್ದಿ ದಾವಣಗೆರೆ: ಮಧ್ಯ ಪ್ರಾಚ್ಯದ ಯುದ್ಧದ ಬೆಂಕಿ ಭಾರತದ ಅಡುಗೆ ಮನೆಯ ಬಾಗಿಲಿಗೆ ತಾಗಿದೆ. ಅಮೆರಿಕಾ, ಇಸ್ರೇಲ್ ಹಾಗೂ ಇರಾನ್ ನಡುವೆ ನಡೆಯುತ್ತಿರುವ ಯುದ್ಧದ ಪರಿಣಾಮದಿಂದ “ಗ್ಯಾಸ್ ಟ್ರಬಲ್” ಸಮಸ್ಯೆ ದಾವಣಗೆರೆಯಲ್ಲೂ ಎದುರಾಗಿದೆ. ಎಲ್.ಪಿ.ಜಿ ಕಮರ್ಶಿಯಲ್ ಗ್ಯಾಸ್ ಸಿಲಿಂಡರ್ ಅಭಾವ ದಾವಣಗೆರೆ ನಗರದಲ್ಲಿ ಸೃಷ್ಠಿಯಾಗಿದ್ದು, ಹೋಟೆಲ್ ಮಾಲೀಕರು, ಆಟೋ ಚಾಲಕರು ಸೇರಿದಂತೆ ಸಾರ್ವಜನಿಕರು ಆತಂಕಕ್ಕೆ ಒಳಗಾಗಿದ್ದಾರೆ. ಎಲ್‌ಪಿಜಿ ಅನಿಲ ಅಭಾವ ತೀವ್ರ ಗಂಭೀರ ಸ್ವರೂಪವನ್ನು ಪಡೆದುಕೊ ಂಡಿದ್ದು, ಪ್ರತಿ ದಿನ 2 ಸಿಲಿಂಡರ್ ಬಳಸುತ್ತಿದ್ದ ಹೋಟೆಲ್‌ಗಳಿಗೆ ಬುಧವಾರ 1 ಸಿಲಿಂಡರ್ ಮಾತ್ರ ಲಭ್ಯವಾಗಿದೆ. ಆ 1 ಸಿಲಿಂಡರ್ ಇಂದು ರಾತ್ರಿ ವೇಳೆಗೆ ಕಾಲಿಯಾದರೆ ನಾಳೆ ಬೆಳಗ್ಗೆ ಸಿಲಿಂಡರ್ ಸಿಕ್ಕರೆ ಮಾತ್ರ ಹೋಟೆಲ್ ಬಾಗಿಲು ತೆರೆಯುವ ಯೋಜನೆಯಲ್ಲಿ ಮಾಲೀಕರಿದ್ದು, ಎಲ್.ಪಿ.ಜಿ ಗ್ಯಾಸ್ ಅಭಾವದಿಂದ ಹೋಟೆಲ್‌ಗಳು ಬಂದ್ ಆಗುವ ಹಂತಕ್ಕೆ ಬಂದು ನಿಂತಿವೆ. ಆಟೋ ಚಾಲಕರು ಕೂಡ ಎಲ್.ಪಿ.ಜಿ ಗ್ಯಾಸ್ ತುಂಬಿಸಲು ಪರದಾಡುತ್ತಿದ್ದಾರೆ. ಮದುವೆ ಮಂಟಪ, ಹಾಸ್ಟೆಲ್‌ಗಳ ಮೇಲೂ ಎಲ್.ಪಿ.ಜಿ ಗ್ಯಾಸ್ ಮೂಲಕ ಮಧ್ಯ ಏಷ್ಯಾ ಯುದ್ಧ ತನ್ನ ಪರಿಣಾಮವನ್ನು ಬೀರಿದೆ. ಹೋಟೆಲ್‌ಗಳಲ್ಲಿ ನಿರ್ದಿಷ್ಟ ಅಡುಗೆಗಳನ್ನು ಮಾತ್ರ ತಯಾರಿಸಲಾಗುತ್ತಿದ್ದು, ನಗರದ ಲವ್ ಫುಡ್ ಸೇರಿದಂತೆ ವಿವಿಧ ಹೋಟೆಲ್‌ಗಳಲ್ಲಿ ದೋಸೆ ಹಾಗೂ ಕೆಲವು ರೆಸ್ಟೋರೆಂಟ್‌ಗಳಲ್ಲಿ ಚೈನಿಸ್ ಫುಡ್ ಸೇರಿದಂತೆ ಅನೇಕ ಮೆನುಗಳನ್ನು ಕಡಿತಗೊಳಿಸಲಾಗಿದೆ. ಇದೇ ಪರಿಸ್ಥಿತಿ ಮುಂದುವರೆದರೆ ಇನ್ನು ಎರೆಡು ದಿನಗಳಲ್ಲಿ ನಗರದ 80ರಷ್ಟು ಹೋಟೆಲ್‌ಗಳು ಬಾಗಿಲು ಹಾಕುವ ದುಸ್ಥಿತಿ ಎದುರಾಗಿದೆ. ನಗರದ ಸಣ್ಣ ಪುಟ್ಟ ಹೋಟೆಲ್ ಮಾಲೀಕರು ಎಲ್.ಪಿ.ಜಿ ಗ್ಯಾಸ್ ಸಿಲಿಂಡರ್‌ಗಾಗಿ ದಾಂಗುಡಿ ಇಡುತ್ತಿದ್ದರೂ ಗೃಹ ಬಳಕೆ ಸಿಲಿಂಡರ್ ಹೊರತುಪಡಿಸಿ ಕಮರ್ಶಿಯಲ್ ಸಿಲಿಂಡರ್ ನೀಡದಂತೆ ಈಗಾಗಲೇ ಎಲ್.ಪಿ.