ರತಿ ಕಾಮರ ಪ್ರತಿಷ್ಠಾಪನೆ: ನಗಿಸಿದವರಿಗೆ ಲಕ್ಷ-ಲಕ್ಷ ರೂ. ನಗದು

ನಾಗರಾಜ ಹಾವನೂರ ದಾ ನಗರವಾಣಿ ಸುದ್ದಿ ರಾಣೇಬೆನ್ನೂರು,ಮಾ.02: ದೇಶಾದ್ಯಂತ ಎಲ್ಲೆಡೆ ಈಗ ಹೋಳಿ ಹಬ್ಬದ ಸಂಭ್ರಮವೋ ಸಂಭ್ರಮ. ಇದಕ್ಕೆ ಸಾಕ್ಷಿಯಾಗಿ ನಗರದ ದೊಡ್ಡಪೇಟೆಯ ರಾಮಲಿಂಗೇಶ್ವರ ದೇವಸ್ಥಾನದ ಸಮಿತಿ ವತಿಯಿಂದ ಪ್ರತಿ ವರ್ಷದಂತೆ ಈ ವರ್ಷವು ಹೋಳಿ ಹಬ್ಬದ ಮುನ್ನಾ ದಿನ ಜೀವಂತ ರತಿಕಾಮರ ಪ್ರತಿಷ್ಠಾಪನೆ ರಂಗು ತರುತ್ತದೆ. ಎಂಥವರನ್ನಾದರು ನಗಿಸುವ ಸಾಮರ್ಥ್ಯ ನಿಮ್ಮಲ್ಲಿದೆಯೇ? ನಗಿಸುವುದರಲ್ಲಿ ನೀವು ಪ್ರವೀಣರೇ? ನಗಿಸುವುದರಲ್ಲಿಯೇ ಪಾಂಡಿತ್ಯ ವನ್ನು ಪಡೆದಿದ್ದೀರಾ? ಹಾಗಾದರೆ ತಡವೇಕೆ ಬನ್ನಿ ಹೋಳಿ ಹಬ್ಬದ ನಿಮಿತ್ತ ಹಾವೇರಿ ಜಿಲ್ಲೆಯ ರಾಣೇಬೆನ್ನೂರು ನಗರದ ದೊಡ್ಡಪೇಟೆಯ ರಾಮಲಿಂಗೇಶ್ವರ ದೇವಸ್ಥಾನದ ಎದುರಿನ ವೇದಿಕೆಯಲ್ಲಿ, ಮಾರ್ಚ 03 ರಂದು (ಮಂಗಳವಾರ) ರಾತ್ರಿ 7 ಗಂಟೆಯಿAದ ಮಧ್ಯರಾತ್ರಿ 1 ರವರೆಗೆ ಕುಳಿತುಕೊಳ್ಳುವ ಕಾಮ-ರತಿ ವೇಷಧಾರಿಗಳನ್ನು ನಗಿಸಿ ಲಕ್ಷ-ಲಕ್ಷ ರೂ. ನಗದು ಬಹುಮಾನ ಗೆಲ್ಲಿರೆಂದು ಕಾರ್ಯ ಕ್ರಮದ ಸಂಘಟಕರು ಹಾಗೂ ಸಮಿತಿಯವರು ಬಹಿರಂಗವಾಗಿ ಸವಾಲು ಎಸೆದಿದ್ದಾರೆ. ಏನಿದು ವಿಶೇಷ:- ಕಳೆದ 67 ವರ್ಷಗಳ ಹಿಂದೆ 1958-59ನೇ ಇಸ್ವಿಯಲ್ಲಿ ನಗರದ ದೊಡ್ಡಪೇಟೆಯ ಪ್ರಮುಖರಾಗಿದ್ದ ವಿರುಪಾಕ್ಷಪ್ಪ ರೊಡ್ಡನವರ, ಬಸವರಾಜಪ್ಪ ಹರಿಹರ, ದೇವೆಂದ್ರಪ್ಪ ಮೂಡಬಾಗಿಲ, ಈರಣ್ಣ ಜಂಬಗಿ ಸೇರಿದಂತೆ ಹಲವಾರು ಪ್ರಮುಖರೆಲ್ಲಾ ಸೇರಿ ಹೋಳಿ ಹಬ್ಬದ ಆಚರಣೆ ನಿಮಿತ್ತ ಜೀವಂತ ರತಿಕಾಮರ ಪ್ರತಿಷ್ಠಾಪನೆಗಾಗಿ ಊರಲ್ಲಿ ಚಂದಾ ರೂಪದಲ್ಲಿ ಹಣ ಸಂಗ್ರಹಿಸಿದರು. ಹಣ ಸಂಗ್ರಹಿಸಿದ ಪ್ರಮುಖರು ಹಬ್ಬದ ನಿಮಿತ್ತ ಏನಾದರೊಂದು ಹೊಸ ಕಾರ್ಯಕ್ರಮ ಮಾಡೋಣವೆಂದು ಚರ್ಚಿಸುತ್ತಿದ್ದ ಸಮಯದಲ್ಲಿ ಜೀವಂತ ರತಿಕಾಮರನ್ನು ಕುಳ್ಳಿರಿಸಿ ಸಾರ್ವಜನಿಕರಿಗೆ ಹಬ್ಬದ ಕೊಡುಗೆಯಾಗಿ ಮನರಂಜನೆಯನ್ನು ನೀಡೋಣವೆಂದು ನಿರ್ಧಾರ ತೆಗೆದು ಕೊಂಡರು. ನಿರ್ಧಾರದ ಪ್ರಕಾರ ಪುರುಷರೇ ರತಿಕಾಮರ ಪಾತ್ರಧಾರಿಗಳಾಗಿ ಕುಳಿತು ಕೊಳ್ಳಲು ಹಾಗೂ ರತಿಕಾಮರನ್ನು ನಗಿಸಿದರೆ ಬಹುಮಾನ ನೀಡುವುದಾಗಿ 67 ವರ್ಷಗಳ ಹಿಂದೆ ನಮ್ಮ ಹಿರಿಯರು ನಿರ್ಧರಿಸಿ ಪ್ರಾರಂಭಿ ಸಿರುವ ಜೀವಂತ ರತಿಕಾಮರ ಪ್ರತಿಷ್ಠಾಪ ನೆಯ ಕಾರ್ಯಕ್ರಮವನ್ನು ನಾವು ಮುಂದುವರೆಸಿ ಕೊAಡು ಬಂದಿದ್ದು ಮಾರ್ಚ್ 03 ರಂದು ಮಂಗಳವಾರ ರಾತ್ರಿ ಪ್ರತಿಷ್ಠಾಪನೆಗೊಳ್ಳುವ ಜೀವಂತ ರತಿಕಾಮರನ್ನು ನಗಿಸಿದವರಿಗೆ 13 ಲಕ್ಷ ರೂ. ಗಳ ಬಹುಮಾನವನ್ನು ನೀಡಲು ನಿರ್ಧರಿಸಿದ್ದೇವೆಂದು ಕಾರ್ಯಕ್ರಮದ ಸಂಘಟಕರು ತಿಳಿಸಿದ್ದಾರೆ. ಯಾರೀ ರತಿಕಾಮರು: ಕಳೆದ 67 ವರ್ಷಗಳಿಂದ ನಡೆದು ಬಂದಿರುವ ಈ ಆಚರಣೆಯಲ್ಲಿ ರತಿಕಾಮರ ವೇಷದಲ್ಲಿ ಒಂದೇ ಜೋಡಿ ಕುಳಿತಿಲ್ಲ, 1958ರ ಪ್ರಾರಂಭದಲ್ಲಿ ವಿರುಪಾಕ್ಷಪ್ಪ ರೊಡ್ಡನವರ, ಲಕ್ಷö್ಮಣ ತಳಿಕೊಪ್ಪಿ ರತಿಕಾಮರ ವೇಷಧಾರಿಗಳಾಗಿ 3 ವರ್ಷಗಳ ಕಾಲ ಮುಂದುವರೆದರೆ, ಮುಂದೆ ಕೊಟ್ರಪ್ಪ ಕಸವಾಳ (ಕಾಮ) ಸುಭಾಸ ಗಲಜೇರಿ(ರತಿ) ಯಲ್ಲಪ್ಪ ರ‍್ಯಾವಾಳದ(ಕಾಮ), ವಾಗೀಶ ಜಂಬಗಿ, ಶಂಕರೆಪ್ಪ ಮಜ್ಜಗಿ ಸೇರಿದಂತೆ ಮುಂತಾದವರು ಕಾಮರತಿ ವೇಷದಲ್ಲಿ ಮೆರೆದಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಕಳೆದ 27 ವರ್ಷಗಳಿಂದ ಗದಿಗೇಶ ಸಣ್ಣತಮ್ಮಪ್ಪ ರೊಡ್ಡನವರ ಕಾಮನ ವೇಷಧಾರಿಯಾಗಿ ಹಾಗೂ 32 ವರ್ಷಗಳಿಂದ ಕುಮಾರ ಹಡಪದ ರತಿ ವೇಷಧಾರಿಯಾಗಿ ಪ್ರದರ್ಶನ ನೀಡುತ್ತಾ ಕಾರ್ಯಕ್ರಮಕ್ಕೆ ರಂಗು ನೀಡುತ್ತಾ ಬಂದಿದ್ದು, ಪ್ರತಿ ವರ್ಷದಂತೆ ಈ ವರ್ಷವೂ ಸಹ ಇವರಿಬ್ಬರೂ ರತಿಕಾಮರ ಪಾತ್ರಧಾರಿಗಳಾಗಿ ಕುಳಿತುಕೊಳ್ಳುವರು. ಬಹುಮಾನದ ಮೊತ್ತ ದುಪ್ಪಟ್ಟು: ನಗಿಸಿದ ವರಿಗೆ ವಿವಿಧ ಸಂಘ ಸಂಸ್ಥೆಯವರು ಲಕ್ಷ-ಲಕ್ಷ ಬಹುಮಾನ ಘೋಷಣೆ ಮಾಡಿದರೂ ಇದುವರೆಗೂ ಯಾರೂ ಬಹುಮಾನ ಗೆದ್ದಿಲ್ಲಾ. ಈ ಬಾರಿ ಬಹುಮಾನದ ಮೊತ್ತ 13 ಲಕ್ಷ ದಾಟಿದೆ. ಪ್ರಮುಖರಾದ ಅಜ್ಜಪ್ಪ ಜಂಬಗಿ 3 ಲಕ್ಷ, ಎ.ಬಿ. ಪಾಟೀಲ, ಅನೀಲ ಸಿದ್ದಾಳಿ, ಕೊಟ್ರೇಶ್ ಕೆಂಚಪ್ಪನವರ, ಬಸವರಾಜ ರೊಡ್ಡ ನವರ, ಸಿದ್ದು ಚಿಕ್ಕಬಿದರಿ ತಲಾ 1 ಲಕ್ಷ, ಯುವ ರಾಜ ಬಾರಾಟಕ್ಕಿ, ಕುಮಾರ ಏಳೆಹೊಳೆ, ಪ್ರಭುಸ್ವಾಮಿ ಕರ್ಜಗಿಮಠ, ಶಿವರಾಜ ಬೇತೂರ, ಗಿರೀಶ ಅಡಕಿ, ಬಿ.ಎಂ.ತಾವರ ಗುAದಿ, ಶಿವಕುಮಾರ ಹರ್ಕನಾಳ, ಪ್ರಶಾಂತ ಹಿತ್ತಲಮನಿ ತಲಾ 50 ಸಾವಿರ ರೂ. ಹಾಗೂ ಇತರರು ಒಂದು ಲಕ್ಷ ರೂ. ಸೇರಿ ಒಟ್ಟು 13 ಲಕ್ಷ ರೂ. ಬಹುಮಾನದ ಮೊತ್ತವಾಗಿದೆ. ನಗಿಸಲು ಹೋಗಿ ನಗೆಪಾಟಲಿ ಗೀಡಾಗಿದ್ದಾರೆ: ಹೋಳಿ ಹಬ್ಬದ ನಿಮಿತ್ತ ಆಚರಣೆಗೆ ಹೆಸರಾಗಿರುವ 67 ವರ್ಷಗಳ ಇತಿಹಾಸವನ್ನು ಹೊಂದಿರುವ ಜೀವಂತ ರತಿ ಕಾಮರ ಪ್ರದರ್ಶನವನ್ನು ರಾಜಧಾನಿ ಬೆಂಗಳೂರಿನ ಜನರಿಗೆ ಪ್ರದರ್ಶನದ ಮೂಲಕ ಪರಿಚಯಿಸುವುದಕ್ಕಾಗಿ ಉತ್ತರ ಕರ್ನಾಟಕ ನಾಗರಿಕರ ಅಭಿವೃದ್ದಿ ಸಂಘ ಬೆಂಗಳೂರಿನ ಅರಮನೆ ಮೈದಾನದಲ್ಲಿ 2013ನೇ ಆಗಸ್ಟ್ಟ್ 10 ರಂದು ಏರ್ಪಡಿಸಿದ್ದ ಉತ್ತರ ಕರ್ನಾಟಕ ಉತ್ಸವದಲ್ಲಿ ಕಾಮನ ವೇಷದಲ್ಲಿ ಗದಿಗೆಪ್ಪ ಸಣ್ಣತಮ್ಮಪ್ಪ ರೊಡ್ಡನವರ ರತಿ ವೇಷದಲ್ಲಿ ಕುಮಾರ ಹಡಪದ ಜೀವಂತ ರತಿಕಾಮರಾಗಿ ಕುಳಿತು ಪ್ರದರ್ಶನ ನೀಡಿದ ಸಮಯದಲ್ಲಿ ಇವರನ್ನು ನಗಿಸಲು ಹೋದವರಲ್ಲಿ ಪ್ರಮುಖರೆನಿಸಿಕೊಂಡ ಮಾಜಿ ಮುಖ್ಯಮಂತ್ರಿ ಬಿ. ಎಸ್. ಯಡಿಯೂರಪ್ಪ, ಜಗದೀಶ ಶೆಟ್ಟರ, ಬಸವರಾಜ ದಿಡಗೂರು ಸೇರಿದಂತೆ ಸಾವಿರಾರು ಜನರು ನಗಿಸಲು ಬಂದು ನಗೆಪಾಟಲಿಗೀಡಾಗಿದ್ದಾರೆಂದು ಕಾರ್ಯಕ್ರಮ ಸಂಘಟಿಕರು ಹೆಮ್ಮೆಯಿಂದ ಹೇಳುತ್ತಾರೆ.

ದಾವಣಗೆರೆ ಬಂದ್‌ಗೆ ಮಾದಿಗ ಸಂಘಟನೆಗಳ ಕರೆ

ದಾ ನಗರವಾಣಿ ಸುದ್ದಿ ದಾವಣಗೆರೆ.ಮಾ.1: ಒಳ ಮೀಸಲಾತಿ ವರ್ಗೀಕರಣ ಜಾರಿಗೆ ತರಲು ಸರ್ಕಾರ ವಿಳಂಬ ಮಾಡುತ್ತಿರುವುದನ್ನು ಖಂಡಿಸಿ ಹಾಗೂ ಮಾದಿಗ ಸಮಾಜಕ್ಕೆ ಆಗುತ್ತಿರುವ ಅನ್ಯಾಯ ಪ್ರತಿಭಟಿಸಿ ವಿವಿಧ ಮಾದಿಗಪರ ಸಂಘಟನೆಗಳ ಒಕ್ಕೂಟವು ಇದೇ ಮಾರ್ಚ್ 06 ರಂದು ‘ದಾವಣಗೆರೆ ಬಂದ್’ ಗೆ ಕರೆ ನೀಡಿದೆ. ಭಾನುವಾರ ನಗರದಲ್ಲಿ ಪ್ರವಾಸಿ ಮಂದಿರದಲ್ಲಿ ನಡೆದ ವಿವಿಧ ತಾಲ್ಲೂಕುಗಳ ಮುಖಂಡರ ತುರ್ತು ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಯಿತು. ಸಭೆಯ ನಂತರ ಮಾಯಕೊಂಡ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಕೆ. ಬಸವಂತಪ್ಪ ಅವರಿಗೆ ಪ್ರತಿಭಟನಾಕಾರರು ಮುತ್ತಿಗೆ ಹಾಕಿ ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು. “35 ವರ್ಷಗಳ ಸುದೀರ್ಘ ಹೋರಾಟದ ಫಲವಾಗಿ ರಾಜ್ಯಪಾಲರಿಂದ ಅಂಕಿತಗೊAಡು ಕಾಯ್ದೆಯಾಗಿರುವ ಒಳ ಮೀಸಲಾತಿಯನ್ನು ಸಿದ್ದರಾಮಯ್ಯ ಸರ್ಕಾರದ ಕೆಲವು ಸಚಿವರು ವಿರೋಧಿಸುತ್ತಿದ್ದಾರೆ. ಇದು ಸಮಾಜಕ್ಕೆ ಮಾಡುತ್ತಿರುವ ದ್ರೋಹ. ಪ್ರಸ್ತುತ 56 ಸಾವಿರ ಉದ್ಯೋಗಗಳನ್ನು ಹಳೆ ಮೀಸಲಾತಿ ಆಧಾರದ ಮೇಲೆ ಭರ್ತಿ ಮಾಡುತ್ತಿರುವುದು ಮಾದಿಗ ಸಮುದಾಯದ ಹಕ್ಕನ್ನು ಕಸಿದುಕೊಂಡAತೆ,” ಎಂದು ಮುಖಂಡರು ಸಭೆಯಲ್ಲಿ ಆತಂಕ ವ್ಯಕ್ತಪಡಿಸಿದರು. ಸಭೆ ಮುಗಿಸಿ ಹೊರಬಂದ ಶಾಸಕ ಕೆ.ಬಸವಂತಪ್ಪ ಅವರನ್ನು ಮುತ್ತಿಗೆ ಹಾಕಿದ ಪ್ರತಿಭಟನಾಕಾರರು, ಸರ್ಕಾರದ ವಿರುದ್ಧ ಘೋಷಣೆ ಕೂಗಿದರು. “ಸಮುದಾಯದ ಪ್ರತಿನಿಧಿಯಾಗಿ ನೀವು ಸದನದಲ್ಲಿ ಧ್ವನಿ ಎತ್ತುತ್ತಿಲ್ಲ. ಸಮಾಜದ ಋಣ ತೀರಿಸಬೇಕಾದ ನೀವು ಮೌನವಾಗಿರುವುದು ಸರಿಯಲ್ಲ. ಸರ್ಕಾರದ ಕಿವಿ ಹಿಂಡಿಯಾದರೂ ಒಳ ಮೀಸಲಾತಿ ಜಾರಿಗೊಳಿಸಿ ನ್ಯಾಯ ಕೊಡಿಸಬೇಕು,” ಎಂದು ಹಿರಿಯ ಮುಖಂಡ ಆಲೂರು ನಿಂಗರಾಜ ಆಗ್ರಹಿಸಿದರು. ಸಭೆಯಲ್ಲಿ ಮಾಜಿ ಪಾಲಿಕೆ ಸದಸ್ಯ ಎಂ.ಹಾಲೇಶ್, ಮಾದಿಗ ಸಮಾಜದ ಹಿರಿಯ ಮುಖಂಡರಾದ ಎಚ್ ವಿಶ್ವನಾಥ್, ಮಾದಿಗ ದಂಡೋರ ಅಧ್ಯಕ್ಷ ಎಚ್.ಸಿ.ಗುಡ್ಡಪ್ಪ, ಡಿಎಸ್‌ಎಸ್ ಸಂಚಾಲಕ ರಾಘವೇಂದ್ರ ಕಡೆಮನಿ ಹಿರಿಯ ದಲಿತ ಹೋರಾಟಗಾರರಾದ ಮಲ್ಲೇಶಪ್ಪ ಹರಿಹರ, ಕಡತಿ ಅಂಜಿನಪ್ಪ, ಭೀಮ ಆರ್ಮಿಯ ಜಿಲ್ಲಾ ಸಂಚಾಲಕ ನಿಂಗರಾಜ್ ಚಿಕ್ಕನಹಳ್ಳಿ , ಡಿಎಸ್‌ಎಸ್ ಜಿಲ್ಲಾ ಸಂಚಾಲಕ ಕುಂದುವಾಡ ಮಂಜುನಾಥ್, ರವಿಕುಮಾರ್ ಎಂ ಕೆ ಟಿ ನಗರ, ರವಿಕುಮಾರ್ ಟಿ, ಚನ್ನಗಿರಿ ತಾಲೂಕ ಸಂಚಾಲಕರಾದ ಪಾಂಡೋಮಟ್ಟಿ ಪ್ರಭಾಕರ್, ಚನ್ನಗಿರಿ ಮೂರ್ತಿ, ಕೆಂಚಮ್ಮನಹಳ್ಳಿ ರುದ್ರೇಶ್, ಗಂಗೂರು ಮಂಜುನಾಥ, ಗುಮ್ಮನೂರ್ ಬಸವರಾಜ್, ಮಹಾಂತೇಶ್ ಹಾಲವರ್ತಿ, ಶಾಮ್ ವಕೀಲರು, ಮಂಜಪ್ಪ ವಕೀಲರು ಮತ್ತು ಇತರರು ಇದ್ದರು.