ಜಿ ಗ್ಯಾಸ್ ಏಜೆನ್ಸಿಗಳಿಗೆ ಸೂಚನೆ ನೀಡಲಾಗಿರುವುದರಿಂದ ಕಮರ್ಷಿಲ್ ಸಿಲಿಂಡರ್ ಸಿಗದ ಕಾರಣ ಮುಂದೇನು ಎಂಬ ಚಿಂತೆಗೆ ಹೋಟೆಲ್ ಮಾಲೀಕರು ಒಳಗಾಗಿದ್ದಾರೆ. ಇದರಿಂದ ಸಣ್ಣ ಪುಟ್ಟ, ರಸ್ತೆ ಬದಿಯ ಹೋಟೆಲ್‌ಗಳನ್ನು ಅವಲಂಬಿಸಿರುವ ಕೂಲಿ ಕಾರ್ಮಿಕರು, ರೋಗಿಗಳಿಗೆ, ವಿದ್ಯಾರ್ಥಿಗಳಿಗೆ ಸೇರಿದಂತೆ ಹೋಟೆಲ್ ಕಾರ್ಮಿಕರೂ ಕೂಡ ತೊಂದರೆ ಅನುಭವಿಸುವುದು ಖಚಿತ. ಅದರಂತೆ ಯುದ್ಧದ ಕಾರ್ಮೋಡ ಮದುವೆಗಳಿಗೂ ತಟ್ಟಿದೆ. ನಗರದ ಮದುವೆ ಮಂಟಪಗಳಲ್ಲಿ ಒಂದು ಮದುವೆಗೆ ಬಳಸಲು 10 ರಿಂದ 15 ಸಿಲಿಂಡರ್ ಬೇಕಾಗಲಿದ್ದು, ಅನಿಲ ಸಿಗದೇ ಮದುವೆ ಮಂಟಪಗಳ ವ್ಯವಸ್ಥಾಪಕರು ಫಜೀತಿಗೆ ಸಿಲುಕಿದ್ದು, ಮದುವೆ ಆಯೋಜಕರೇ ಸಿಲೆಂಡರ್ ವ್ಯವಸ್ಥೆ ಮಾಡಿಕೊಂಡು ಬರಲು ಸೂಚಿಸುತ್ತಿದ್ದಾರೆ. ಕೆಲವು ಮಂಟಪಗಳಲ್ಲಿ ಸಾಕಷ್ಟು ಮದುವೆಗಳು ನಿಗಧಿಯಾಗಿದ್ದು, ಎಲ್.ಪಿ.ಜಿ ಗ್ಯಾಸ್ ಇಲ್ಲದೆ ಅಡುಗೆ ಮಾಡಲು ಸಾಧ್ಯವಿಲ್ಲ. ಇದರಿಂದ ಮುಂದಿನ ಸ್ಥಿತಿ ಏನೆಂಬ ಊಹೆ ಕೂಡ ಇಲ್ಲದ ಸ್ಥಿತಿಯಲ್ಲಿ ವ್ಯವಸ್ಥಾಪಕರಿದ್ದಾರೆ. ಬಂದ ಬಂಧುಗಳಿಗೆ ಊಟ ಹಾಕದೆ ಮದುವೆ ಮಾಡಲು ಬಾರದೆ ಇರುವುದರಿಂದ ಮದುವೆಗಳು ರದ್ದಾಗುವ ಸಾಧ್ಯತೆಗಳು ಕೂಡ ಹೆಚ್ಚಿವೆ. ಇತ್ತ ಆಟೋ ಚಾಲಕರು ಕೂಡ ಕಳೆದ ಎರೆಡು ಮೂರು ದಿನಗಳಿಂದ ಎಲ್.ಪಿ.ಜಿ ಗ್ಯಾಸ್‌ಗಾಗಿ ಪರದಾಡುತ್ತಿದ್ದಾರೆ. ಈರುಳ್ಳಿ ಮಾರುಕಟ್ಟೆ ಸಮೀಪದ ಶಕ್ತಿ ಗ್ಯಾಸ್ ಏಜೆನ್ಸಿ, ಹದಡಿ ರಸ್ತೆಯ ಮಾಗನೂರು ಬಸಪ್ಪ ಗ್ಯಾಸ್ ಏಜೆನ್ಸಿ ಸೇರಿದಂತೆ ನಗರದಲ್ಲಿರುವ ನಾಲ್ಕು ಗ್ಯಾಸ್ ಬಂಕ್‌ಗಳ ಮುಂದೆ ಗಂಟೆ ಗಟ್ಟಲೆ ಕಾದು ಗ್ಯಾಸ್ ತುಂಬಿಸುತ್ತಿದ್ದಾರೆ. ಇದರ ಜೊತೆ ಅನಿಲದ ಬೆಲೆ ಏರಿಕೆ ಬಿಸಿ ಕೂಡ ತಟ್ಟಿದೆ. ಲೀಟರ್‌ಗೆ 58 ಇದ್ದ ಎಲ್.ಪಿ.ಜಿ ಗ್ಯಾಸ್ 75 ರೂ ಏರಿಕೆ ಆಗಿದ್ದು, ಆಟೋ ಚಾಲಕರು ಸಂಕಷ್ಟಕ್ಕೆ ಸಿಲುಕುವಂತಾಗಿದೆ. ಹಾಸ್ಟೆಲ್‌ಗಳಲ್ಲು ಕೂಡ ಚಪಾತಿ ಸೇರಿದಂತೆ ಕೆಲವೊಂದು ಆಹಾರಗಳನ್ನು ಈಗಾಗಲೇ ನಿಲ್ಲಿಸಲಾಗಿದೆ. ಇದೇ ಪರಿಸ್ಥಿತಿ ಮುಂದುವರೆದರೆ ಹಾಸ್ಟೆಲ್‌ಗಳಲ್ಲಿ ಊಟ ಸಿಗದೆ ವಿದ್ಯಾರ್ಥಿಗಳು ಪರದಾಡುವುದು ಖಚಿತ. ಅನಿಲ ಇಲ್ಲದೆ ಹೋಟೆಲ್‌ಗಳನ್ನು ನಡೆಸುವುದು ಕಷ್ಟ. ಎಲೆಕ್ಟಿçÃಕಲ್‌ಟ್ಟೊಲೆಗಳನ್ನು ಕೂಡ ಬಳಸಲು ಬರುವುದಿಲ್ಲ. ಆದ್ದರಿಂದ ಸರ್ಕಾರ ಹೋಟೆಲ್‌ಗಳಿಗೆ ಸಮರ್ಪಕವಾಗಿ ಎಲ್‌ಪಿಜಿ ಒದಗಿಸಬೇಕು ಎನ್ನುವುದು ಹೋಟೆಲ್ ಮಾಲೀಕರ ಆಗ್ರಹವಾಗಿದೆ. ಎಲ್‌ಪಿಜಿ ಗ್ಯಾಸ್ ಸಿಗುವುದು ಒಂದು ಸಮಸ್ಯೆಯಾದರೆ, ಅನಿಲ ಬೆಲೆ ಏರಿಕೆಯಿಂದ ಆಟೋ ಚಾಲಕರಿಗೆ ದೊಡ್ಡ ಸಂಕಷ್ಟ ಎದುರಾಗಿದೆ. ನಷ್ಟದಲ್ಲಿ ಆಟೋ ಓಡಿಸುವ ಪರಿಸ್ಥಿತಿ ಇದೆ. ಜನರು ಕೂಡ ಹೆಚ್ಚಿನ ಹಣ ನೀಡುತ್ತಿಲ್ಲ. ಈ ಪರಿಸ್ಥಿತಿ ಆಟೋಗಳನ್ನು ಮನೆಗಳ ಮುಂದೆ ನಿಲ್ಲಿಸುವ ಹಂತಕ್ಕೆ ತಲುಪಿಸಿದೆ. ಸಾರ್ವಜನಿಕರು ಪರಿಸ್ಥಿಯನ್ನು ಅರ್ಥ ಮಾಡಿಕೊಂಡು ಸಹಕರಿಸಬೇಕು. - ಅಣ್ಣಪ್ಪ, ಅಧ್ಯಕ್ಷ, ಆಟೋ ಚಾಲಕರ ಸಂಘ ಹೋಟೆಲ್‌ಗಳಿಗೆ ಕರೋನ ಸಮಯಕ್ಕಿಂತ ಹೆಚ್ಚಿನ ಸಂಕಷ್ಟ ಎದುರಾಗಿದೆ. ಈಗಾಗಲೇ ನಗರದ ಅನೇಕ ಹೋಟೆಲ್‌ಗಳಲ್ಲಿ ದೋಸೆ, ಚೈನೀಸ್ ಫುಡ್ ಸೇರಿದಂತೆ ಹೆಚ್ಚು ಅನಿಲ ಬಳಸಿ ತಯಾರಿಸುವ ಆಹಾರಗಳನ್ನು ಬಂದ್ ಮಾಡಲಾಗಿದೆ. ಇದೇ ರೀತಿ ಮುಂದುವರೆದರೆ ಸಂಪೂರ್ಣವಾಗಿ ಹೋಟೆಲ್ ಉದ್ಯಮ ನಿಲ್ಲುವುದು ಖಚಿತ. ಸರ್ಕಾರ ಒಂದು ಮಿತಿಯಲ್ಲಾದರೂ ಹೋಟೆಲ್‌ಗಳಿಗೆ ಎಲ್.ಪಿ.ಜಿ ಗ್ಯಾಸ್ ಸಿಲಿಂಡರ್‌ಗಳನ್ನು ಒದಗಿಸಬೇಕು. - ಬಿಕೆ ಸುಬ್ರಮಣ್ಯ, ಕಾರ್ಯದರ್ಶಿ ಹೋಟೆಲ್ ಉದ್ದಿಮೆದಾರರ ಸಂಘ

ಒಳ ಮೀಸಲಾತಿಗಾಗಿ ಆಗ್ರಹಿಸಿ ಹರಿಹರದಿಂದ ಬೆ0ಗಳೂರಿಗೆ ಪಾದಯಾತ್ರೆ ಆರಂಭ

ದಾ ನಗರವಾಣಿ ಸುದ್ದಿ ಹರಿಹರ: ಮಾದಿಗ ಸಮಾಜಕ್ಕೆ ಒಳ ಮೀಸಲಾತಿಗಾಗಿ ಆಗ್ರಹಿಸಿ ಆದಿಜಾಂಬವ ಮಹಾಸಂಸ್ಥಾನ ಮಠದ ಶ್ರೀ ಷಡಕ್ಷರಿ ಮುನಿ ದೇಶಿಕೇಂದ್ರ ಶ್ರೀಗಳ ನೇತೃತ್ವದಲ್ಲಿ ಬುಧವಾರ ಹರಿಹರ ಪ್ರೊ.ಬಿ.ಕೃಷ್ಣಪ್ಪರ ಮೈತ್ರಿ ವನದಿಂದ ಬೆಂಗಳೂರಿಗೆ ಪಾದಯಾತ್ರೆಗೆ ಚಾಲನೆ ನೀಡಲಾಯಿತು. ಮೈತ್ರಿವನದ ಆವರಣದಲ್ಲಿರುವ ಪ್ರೊ.ಕೃಷ್ಣಪ್ಪನವರ ಸಮಾಧಿಗೆ ನಮಸ್ಕರಿಸಿದ ನಂತರ ಪಾದಯಾತ್ರೆಗೆ ಶುಭ ಕೋರಿದ ಮಾದರಚನ್ನಯ್ಯ ಶ್ರೀ ಮಾತನಾಡಿ, ರಾಜ್ಯ ಸರ್ಕಾರವು ಒಳ ಮಿಸಲಾತಿಯನ್ನು ಜಾರಿಗೊಳಿಸಲು ಮಾಡುತ್ತಿರುವ ಕಾಲಹರಣವನ್ನು ಖಂಡಿಸಿ ಶ್ರೀಗಳು ಸಮಾಜದ ಒಳಿತಿಗಾಗಿ ಈ ಪಾದಯಾತ್ರೆಯನ್ನು ಕೈಗೊಂಡಿದ್ದಾರೆ ಎಂದರು. ಮೀಸಲಾತಿ ಹೋರಾಟಕ್ಕಾಗಿ ಸಮುದಾಯದ ಜನರಿಗೆ ವಯೋಮಾನ ನಷ್ಟದ ಜೊತೆಗೆ ಎರಡು ತೆಲೆಮಾರಿನ ಯುವಕರು, ವಿದ್ಯಾರ್ಥಿಗಳು ತಮ್ಮ ವಿದ್ಯೆ, ಉದ್ಯೋಗ, ಆರ್ಥಿಕ, ರಾಜಕೀಯ ಸ್ಥಾನಮಾನಗಳನ್ನು ಕಳೆದುಕೊಂಡಿದ್ದಾರೆ ಎಂದರು ಬೇಸರ ವ್ಯಕ್ತಪಡಿಸಿದರು. ಒಳ ಮೀಸಲಾತಿ ವಿಚಾರ ಕುರಿತು ರಾಜ್ಯ ಸರ್ಕಾರ ಕಳೆದ ಒಂದು ವಾರದಿಂದ ನಡೆದುಕೊಳ್ಳುವ ರೀತಿ, ಈಗ ನಡೆಯುತ್ತಿರುವ ನೀತಿಯ ಬೆಳವಣಿಗೆ ಗಮನಿಸಿದರೆ ಸಮುದಾಯದಲ್ಲಿ ಆತಂಕ ಸೃಷ್ಟಿ ಮಾಡಿದೆ ಎನ್ನುವುದರಲ್ಲಿ ಅನುಮಾನವಿಲ್ಲ ಎಂದರು. ಸದಾಶಿವ ಆಯೋಗ ವರದಿ, ಮಾಧುಸ್ವಾಮಿ ಉಪ ಸಮಿತಿ ವರದಿ ಬಂತು, ಅದು ತಿರಸ್ಕಾರವಾದ ನಂತರ ಸರ್ಕಾರವೇ 