ಒಳ ಮೀಸಲಾತಿ ಕಿಡಿ; ಮಾದಿಗ ಸಮಾಜದ ವಿರೋಧ-ರಸ್ತೆ ತಡೆ, ದಿಢೀರ್ ಪ್ರತಿಭಟನೆ

ದಾ ನಗರವಾಣಿ ಸುದ್ದಿ ದಾವಣಗೆರೆ: ಯಥಾವತ್ ಒಳ ಮೀಸಲಾತಿ ಜಾರಿಗೆ ಒತ್ತಾಯಿಸಿ ದಲಿತ ಪರ ಸಂಘಟನೆಗಳು, ವಿವಿಧ ಪಕ್ಷಗಳ ಮಾದಿಗ ಸಮುದಾಯದ ಮುಖಂಡರ ನೇತೃತ್ವದಲ್ಲಿ ಶನಿವಾರ ನಗರದಲ್ಲಿ ದಿಢೀರ್ ರಸ್ತೆ ತಡೆ ನಡೆಸಿ ಪ್ರತಿಭಟಿಸಿದ ಘಟನೆ ನಡೆಯಿತು. ನಗರದ ಹಳೇ ಪ್ರವಾಸಿ ಮಂದಿರದಿAದ ಜಯದೇವ ವೃತ್ತಕ್ಕೆ ಬಂದ ಪ್ರತಿಭಟನಾಕಾರರು ದಿಢೀರ್ ಪ್ರತಿಭಟನೆ ನಡೆಸಿ, ರಸ್ತೆ ತಡೆ ಮಾಡುವ ಮೂಲಕ ಪರಿಶಿಷ್ಟ ಜಾತಿಗೆ ನ್ಯಾ.ಎಚ್.ಎನ್.ನಾಗಮೋಹನ ದಾಸ್ ಆಯೋಗದ ಶಿಫಾರಸ್ಸಿನಂತೆ ಯಥಾವತ್ ಒಳ ಮೀಸಲಾತಿ ಜಾರಿಗೆ ಒತ್ತಾಯಿಸಿ ಘೋಷಣೆಗಳನ್ನು ಕೂಗಿದರು. ಈ ಸಂದರ್ಭದಲ್ಲಿ ಮಾತನಾಡಿದ ತಾ. ಪಂ ಮಾಜಿ ಸದಸ್ಯ ಆಲೂರು ನಿಂಗರಾಜ, ಈಗಿರುವ ವರದಿಯಲ್ಲಿ ಮೀಸಲಾತಿ ಹಂಚಿಕೆ ಪ್ರಮಾಣ ಸರಿಯಾಗಿಲ್ಲ. ಇದರಿಂದ ಮಾದಿಗರಿಗೆ ಘೋರ ಅನ್ಯಾಯವಾಗುತ್ತದೆ. ಹಾಗಾಗಿ ನ್ಯಾ. ನಾಗಮೋಹನ ದಾಸ್ ಆಯೋಗದ ಶಿಫಾರಸ್ಸನ್ನು ಯಥಾವತ್ ಅನುಷ್ಟಾನಗೊಳಿಸಿ, ಒಳ ಮೀಸಲಾತಿ ಕಲ್ಪಿಸಬೇಕು. ಸಚಿವರಾದ ಕೆ.ಎಚ್.ಮುನಿಯಪ್ಪ, ಆರ್.ಬಿ.ತಿಮ್ಮಾಪುರ ತಮ್ಮ ಹೊಣೆಗಾರಿಕೆ ಸರಿಯಾಗಿ ನಿರ್ವಹಿಸಿಲ್ಲ. ಒಳ ಮೀಸಲಾತಿ ಜಾತಿಗೆ ಒತ್ತಾಯಿಸಿ ಮಾ.6ರಂದು ಮಾದಿಗ ಸಮಾಜದಿಂದ ದಾವಣಗೆರೆ ಬಂದ್‌ಗೆ ಕರೆ ನೀಡಲಾಗಿದೆ ಎಂದರು. ಒಳ ಮೀಸಲಾತಿಗಾಗಿ ನಡೆಸಿದ 35 ವರ್ಷಗಳ ಹೋರಾಟವನ್ನು ಬಲಗೈ ಸಮುದಾಯದ ಮುಖಂಡರು ಆರೇ ತಿಂಗಳಲ್ಲಿ ನುಚ್ಚು ನೂರು ಮಾಡಿದ್ದಾರೆ. ಸಿಎಂ ಸಿದ್ದರಾಮಯ್ಯ, ಡಾ.ಎಚ್.ಸಿ.ಮಹದೇವಪ್ಪ, ಪ್ರಿಯಾಂಕ ಖರ್ಗೆ, ಡಾ.ಜಿ.ಪರಮೇಶ್ವರ, ಮಲ್ಲಿಕಾರ್ಜುನ ಖರ್ಗೆ ಅಣತಿಯಂತೆ ಮೀಸಲಾತಿ ಜಾರಿಗೊಳಿಸಿದ್ದಾರೆ ಎಂದು ಆರೋಪಿಸಿದರು. ಸುಪ್ರೀಂ ಕೋರ್ಟ್ ಆದೇಶದಂತೆ ಒಳ ಮೀಸಲಾತಿಗಾಗಿ ನೇಮಿಸಿದ್ದ ನಾಗಮೋಹನ ದಾಸ್ ಆಯೋಗವು ಶೇ.56 ಮೀಸಲಾತಿಯಲ್ಲಿ ಮಾದಿಗರಿಗೆ ಶೇ.6, ಹೊಲೆಯ ಸಂಬAಧಿತ ಸಮುದಾಯಕ್ಕೆ ಶೇ.6, ಭೋವಿ-ಲಂಬಾಣಿ-ಕೊರಚ-ಕೊರಮ ಇತ್ಯಾದಿ ಜಾತಿಗಳಿಗೆ ಶೇ.5 ಮೀಸಲಾತಿ ನೀಡಿತ್ತು. ಇದಕ್ಕೆ ರಾಜ್ಯಪಾಲರು ಅಂಕಿತ ಹಾಕಿದ್ದರಿಂದ ಒಳ ಮೀಸಲಾತಿ ಕಾಯ್ದೆಯಾಗಿ ರೂಪುಗೊಂಡಿದೆ ಎಂದು ಅವರು ತಿಳಿಸಿದರು. ಒಳ ಮೀಸಲಾತಿ ಆಧಾರದ ಮೇಲೆ ರಾಜ್ಯ ಸರ್ಕಾರ ಹುದ್ದೆಗಳನ್ನು ತುಂಬಬೇಕು. ಆದರೆ ಒತ್ತಡಕ್ಕೆ ಮಣಿದು, ಒಳ ಮೀಸಲಾತಿ ಕಾಯ್ದೆಯನ್ನೇ ಗಾಳಿಗೆ ತೂರಿ 56 ಸಾವಿರಕ್ಕೂ ಅಧಿಕ ಹುದ್ದೆಗಳನ್ನು ಕೇವಲ ಶೇ.50ರ ಮೀಸಲಾತಿ ಆಧಾರಿತವಾಗಿ, ಹಳೇ ರೋಸ್ಟರ್ ಪದ್ಧತಿಯಲ್ಲಿ ತುಂಬಲು ಹೊರಟಿರುವುದು ಖಂಡನೀಯವಾಗಿದ್ದು, 35 ವರ್ಷಗಳ ಒಳ ಮೀಸಲಾತಿ ಕ್ರಾಂತಿಕಾರಿ ಹೋರಾಟಕ್ಕೆ ಅವಮಾನ ಮಾಡಲಾಗಿದ್ದು, ಮಾದಿಗ ಸಮುದಾಯವನ್ನೇ ಕಗ್ಗೊಲೆ ಮಾಡಲು ರಾಜ್ಯ ಸರ್ಕಾರ ಹೊರಟಿದೆ ಎಂದು ಆರೋಪಿಸಿದರು. ಜೆಡಿಎಸ್ ಮುಖಂಡ ಎಚ್.ಸಿ.ಗುಡ್ಡಪ್ಪ, ಸಮಾಜದ ಮುಖಂಡರಾದ ಎಂ.ಹಾಲೇಶ, ಕಡತಿ ಅಂಜಿನಪ್ಪ, ಎ.ಕೆ.ಭೂಮೇಶ, ಅಲೆಮಾರಿ ಸಮುದಾಯದ ರಾಜ್ಯಾಧ್ಯಕ್ಷ, ವಕೀಲ ವೀರೇಶ ವಿಭೂತಿ, ರವಿಕುಮಾರ, ಮಾದಿಗ ಸಮುದಾಯದ ಮುಖಂಡ ಪಾಂಡೋಮಟ್ಟಿ ಪ್ರಭಾಕರ, ಲಿಂಗರಾಜು ಗಾಂಧಿ ನಗರ ಸೇರಿದಂತೆ ಇತರರು ಇದ್ದರು.