130 ಕೋಟಿ ವೆಚ್ಚದಲ್ಲಿ ಸಮೀಕ್ಷೆ ಮಾಡಿ ಮೀಸಲಾತಿ ವರದಿಯನ್ನು ಪಡೆದುಕೊಂಡಿತು, ಈ ವರದಿಯು ಸಹ ಸಾಮಾಜಿಕ ನ್ಯಾಯದಡಿ ಒಳ ಮೀಸಲಾತಿ ಕೊಡಲು ವರದಿ ಸ್ಪಷ್ಟವಾಗಿತ್ತು. ಇದು ಕೆಲವರಿಗೆ ಸಹಿಸಿಕೊಳ್ಳಲು ಆಗುತ್ತಿಲ್ಲ ಎನ್ನುವುದು ನಮ್ಮ ಗಮನಕ್ಕೆ ಬಂದಿದೆ, ಎಲ್ಲರನ್ನೂ ಒಳಗೊಂಡ ಸಾಮಾಜಿಕ ನ್ಯಾಯದ ಅಡಿಯಲ್ಲಿ ಒಳ ಮೀಸಲಾತಿ ದೊರೆಯಲಿ, ಮೂರು ಬಾರಿ ಆಯೋಗ ರಚನೆ ಮಾಡಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಮಾ.27ಕ್ಕೆ ಈ ಪಾದಯಾತ್ರೆ ಬೆಂಗಳೂರು ತಲುಪುವುದರೊಳಗಾಗಿ ಸೂಕ್ತ ನಿರ್ಧಾರವನ್ನು ಕೈಗೊಳ್ಳುವಂತೆ ಮನವಿ ಮಾಡಿದರು. ಷಡಕ್ಷರಿ ಮುನಿ ದೇಶಿಕೇಂದ್ರ ಶ್ರೀ ಮಾತನಾಡಿ ಒಳ ಮೀಸಲಾತಿ ವಿಚಾರದಲ್ಲಿ ರಾಜ್ಯ ಸರ್ಕಾರ ಮಾದಿಗ ಸಮುದಾಯಕ್ಕೆ ಅನ್ಯಾಯ ಮಾಡಿದೆ, ಶೋಷಿತರು, ನಿರ್ಲಕ್ಷö್ಯಕ್ಕೆ ಒಳಗಾದವರ ಹಕ್ಕುಗಳ ರಕ್ಷಣೆ ಮಾಡದೆ ವಂಚಿಸುತ್ತಾ ಬಂದಿದೆ ಎಂದರು. ಜನಸAಖ್ಯೆಗೆ ಅನುಗುಣವಾಗಿ ಮೀಸಲಾತಿಯನ್ನು ನೀಡಬೇಕೆಂದು ಮಾದಿಗ ಸಮುದಾಯ ಕಳೆದ 35 ವರ್ಷಗಳಿಂದ ಹೋರಾಟ ಮಾಡುತ್ತಿದೆ, ಮೀಸಲಾತಿಯನ್ನು ನೀಡುತ್ತೇವೆ ಎಂದ ಸರ್ಕಾರ ಈ ಮೀಸಲಾತಿಯನ್ನು ಕಡಿತಗೊಳಿಸಿ ಹುದ್ದೆಗಳನ್ನು ನೇಮಕ ಮಾಡುತ್ತಿರುವುದು ಮಾದಿಗರಿಗೆ ಮರಣ ಶಾಸನ ಬರೆದಂತೆ ಆಗಿದೆ ಎಂದು ಆಕ್ರೊಶ ವ್ಯಕ್ತಪಡಿಸಿದರು. ಮೀಸಲಾತಿ ಪಾದಯಾತ್ರೆಗೆ ಬೆಂಬಲಿಸಿ ಮಾಜಿ ಶಾಸಕ ಎಚ್.ಎಸ್ ಶಿವಶಂಕರ್ ಮಾತನಾಡಿ, ಅನಾದಿ ಕಾಲದಿಂದಲೂ ತುಳಿತಕ್ಕೊಳಗಾಗಿರುವ ಮಾದಿಗ ಸಮುದಾಯಕ್ಕೆ ನ್ಯಾಯಯುತವಾಗಿ ಸಿಗಬೇಕಾಗಿರುವ ಒಳಮೀಸಲಾತಿ ನೀಡಲು ಸರ್ಕಾರ ತಕ್ಷಣವೇ ಮುಂದಾಗಬೇಕು. ಸಚಿವ ಸಂಪುಟ ಸಭೆಯಲ್ಲಿ ಚರ್ಚೆಯಲ್ಲಿ ಅಂತಿಮ ನಿರ್ಧಾರವನ್ನು ತೆಗೆದುಕೊಳ್ಳಬೇಕೆಂದು ಆಗ್ರಹಿಸಿದರು. ತಾಲೂಕು ಗ್ಯಾರಂಟಿ ಅನುಷ್ಠಾನ ಸಮಿತಿ ಅಧ್ಯಕ್ಷ ನಂದಿಗಾವಿ ಶ್ರೀನಿವಾಸ್ ಶ್ರೀಗಳೊಂದಿಗೆ ಪಾದಯಾತ್ರೆಯಲ್ಲಿ ಪಾಲ್ಗೊಂಡು ಬೆಂಬಲ ನೀಡಿದರು. ಗದಗಿನ ಸದ್ಧರ್ಮ ಪೀಠದ ಶಿವಮುನಿ ಶ್ರೀಗಳು, ರೋಣದ ಸವಡಿ ಮರುಳಸಿದ್ದೇಶ್ವರ ಮಠದ ಮರುಳ ಸಿದ್ದೇಶ್ವರ ಸ್ವಾಮಿಜಿ, ಕೊಪ್ಪಳದ ಕುಕನೂರು ಮರುಳಸಿದ್ದೇಶ್ವರ ಪುಣ್ಯಾಶ್ರಮದ ಗದ್ದಿಗೆಪ್ಪಜ್ಜನವರು, ಹಂಪಿ ಮಾತಂಗಪೀಠದ ಪೂರ್ಣಾನಂದ ಭಾರತಿಸ್ವಾಮೀಜಿ, ಹಿರೇಸಿಂದೋಗಿ ಕೋಟೆಯ ಮರುಳಸಿದ್ದೇಶ್ವರ ಮಠದ ನಾಗರಾಜ ಸ್ವಾಮೀಜಿ, ನಿವೃತ್ತ ಎಸ್ಪಿ ರವಿನಾರಯಣ, ಮುಖಂಡರಾದ ಹೆಚ್,ವಿಶ್ವನಾಥ್, ಹೆಚ್.ನಿಜಗುಣ, ನಿರಂಜನ ಮೂರ್ತಿ, ಹೆಗ್ಗೇರಿರಂಗಪ್ಪ, ಎಂ.ಬಿ ಅಣ್ಣಪ್ಪ, ರಾಜನಹಳ್ಳಿ ನಾಗೇಂದ್ರಪ್ಪ, ಜಿ.ಶಂಕರಮೂರ್ತಿ, ಜಿ.ಬಿ ಬಸವರಾಜಪ್ಪ, ಹೆಚ್.ಸುಧಾಕರ್, ರಾಜನಹಳ್ಳಿ ಮಂಜುನಾಥ್, ವಿಶ್ವನಾಥ್ ಮೈಲಾಳ್, ಎಚ್.ಶಿವಪ್ಪ, ಸಂತೋ಼ಷ ನೋಟದರ್, ಎಮ್.ಎಸ್ ಆನಂದಕುಮಾರ, ಅಣ್ಣಪ್ಪ ಹಜ್ಜೇರ್, ಶ್ರೀನಿವಾಸ್, ಹೆಚ್.ದೇವೆಂದ್ರಪ್ಪ, ಎಸ್ ಕೇಶವ, ಹಾಗೂ ಇತರರಿದ್ದರು.

ಲೆಕ್ಕಪತ್ರ ವಿವಾದ: ಪಂಚಮಸಾಲಿ ಪೀಠದ ಧರ್ಮದರ್ಶಿ ಆಸ್ಪತ್ರೆಗೆ

ದಾ ನಗರವಾಣಿ ಸುದ್ದಿ ಹರಿಹರ: ನಗರದ ಹೊರವಲಯದಲ್ಲಿರುವ ಶ್ರೀ ವೀರಶೈವ ಲಿಂಗಾಯತ ಪಂಚಮಸಾಲಿ ಗುರು ಪೀಠದಲ್ಲಿ ಕೆಲವು ಮುಖಂಡರ ಮಧ್ಯೆ ಲೆಕ್ಕಪತ್ರ ವಿಚಾರ ವಾಗಿ ಗಲಾಟೆಯಾಗಿದ್ದು, ಈ ಸಂಬAಧ ನಗರದ ಗ್ರಾಮಾಂತರ ಠಾಣೆಯಲ್ಲಿ ದೂರು ನೀಡಲಾಗಿದೆ. ಮಂಗಳವಾರ ಸಂಜೆ 4 ಗಂಟೆಗೆ ಪೀಠದಲ್ಲಿ ಕರೆಯಲಾಗಿದ್ದ ಮಠದ ಟ್ರಸ್ಟಿಗಳ ಹಾಗೂ ಧರ್ಮದರ್ಶಿಗಳ ಸಭೆಯಲ್ಲಿ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಪದಾಧಿಕಾರಿಗಳು ಹಾಗೂ ಸಮಾಜದ ಮುಖಂಡರು ಭಾಗವಹಿಸಿದ್ದರು ಎನ್ನಲಾಗಿದೆ. ಪೀಠ ಆರಂಭವಾದ 2008 ರಿಂದ ಇಲ್ಲಿಯವರೆಗೆ ಲೆಕ್ಕ ಪತ್ರದ ವಿಚಾರವಾಗಿ ಮಠದ ಆಡಳಿತಾಧಿಕಾರಿಯಾದ ಡಾ. ಹೆಚ್.ಪಿ ರಾಜಕುಮಾರ್ ಹಾಗೂ ಕೆಲವರ ಮಧ್ಯೆ ನಡೆದ ಚರ್ಚೆಯು ವಿಕೋಪಕ್ಕೆ ತಿರುಗಿ ಒಬ್ಬರಿಗೊಬ್ಬರು ತಳ್ಳಾಟ ನಡೆದಿದ್ದು, ರಾಜಕುಮಾರ್ ಅವರಿಗೆ ಪೆಟ್ಟು ಬಿದ್ದ ಕಾರಣ ಅವರನ್ನು ಗಡಿ ನಾಡು ಪ್ರಾಧಿಕಾರ ಅಧ್ಯಕ್ಷ ಸೋಮಣ್ಣ ಬೇವಿನ ಮರದ್ ಹಾಗೂ ಹೆಚ್.ಪಿ. ಬಾಬಾಣ್ಣ ಚಿವರು ತಕ್ಷಣವೇ ನಗರದ ಸಾರ್ವಜನಿಕ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದರು. ಚಿಕಿತ್ಸೆ ಪಡೆಯುವ ವೇಳೆ ಗ್ರಾಮಾಂತರ ಠಾಣೆಯ ಪಿಎಸ್ ಐ ಯುವರಾಜ ಕಂಬಳಿ ಆಸ್ಪತ್ರೆಗೆ ಆಗಮಿಸಿ ಮಾಹಿತಿ ಪಡೆದರು. ಆಸ್ಪತ್ರೆಗೆ ಟ್ರಸ್ಟ್ ಪಿ.ಡಿ. ಶಿರೂರು, ಹಾವೇರಿ ಮಹೇಶ್, ಡಾ ವೀರಪುರ, ಡಾ ರಾಜಕುಮಾರ ಕುಟುಂಬದ ಸದಸ್ಯರು ಇದ್ದರು. ರಾತ್ರಿ 10:30ರ ಸುಮಾರಿಗೆ ಮಠದ ಆಡಳಿತ ಅಧಿಕಾರಿ ರಾಜಕುಮಾರ್ ಹಾಗೂ ಅವರ ಕುಟುಂಬದವರು ಮತ್ತು ಕೆಲವು ಮುಖಂಡರು ಖುದ್ದಾಗಿ ಗುತ್ತೂರು ಗ್ರಾಮಾಂತರ ಠಾಣೆಗೆ ತೆರಳಿ ಪ್ರಕರಣ ದಾಖಲಿಸಿದರು.