ದುಗ್ಗಮ್ಮನ ಜಾತ್ರೆ: ಎಲ್ಲೆಡೆ ಮಾಂಸ ತ್ಯಾಜ್ಯ ದುರ್ನಾತ ಬೀರುತ್ತಿವೆ ಕಸದ ರಾಶಿ

ದಾ.ನಗರವಾಣಿ ಸುದ್ದಿ ದಾವಣಗೆರೆ.ಫೆ.27: ನಗರದ ಆರಾಧ್ಯ ದೇವಿ ಶ್ರೀ ದುರ್ಗಾಂಬಿಕಾ ದೇವಿಯ ಅದ್ಧೂರಿ ಜಾತ್ರಾ ಮಹೋತ್ಸವದ ಭಕ್ತಿ ಮತ್ತು ಸಂಭ್ರಮ ಮರೆಯಾಗುತ್ತಿದ್ದಂತೆ, ಬೆಣ್ಣೆ ನಗರಿಯ ರಸ್ತೆಗಳು ಈಗ ಕಸದ ಕಾಶಿಯಾಗಿ ಮಾರ್ಪಟ್ಟಿವೆ. ಲಕ್ಷಾಂತರ ಭಕ್ತರು ಪಾಲ್ಗೊಂಡಿದ್ದ ಈ ಐತಿಹಾಸಿಕ ಜಾತ್ರೆಯ ನಂತರ, ನಗರದ ಪ್ರಮುಖ ವೃತ್ತಗಳು ಮತ್ತು ಗೋಡೆಗಳ ಪಕ್ಕದಲ್ಲಿ ಕಸದ ಅಟ್ಟಹಾಸ ಶುರುವಾಗಿದ್ದು, ಸಾರ್ವಜನಿಕರಲ್ಲಿ ಸಾಂಕ್ರಾಮಿಕ ರೋಗಗಳ ಭೀತಿ ಆವರಿಸಿದೆ. ಜಾತ್ರೆಯ ನಂತರ ಕಂಡುಬAದ ದೃಶ್ಯಗಳು ಅತ್ಯಂತ ಆತಂಕಕಾರಿಯಾಗಿವೆ. ಕೇವಲ ಪ್ಲಾಸ್ಟಿಕ್ ಚೀಲಗಳು, ಕಾಗದ, ಅಡಿಕೆ ತಟ್ಟೆಗಳಷ್ಟೇ ಅಲ್ಲದೆ, ಭಾರಿ ಪ್ರಮಾಣದ ಮಾಂಸದ ತ್ಯಾಜ್ಯ ಮತ್ತು ಮೂಳೆಗಳನ್ನು ರಸ್ತೆ ಬದಿಯಲ್ಲೇ ಎಸೆಯಲಾಗಿದೆ. ನಗರದ ಹಳೆಯ ಭಾಗ ಮತ್ತು ದೇವಸ್ಥಾನದ ಸುತ್ತಮುತ್ತಲಿನ ಬಡಾವಣೆಗಳು, ತೆರೆದ ಜಾಗದಲ್ಲಿ ಬಿದ್ದಿರುವ ಈ ತ್ಯಾಜ್ಯಗಳು ಈಗ ಬಿಸಿಲಿಗೆ ಕೊಳೆಯತೊಡಗಿದ್ದು, ಇಡೀ ಪ್ರದೇಶ ನರಕ ಸದೃಶವಾಗಿದೆ. ರಸ್ತೆ ಬದಿಯಲ್ಲಿ ಬಿದ್ದಿರುವ ಮಾಂಸದ ತುಣುಕುಗಳಿಗಾಗಿ ನೂರಾರು ಬೀದಿ ನಾಯಿಗಳು ಗುಂಪುಗೂಡುತ್ತಿವೆ. ಇದರಿಂದಾಗಿ ಪಾದಚಾರಿಗಳು ಮತ್ತು ದ್ವಿಚಕ್ರ ವಾಹನ ಸವಾರರು ಸಂಚರಿಸಲು ಭಯಪಡುವಂತಾಗಿದೆ. “ಜಾತ್ರೆಯ ಹೆಸರಲ್ಲಿ ಭಕ್ತಿ ಮೆರೆದವರು, ಈ ರೀತಿ ತ್ಯಾಜ್ಯ ಎಸೆಯುವ ಮೂಲಕ ಸಾರ್ವಜನಿಕರ ಜೀವದ ಜೊತೆ ಚೆಲ್ಲಾಟವಾಡುತ್ತಿದ್ದಾರೆ” ಎಂದು ಸ್ಥಳೀಯ ನಿವಾಸಿಗಳು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಜಾತ್ರೆಯ ವೇಳೆ ಸಕಲ ಸಿದ್ಧತೆ ಮಾಡಿಕೊಂಡಿದ್ದ ಮಹಾನಗರ ಪಾಲಿಕೆ, ಜಾತ್ರೆ ಮುಗಿದ ನಂತರ ಸ್ವಚ್ಛತಾ ಕಾರ್ಯದಲ್ಲಿ ವಿಳಂಬ ನೀತಿ ಅನುಸರಿಸುತ್ತಿದೆ ಎಂಬ ಆರೋಪ ಕೇಳಿಬಂದಿದೆ. “ಜಾತ್ರೆ ಮುಗಿದ 24 ಗಂಟೆಯೊಳಗೆ ಎಲ್ಲವನ್ನೂ ತೆರವುಗೊಳಿಸಬೇಕಿತ್ತು. ಆದರೆ ಈಗಲೂ ಮಾಂಸದ ತ್ಯಾಜ್ಯ ಕೊಳೆಯುತ್ತಿರುವುದು ಪಾಲಿಕೆಯ ವೈಫಲ್ಯವನ್ನು ತೋರಿಸುತ್ತದೆ” ಎನ್ನುತ್ತಾರೆ ನಾಗರಿಕರು. ಕೊಳೆಯುತ್ತಿರುವ ಮಾಂಸದ ತ್ಯಾಜ್ಯದಿಂದ ಕಾಲರಾ ಮತ್ತು ಭೇದಿಯಂತಹ ರೋಗಗಳ ಭೀತಿ ಎದುರಾಗಿದೆ. ಹಳೆ ದಾವಣಗೆರೆ ಭಾಗದಲ್ಲಿ ಉಸಿರಾಡುವುದೇ ಕಷ್ಟವಾಗುವಷ್ಟು ಗಬ್ಬು ವಾಸನೆ ಹರಡಿದೆ. ನಗರದ ಸಂಪೂರ್ಣ ಸ್ವಚ್ಛಗೊಳ್ಳಬೇಕಾದರೆ ವಾರಗಳೇ ಕಳೆಯಬೇಕಿದೆ. ಮುಂದಿನ ದಿನಗಳಲ್ಲಿ ತ್ಯಾಜ್ಯ ನಿರ್ವಹಣೆಗಾಗಿ ‘ಹಸಿರು ಜಾತ್ರೆ’ ಪರಿಕಲ್ಪನೆಯ ಅಗತ್ಯವಿದೆ. ಮಹಾನಗರ ಪಾಲಿಕೆಯು ತಕ್ಷಣವೇ ಹೆಚ್ಚುವರಿ ಕಾರ್ಮಿಕರು ಮತ್ತು ಜೆಸಿಬಿ ಯಂತ್ರಗಳನ್ನು ಬಳಸಿ, ವೈಜ್ಞಾನಿಕವಾಗಿ ಈ ತ್ಯಾಜ್ಯವನ್ನು ವಿಲೇವಾರಿ ಮಾಡಬೇಕು. ನಗರದ ಅಂದವನ್ನು ಮರಳಿ ತರಲು ಅಧಿಕಾರಿಗಳು ತುರ್ತು ಕ್ರಮ ಕೈಗೊಳ್ಳಬೇಕಿದೆ ಎನ್ನುವುದು ನಾಗರೀಕರ ಒತ್ತಾಯವಾಗಿದೆ.

2027ಕ್ಕೆ ತುಮಕೂರು-ದಾವಣಗೆರೆ ನೇರ ರೈಲು ಮಾರ್ಗ ಪೂರ್ಣ: ಸಚಿವ ವಿ.ಸೋಮಣ್ಣ

ದಾ.ನಗರವಾಣಿ ಸುದ್ದಿ ದಾವಣಗೆರೆ:ಫೆ.26: ದಶಕಗಳ ಕಾಲ ನೆನೆಗುದಿಗೆ ಬಿದ್ದಿದ್ದ ಈ ಭಾಗದ ಜನರ ರೈಲ್ವೆ ಕನಸು ನನಸಾಗುವ ಕಾಲ ಹತ್ತಿರವಾಗಿದ್ದು, ಪ್ರಮುಖ ರೈಲ್ವೆ ಯೋಜನೆಗಳಿಗೆ ಹೊಸ ವೇಗ ದೊರೆತಿದೆ. ಗುರುವಾರ ಜಿಲ್ಲೆಯಲ್ಲಿ ಕೈಗೊಂಡಿರುವ ರೈಲ್ವೆ ಕಾಮಗಾರಿಗಳ ಪ್ರಗತಿ ಪರಿಶೀಲನೆ ನಡೆಸಿದ ಕೇಂದ್ರ ರೈಲ್ವೆ ಮತ್ತು ಜಲಶಕ್ತಿ ರಾಜ್ಯ ಖಾತೆ ಸಚಿವ ವಿ. ಸೋಮಣ್ಣ, ಸಾರ್ವಜನಿಕರಿಗೆ ಸಿಹಿ ಸುದ್ದಿ ನೀಡಿದರು. ಬೆಂಗಳೂರಿನಿAದ ವಿಶೇಷ ರೈಲಿನಲ್ಲಿ ಆಗಮಿಸಿದ ಅವರು ತೋಳಹುಣಸೆಯಿಂದ ಆನಗೋಡು ರೈಲು ನಿಲ್ದಾಣದವರೆಗೂ ಮೋಟಾರ್ ಟ್ರಾಲಿಯ ಮೂಲಕ ಪರಿಶೀಲನೆ ನಡೆಸಿ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದರು. ತುಮಕೂರು-ದಾವಣಗೆರೆ ನೇರ ರೈಲ್ವೆ ಮಾರ್ಗ ಯೋಜನೆಯಡಿ ಕಾಮಗಾರಿ ಪೂರ್ಣಗೊಂಡಿರುವ ತೋಳಹುಣಸೆ ಮತ್ತು ಆನಗೋಡು ನಡುವಿನ ಸುಮಾರು 16 ರಿಂದ 20 ಕಿಲೋಮೀಟರ್ ಹಂತದ ರೈಲು ಮಾರ್ಗವನ್ನು ಬರುವ ಜೂನ್ ವೇಳೆಗೆ ಸಂಚಾರಕ್ಕೆ ಮುಕ್ತಗೊಳಿಸಲಾಗುವುದು. ಶೀಘ್ರವೇ ತಾಂತ್ರಿಕ ತಂಡದಿAದ ಅಂತಿಮ ತಪಾಸಣೆ ನಡೆಸಲಾಗುವುದು ಎಂದರು. ತುಮಕೂರು-ದಾವಣಗೆರೆ ನೇರ ಮಾರ್ಗ: ಈ ಮಾರ್ಗಕ್ಕೆ ಒಟ್ಟು 2,000 ಎಕರೆ ಭೂಮಿಯ ಅಗತ್ಯವಿದ್ದು, ಕೇವಲ 246 ಎಕರೆ ಮಾತ್ರ ಬಾಕಿ ಇದೆ. ಚಿತ್ರದುರ್ಗ ಭಾಗದಲ್ಲಿ ಬಾಕಿ ಇರುವ 111 ಎಕರೆ ಭೂಸ್ವಾಧೀನ ಪ್ರಕ್ರಿಯೆಯನ್ನು ಮುಂದಿನ 2-3 ತಿಂಗಳಲ್ಲಿ ಮುಗಿಸಿ, ಡಿಸೆಂಬರ್ 2027ರ ವೇಳೆಗೆ ಇಡೀ ಯೋಜನೆಯನ್ನು ಪೂರ್ಣಗೊಳಿಸುವ ಗುರಿ ಹೊಂದಲಾಗಿದೆ ಎಂದರು. ಉತ್ತರ ಕರ್ನಾಟಕದ ಈ ಪ್ರಮುಖ ಯೋಜನೆಯಾದ ಗದಗ-ವಾಡಿ ರೈಲ್ವೆ ಯೋಜನೆಯನ್ನು 2027ರ ವೇಳೆಗೆ ಮುಗಿಸಲು ಗಡುವು ನೀಡಲಾಗಿದೆ. ಈಗಾಗಲೇ ಕುಷ್ಟಗಿವರೆಗಿನ ಕಾಮಗಾರಿ ಮುಕ್ತಾಯಗೊಂಡಿದೆ. ಕರ್ನಾಟಕದ ರೈಲ್ವೆ ಯೋಜನೆಗಳಿಗಾಗಿ ಕೇಂದ್ರ ಸರ್ಕಾರ ಈ ಬಾರಿ ದಾಖಲೆ ಮಟ್ಟದ 52,000 ಕೋಟಿಗೂ ಅಧಿಕ ಅನುದಾನ ನೀಡಿದೆ. ಈ ಅನುದಾನದಲ್ಲಿ ಬಾಕಿ ಇರುವ ಕಾಮಗಾರಿಗಳನ್ನು ತ್ವರಿತಗತಿಯಲ್ಲಿ ಪೂರ್ಣಗೊಳಿಸಲಾಗುವುದು ಎಂದರು. “ರೈಲ್ವೆ ಇಲಾಖೆಯಲ್ಲಿ ಬಾಕಿ ಉಳಿದಿದ್ದ ಹಳೆಯ ಯೋಜನೆಗಳ ಪೂರ್ಣಗೊಳಿಸುವಿಕೆಗೆ ಸರ್ಕಾರ ಮೊದಲ ಆದ್ಯತೆ ನೀಡಿದೆ. ಇದಕ್ಕಾಗಿ 52,000 ಕೋಟಿಗಳನ್ನು ಮೀಸಲಿಟ್ಟು, ಈಗಾಗಲೇ ಕಾಮಗಾರಿಗಳನ್ನು ಕೈಗೆತ್ತಿಕೊಳ್ಳಲಾಗಿದೆ. ಇದರ ಜೊತೆಗೆ ಪ್ರಸಕ್ತ ಸಾಲಿಗೆ ಹೆಚ್ಚುವರಿಯಾಗಿ 7,800 ಕೋಟಿ ರೂಪಾಯಿ ಮೊತ್ತದ ಅಭಿವೃದ್ಧಿ ಕಾರ್ಯಗಳನ್ನು ಅನುಷ್ಠಾನಗೊಳಿಸಲಾಗುತ್ತಿದೆ” ಎಂದು ಅವರು ವಿವರಿಸಿದರು. ಬೆಂಗಳೂರು–ತುಮಕೂರು–ದಾವಣಗೆರೆ, ರಾಯದುರ್ಗ–ತುಮಕೂರು ಹಾಗೂ ತಾಳಗುಪ್ಪ ಸೇರಿದಂತೆ ರಾಜ್ಯದ ವಿವಿಧ ರೈಲ್ವೆ ಯೋಜನೆಗಳನ್ನು ಚುರುಕುಗೊಳಿಸಲಾಗಿದೆ. ರೈಲ್ವೆ ನಿಲ್ದಾಣಗಳಲ್ಲಿ ಶೌಚಾಲಯ ಸೇರಿದಂತೆ ಮೂಲಸೌಕರ್ಯಗಳ ಅಭಿವೃದ್ಧಿಗೆ ವಿಶೇಷ ಒತ್ತು ನೀಡಲಾಗುತ್ತಿದೆ ಎಂದು ಸಚಿವರು ಮಾಹಿತಿ ನೀಡಿದರು. ದೇಶದ ಅಭಿವೃದ್ಧಿಯಲ್ಲಿ ರೈಲ್ವೆ ಇಲಾಖೆಯ ಪಾತ್ರ ಅತ್ಯಂತ ನಿರ್ಣಾಯಕ. ರೈಲ್ವೆ ವ್ಯವಸ್ಥೆ ಸುಧಾರಣೆಯಾದರೆ ದೇಶದ ಪ್ರಗತಿ ತಾನಾಗಿಯೇ ವೇಗ ಪಡೆದುಕೊಳ್ಳುತ್ತದೆ. ಈ ನಿಟ್ಟಿನಲ್ಲಿ ಹಳೆಯ ಮತ್ತು ಹೊಸ ಯೋಜನೆಗಳ ಸಮನ್ವಯದೊಂದಿಗೆ ಕೆಲಸ ಮಾಡಲಾಗುತ್ತಿದೆ ಎಂದರು. ಇದಕ್ಕೂ ಮುನ್ನ ನಡೆದ ಸರಳ ಸಮಾರಂಭದಲ್ಲಿ ಇಲಾಖೆಯ ಭವಿಷ್ಯದ ಗುರಿಗಳ ಬಗ್ಗೆ ಸಚಿವ ವಿ.ಸೋಮಣ್ಣ ಮಾತನಾಡಿ, ಎಲ್ಲರ ಸಹಕಾರದಿಂದ ಮಾತ್ರವೇ ಇಂಥಹ ದೊಡ್ಡ ಯೋಜನೆಗಳು ಯಶಸ್ವಿಯಾಗಲು ಸಾಧ್ಯ ಎಂದರು. ಕಾರ್ಯಕ್ರಮದಲ್ಲಿ ಸಂಸದೆ ಡಾ.ಪ್ರಭಾ ಮಲ್ಲಿಕಾರ್ಜುನ್, ಶಾಸಕ ಕೆ.ಎಸ್.ಬಸವಂತಪ್ಪ, ಜಿಲ್ಲಾಧಿಕಾರಿ ಗಂಗಾಧರ ಸ್ವಾಮಿ, ಇಲಾಖೆಯ ಅಧಿಕಾರಿಗಳು ಉಪಸ್ಥಿತರಿದ್ದರು.