ಡಿಸಿಎಂ ಟೌನ್‌ಶಿಪ್‌ನಲ್ಲಿ ಹೈಟೆಕ್ ಒಳಾಂಗಣ ಕ್ರೀಡಾಂಗಣ ಉದ್ಘಾಟಿಸಿದ ಸಚಿವ ಎಸ್ಸೆಸ್ಸೆಂ

ದಾ ನಗರವಾಣಿ ಸುದ್ದಿ ದಾವಣಗೆರೆ.ಮಾ.8: ಜಿಲ್ಲೆಯಲ್ಲಿನ ಪಾರ್ಕ್ ಗಳ ಅಭಿವೃದ್ಧಿಗಾಗಿ ರೂ. 10 ಕೋಟಿಗಳನ್ನು ಮೀಸಲಿಡಲಾಗಿದೆ ಎಂದು ಗಣಿ ಮತ್ತು ಭೂ ವಿಜ್ಞಾನ ಹಾಗೂ ತೋಟಗಾರಿಕಾ ಮತ್ತು ದಾವಣಗೆರೆ ಜಿಲ್ಲಾ ಉಸ್ತುವಾರಿ ಸಚಿವರಾದ ಎಸ್.ಎಸ್ ಮಲ್ಲಿಕಾರ್ಜುನ ಅವರು ತಿಳಿಸಿದರು. ದಾವಣಗೆರೆ ಸ್ಮಾರ್ಟ್ ಸಿಟಿ ಯೋಜನೆಯಡಿ ದಾವಣಗೆರೆ ದಕ್ಷಿಣ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ 25ನೇ ವಾರ್ಡ್ ಡಿ.ಸಿ.ಎಂ ಟೌನ್‌ಶಿಪ್‌ನಲ್ಲಿ ಇರುವ ಅನಿಲ್ ಕುಂಬ್ಳೆ ಮೈದಾನದ ಆವರಣದಲ್ಲಿ ಒಳಾಂಗಣ ಕ್ರೀಡಾಂಗಣ ಕಟ್ಟಡ ಉದ್ಘಾಟನೆಯನ್ನು ನೆರವೇರಿಸಿ ಅವರು ಮಾತನಾಡಿದರು. ನೂತನ ಒಳಾಂಗಣ ಕ್ರೀಡಾಂಗಣ ಉದ್ಘಾಟನೆಯೊಂದಿಗೆ ಸ್ಮಾರ್ಟ್ ಸಿಟಿ ಹಾಗೂ ಪಾಲಿಕೆಯ ವತಿಯಿಂದ ಇಂದು ಹಲವು ಕಾರ್ಯಕ್ರಮಗಳನ್ನು ಯಶಸ್ವಿಯಾಗಿ ಪೂರೈಸಲಾಗಿದೆ. ಡಿಸಿಎಂ ಟೌನ್ ಶಿಪ್ ನಲ್ಲಿ ಒಳಾಂಗಣ ಕ್ರೀಡಾಂಗಣದ ಅವಶ್ಯಕತೆ ಇತ್ತು. ಅನುದಾನದ ಕೊರತೆಯಿಂದ ಕ್ರೀಡಾಂಗಣ ನಿರ್ಮಾಣ ಸಾಧ್ಯವಾಗಿರಲಿಲ್ಲ. ಈಗ ಸುಸೂತ್ರವಾಗಿ ಕ್ರೀಡಾಂಗಣ ನಿರ್ಮಾಣವಾಗಿದೆ. ಪ್ರಮುಖವಾಗಿ, ಗ್ಯಾಲರಿ, ಕಬ್ಬಡಿ, ಕೇರಂ ಹಾಗೂ ಸ್ಪರ್ಧೆಗಳು ಆಯೋಜಿಸುವ ವ್ಯವಸ್ಥೆ ಉತ್ತಮವಾಗಿ ಮೂಡಿದೆ. ಕ್ರೀಡಾಪಟುಗಳ ಹಿತದೃಷ್ಟಿಯಿಂದ ಒಳಾಂಗಣ ಕ್ರೀಡಾಂಗಣವನ್ನು ಹೈಟೆಕ್ ಮಾದರಿಯಲ್ಲಿ ನಿರ್ಮಿಸಲಾಗಿದ್ದು ಕ್ರೀಡಾಪಟುಗಳು ಇದರ ಸದುಪಯೋಗ ಪಡೆಯುವಂತೆ ಸಚಿವರು ಸಲಹೆ ನೀಡಿದರು. ಡಿಸಿಎಂ ಟೌನ್ ಶಿಫ್ ಹೋರಾಟಗಾರರಿರುವ ಸ್ಥಳ, ಕಾರ್ಮಿಕ ಮುಖಂಡರಾದ ದಿ. ಕಾಂ.ಪAಪಾಪತಿ ಅವರು ಇದ್ದಾಗ ಇಲ್ಲಿಂದಲೆ ಹೋರಾಟಗಳು ಪ್ರಾರಂಭವಾಗುತ್ತಿದ್ದವು ಎಂದು ಸ್ಮರಿಸಿದ ಸಚಿವರು, ಈ ಹಿಂದೆ ಈ ಬಡಾವಣೆಯಲ್ಲಿ ಡ್ರೈನೇಜ್ ಸಮಸ್ಯೆ ಹೆಚ್ಚಾಗಿತ್ತು. ಸರ್ಕಾರಿ ಬಸ್ ನಿಲ್ದಾಣದ ಬಳಿ ಮಳೆ ನೀರು ಸರಾಗವಾಗಿ ಹರಿಯುವಂತೆ ವ್ಯವಸ್ಥೆ ಮಾಡಿದ್ದರಿಂದ ಇದರ ಸಮಸ್ಯೆ ಮುಕ್ತಾಯವಾಗಿದೆ. ಆವರಗೆರೆ ಬಳಿ ಅಂಡರ್ ಪಾಸ್ ನಿರ್ಮಾಣ ಮಾಡಿದರೆ ಡಿಸಿಎಂ ಟೌನ್ ಶಿಫ್ ನ ಟ್ರಾಫಿಕ್ ಸಮಸ್ಯೆ ನಿವಾರಿಸಿದಂತಾಗುವುದು ಎಂದರು. ಪಾರ್ಕ್ಗಳ ಅಭಿವೃದ್ಧಿಗೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗುವುದು. ಇದಕ್ಕಾಗಿ ರೂ 10 ಕೋಟಿ ಮೀಸಲಿಡಲಾಗಿದೆ. ಡಿಸಿಎಂ ಟೌನ್ ಶಿಫ್ ನಲ್ಲಿ ಪ್ರಾಥಮಿಕ ಆರೋಗ್ಯ ಕೇಂದ್ರ, ನೂತನ ಅಂಗನವಾಡಿ ಕೇಂದ್ರ ಹಾಗೂ ರಸ್ತೆಗಳ ನಿರ್ಮಾಣಕ್ಕೆ ಮನವಿ ಮಾಡಿದ್ದು ನಿವಾಸಿಗಳ ಏನೆ ಬೇಡಿಕೆಗಳಿದ್ದರು ಪರಿಹರಿಸಲಾಗುವುದು ಎಂದು ಸಚಿವರು ಸ್ಥಳದಲ್ಲಿದ್ದವರಿಗೆ ಭರವಸೆ ನೀಡಿದರು. ಈ ಸಂದರ್ಭದಲ್ಲಿ ದೂಡ ಅಧ್ಯಕ್ಷರಾದ ದಿನೇಶ್ ಕೆ.ಶೆಟ್ಟಿ, ಪಾಲಿಕೆ ಆಯುಕ್ತರಾದ ಮಹಾಂತೇಶ್, ಅರಸೀಕೆರೆ ಕೊಟ್ರೇಶ್, ವಾರ್ಡ್ ಅಧ್ಯಕ್ಷ ರಾಕೇಶ್, ಕೆ.ಜಿ ಶಿವಕುಮಾರ್, ಏ.ನಾಗರಾಜ್, ಬೂದಾಳ್ ಬಾಬು, ಹರೀಶ್ ಗೌಡ್ರು, ರಾಜ ಶೇಖರ್ ಸೇರಿದಂತೆ ಇತರರು ಉಪಸ್ಥಿತರಿದ್ದರು.

ಒಳ ಮೀಸಲಾತಿ ಕಗ್ಗಂಟು; ಹೆದ್ದಾರಿ ಬಂದ್ ಪ್ರತಿಭಟನೆ

ದಾ.ನಗರವಾಣಿ ಸುದ್ದಿ ಜಗಳೂರು, ಮಾ.5: ನ್ಯಾ. ನಾಗಮೋಹನ್ ದಾಸ್ ವರದಿಯನ್ವಯ ಒಳಮೀಸಲಾತಿ ಸಮರ್ಪಕ ಅನುಷ್ಠಾನಕ್ಕಾಗಿ ಆಗ್ರಹಿಸಿ ತಾಲ್ಲೂಕು ಮಾದಿಗ ಸಮಾಜದಿಂದ ದೊಣೆಹಳ್ಳಿ ಬಳಿ ರಾಷ್ಟ್ರೀಯ ಹೆದ್ದಾರಿ ಬಂದ್ ಮಾಡಿ ಪ್ರತಿಭಟನೆ ನಡೆಸಲಾಯಿತು. ಈ ವೇಳೆ ಮಾದಿಗ ದಂಡೋರ ಸಮಿತಿ ಜಿಲ್ಲಾಧ್ಯಕ್ಷ ಗೌರಿಪುರ ಕುಬೇರಪ್ಪ ಮಾತನಾಡಿ, ರಾಜ್ಯದಲ್ಲಿ ಒಳ ಮೀಸಲಾತಿ ಜಾರಿಗಾಗಿ 3 ದಶಕಗಳ ಕಾಲ ನಿರಂತರ ಹೋರಾಟ ನಡೆಸಿದ ಫಲವಾಗಿ ರಾಜ್ಯ ಸರಕಾರ ಜಾರಿಗೊಳಿಸಿದೆ ಎಂದು ಹೇಳಲಾಗುತ್ತಿದೆ. ಆದರೆ ಮಾದಿಗ ಸಮಾಜಕ್ಕೆ ಮೂಗಿಗೆ ತುಪ್ಪ ಹಚ್ಚುವ ಕೆಲಸ ಮಾಡುತ್ತಿರುವ ರಾಜ್ಯ ಸರಕಾರ ಕೂಡಲ ಒಳ ಮೀಸಲಾತಿಯನ್ನು ಸಮರ್ಪಕವಾಗಿ ಅನುಷ್ಠಾನಗೊಳಿಸಬೇಕು ಎಂದು ಆಗ್ರಹಿಸಿದರು. ಒಳಮೀಸಲಾತಿ ಅನ್ವಯದಲ್ಲಿ 56400 ಸರ್ಕಾರಿ ಹುದ್ದೆಗಳ ನೇಮಕಾತಿ ಪ್ರಕ್ರಿಯೆ ನಡೆಸಬೇಕು. ಧಾರವಾಡ ವಿಶ್ವವಿದ್ಯಾನಿಲಯದಲ್ಲಿ ಪ್ರವರ್ಗ 1ರಡಿ ಮಾದಿಗ ಸಮಾಜಕ್ಕೆ ನೇಮಕಾತಿ ಅವಕಾಶ ಕಲ್ಪಿಸಿದ್ದಕ್ಕೆ ಸಾಕಷ್ಟು ವಿರೋಧಗಳು ವ್ಯಕ್ತವಾಗಿವೆ. ಶಿಕ್ಷಣ, ಉದ್ಯೋಗ, ರಾಜಕೀಯ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಒಳ ಮೀಸಲಾತಿ ಜಾರಿಗೊಳ್ಳಲಿ,‌ ಒಳ ಮೀಸಲಾತಿ ಜಾರಿಯಲ್ಲಿ ಮೀನಾಮೇಷ ಏಕೆ ಎಂದು ಪ್ರಶ್ನಿಸಿದರು. ದಲಿತ ಮುಖಂಡ ತುಪ್ಪದಳ್ಳಿ ಪೂಜಾರಿ ಸಿದ್ದಪ್ಪ ಮಾತನಾಡಿ, ಸುಮಾರು ವರ್ಷಗಳಿಂದ ಒಳಮೀಸಲಾತಿ ಹೋರಾಟದಲ್ಲಿ ಮಾದಿಗ ಸಮಾಜದವರು ಸಾವು ನೋವು ಅನುಭವಿಸಿದ್ದಾರೆ. ಆದರೆ ಈಗ ರಾಜ್ಯ ಸರ್ಕಾರ‌‌ ಸರ್ಕಾರಿ‌ ಹುದ್ದೆಗಳ‌ ನೇಮಕಾತಿಯಲ್ಲಿ ಹಳೆಯ ನಿಯಮವನ್ನು ಅನುಸರಿಸುತ್ತಿರುವುದು ಸರಿಯಲ್ಲ. ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಸಮುದಾಯಕ್ಕೆ ವಿಷ ನೀಡುವಂತ ಕೆಲಸ ಮಾಡುತ್ತಿದ್ದಾರೆ.‌ ಬಲಗೈ ಸಮಾಜದ ಸಚಿವರುಗಳಾದ ಡಾ.ಎಚ್.ಸಿ ಮಹಾದೇವಪ್ಪ, ಪ್ರಿಯಾಂಕ ಖರ್ಗೆ,‌ ಡಾ.ಜಿ.ಪರಮೇಶ್ವರ್ ಒಳ ಮೀಸಲಾತಿಗೆ ಧ್ವನಿಯಾಗಬೇಕು. ಇಲ್ಲವಾದರೆ ಮುಂದಿನ ದಿನಗಳಲ್ಲಿ ಉಗ್ರ ಸ್ವರೂಪದ ಹೋರಾಟ ರೂಪಿಸಲಾಗುವುದು ಎಂದು ಎಚ್ಚರಿಸಿದರು. ರಾಷ್ಟ್ರೀಯ ಹೆದ್ದಾರಿ ಬಂದ್ ಮಾಡಿದ ಹಿನ್ನೆಲೆಯಲ್ಲಿ ಕಿಲೋ ಮೀಟರ್‌ಗಳ ಗಟ್ಟಲೆ ಸಂಚಾರ ವ್ಯವಸ್ಥೆ ಅಸ್ತವ್ಯಸ್ತಗೊಂಡಿತ್ತು. ಪ್ರತಿಭಟನಾಕಾರರನ್ನು ಪೋಲೀಸರು ಬಂಧಿಸಿ ರಿಸರ್ವ್ ಪೋಲೀಸ್ ವಾಹನದಲ್ಲಿ ತಾಲ್ಲೂಕು ಕಛೇರಿ ಬಳಿ ಕರೆತರಲಾಯಿತು. ಪುನಃ ಪ್ರತಿಭಟನೆ ಮುಂದುವರೆಸಿದರು. ಸರ್ಕಾರದ ವಿರುದ್ದ ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ನಂತರ ಡಿವೈಎಸ್ ಪಿ ಬಸವರಾಜ್ ಅವರಿಗೆ ಮನವಿ ಸಲ್ಲಿಸಿದರು. ಈ ಸಂದರ್ಭದಲ್ಲಿ ಮಾದಿಗ ಸಮಾಜದ ಮುಖಂಡರಾದ ಸತೀಶ್ ಮಲೆಮಾಚಿಕೆರೆ, ರಾಜಶೇಖರ್, ಕುಬೇಂದ್ರಪ್ಪ, ರೇಣುಕೇಶ್,‌ ರಾಜನಹಟ್ಟಿ ಚಂದ್ರಪ್ಪ, ಕ್ಯಾಸೇನಹಳ್ಳಿ ಹನುಮಂತಪ್ಪ, ನಾಗರಾಜ್, ಹನುಮಂತಪ್ಪ, ಬಸವರಾಜ್, ಉಮೇಶ್, ಮಂಜುನಾಥ್, ರಾಜಪ್ಪ ವ್ಯಾಸಗೊಂಡನಹಳ್ಳಿ, ಗಿರೀಶ್, ನಾಗರಾಜ್, ಬಾಬುರಾಜೇಂದ್ರ, ಕ್ಯಾಂಪ್ ಶಿವಣ್ಣ, ತಿಮ್ಮಣ ಸೇರಿದಂತೆ ಇತರರು ಭಾಗವಹಿಸಿದ್ದರು.