ದುಗ್ಗಮ್ಮನಿಗೆ ಹರಕೆ ಸಲ್ಲಿಸಲು ಜನರ ನೂಕುನುಗ್ಗಲು ಹಳೆ ನಗರದ ಗಲ್ಲಿ ಗಲ್ಲಿಗಳಲ್ಲಿ ಬಾಡೂಟದ ಘಮ

ದಾ ನಗರವಾಣಿ ಸುದ್ದಿ ದಾವಣಗೆರೆ: ಬುಧವಾರ ನಡೆದ ಶ್ರೀ ದುರ್ಗಾಂಬಿಕಾ ದೇವಿ ಜಾತ್ರೆಯ ಅದ್ದೂರಿತನಕ್ಕೆ, ಭಕ್ತಿ ಪರಾಕಾಷ್ಠೆಗೆ, ವಿದ್ಯುಕ್ತ ಆಚರಣೆಗೆ ದಾವಣಗೆರೆ ಜನತೆ ಸಾಕ್ಷಿಯಾದರು. ಶಿವಾಜಿ ನಗರದಲ್ಲಿರುವ ನಗರದ ಅಧಿದೇವತೆ ಶ್ರೀ ದುಗ್ಗಮ್ಮನ ದೇವಸ್ಥಾನದ ಸುತ್ತ ಮುತ್ತ ಎಲ್ಲಿ ನೋಡಿದರು ಭಕ್ತರ ಉಧೋ... ಉಧೋ.. ದುಗ್ಗಮ್ಮ ಎನ್ನುವ ಭಕ್ತಿಯ ಧ್ವನಿಯೇ ಕೇಳಿಸುತ್ತಿತ್ತು. ದಾವಣಗೆರೆ ನಗರದ ನಾಲ್ಕು ದಿಕ್ಕುಗಳಿಂದ ಮಧ್ಯ ರಾತ್ರಿ 12 ಗಂಟೆಯಿAದಲೇ ಶ್ರೀ ದುರ್ಗಾಂಬಿಕಾ ದೇವಸ್ಥಾನಕ್ಕೆ ಜನ ಸಾಗರವೇ ಹರಿದು ಬಂದಿತು. ಕುಟುಂಬ ಸದಸ್ಯರೆಲ್ಲ ಸೇರಿ ಹಣೆಯ ಮೇಲೆ ವಿಭೂತಿ, ಕುಂಕುಮ ಬಳಿದುಕೊಂಡು, ಕೈಯಲ್ಲಿ ಬೇವು ಹಿಡಿದು ಉಧೋ... ಉಧೋ... ದುಗ್ಗಮ್ಮನ ಎನ್ನುತ್ತ ಭಕ್ತಿಯಿಂದ ದೇವಸ್ಥಾನ ದಾರಿ ಹಿಡಿದರು. ಹರಕೆ ಹೊತ್ತವರು ದೇವಸ್ಥಾನ ಸುತ್ತ ಉರುಳು ಸೇವೆ, ದೀಡು ನಮಸ್ಕಾರ ಹಾಕಿ ದೇವಿಗೆ ತಮ್ಮ ಹರಕೆಯನ್ನು ತೀರಿಸಿದರು. ನಂತರ ದೇವಸ್ಥಾನ ಆವರಣದಲ್ಲಿ ಹರಕೆ ತೀರಿಸಿದ ಮಕ್ಕಳಿಗೆ ಪೋಷಕರು ಹೊಸ ಬಟ್ಟೆ ತೊಡಿಸಿ, ಆರತಿ ಎತ್ತಿ ಪೂಜೆಯನ್ನು ನೆರವೇರಿಸಿದರು. ರಾತ್ರಿಯಿಂದಲೇ ದೇವಸ್ಥಾನಕ್ಕೆ ಭಕ್ತರ ದಂಡು ಹರಿದು ಬರುತ್ತಿತ್ತು. ಜೊತೆ ಹರಕೆ ಕುರಿಗಳನ್ನು ಕೂಡ ಕರೆದುಕೊಂಡು ಬಂದು ಕೊನೆಯ ಪ್ರದಕ್ಷಿಣೆಯನ್ನು ಹಾಕಿದರು. ವೀಲ್ ಚೇರ್‌ನಲ್ಲಿ ಬಂದು ದೇವಿಯ ದರ್ಶನ ಪಡೆದ ಭಕ್ತೆಯೊಬ್ಬರು ಗಮನ ಸೆಳೆದರು. ದೇವಸ್ಥಾನ ಹೋಗಿ ಬರುವ ಭಕ್ತರಿಗೆ ನಗರದೆಲ್ಲೆಡೆ ಪಾನಕ, ಮಜ್ಜಿಗೆ ವ್ಯವಸ್ಥೆಯಲ್ಲಿ ಸಂಘ-ಸAಸ್ಥೆಗಳಿAದ ಮಾಡಲಾಗಿತ್ತು. ಬುಧವಾರ ದೇವಿಗೆ ಪದ್ಧತಿ ಪ್ರಕಾರ ಪೂಜೆಯನ್ನು ನೆರವೇರಿಸಿ ಬೆಳಗ್ಗೆ 8 ಗಂಟೆಗೆ ಚರಗ ಚೆಲ್ಲಲಾಯಿತು. ಕೈಯಲ್ಲಿ ಚರಗದ ಪುಟ್ಟಿ ಹಿಡಿದು ಯುವಕರು ಉಘೆ... ಉಘೆ... ದುಗ್ಗಮ್ಮ ಎನ್ನುತ್ತ ಚರಗ ಚೆಲ್ಲಿದರು. ಚರಗ ತಮ್ಮ ಮನೆಯ ಬಳಿ ಬರುತ್ತಿದ್ದಂತೆ ಭಕ್ತರು ಚರಗದ ಕಾಳುಗಳನ್ನು ಪಡೆದು ತಮ್ಮ ತಮ್ಮ ಮನೆಯ ಮೇಲೆ ಎಸೆದರು. ಇದರಿಂದ ತಮ್ಮ ಮನೆಯ ಮೇಲೆ ದೇವಿಯ ಕೃಪೆ ಇರಲಿದೆ ಎನ್ನುವುದು ನಂಬಿಕೆ. ಉಡುಪು ರಹಿತ ಬೇವಿನ ಉಡುಗೆ ಧರಿಸಿ ಭಕ್ತಿಯನ್ನು ಸಮರ್ಪಿಸುವುದು ನಿಷೇಧವಿದ್ದರೂ ಕೂಡ ಅನೇಕ ಭಕ್ತರು ಬೇವಿನ ಉಡುಗೆಯನ್ನು ಮನೆಯಿಂದಲೇ ಧರಿಸಿ ಬರುತ್ತಿದ್ದರು. ಆದರೆ ದೇವಸ್ಥಾನ ಆವರಣದಲ್ಲಿ ತಡೆದ ಮಹಿಳಾ ಮತ್ತು ಮಕ್ಕಳ ಇಲಾಖೆ ಸಿಬ್ಬಂದಿಗಳು ಭಕ್ತರಲ್ಲಿ ಅರಿವು ಮೂಡಿಸುವ ಕೆಲಸ ಮಾಡಿದರು. ನಂತರ ಉಡುಪು ಧರಿಸಿ ಅದರ ಮೇಲೆ ಬೇವು ಸುತ್ತಿಕೊಂಡು ಭಕ್ತಿಯನ್ನು ಸಮರ್ಪಿಸುವಂತೆ ಪ್ರೇರೇಪಿಸಿದರು. 30 ಸಾವಿರ ಕುರಿಗಳ ಬಲಿ: ಶ್ರೀ ದುರ್ಗಾಂಬಿಕಾ ದೇವಿ ಜಾತ್ರೆಯಿಂದ ಬುಧವಾರ ಸಂಪೂರ್ಣ ದಾವಣಗೆರೆ ಕಳೆಗಟ್ಟಿತ್ತು. ಪೂಜೆ ನೆರವೇರಿದ ನಂತರ ಹರಕೆ ಕುರಿಗಳನ್ನು ಬಲಿ ಕೊಡಲಾಯಿತು. ಅಂದಾಜಿನ ಪ್ರಕಾರ ಹತ್ತಿರ ಹತ್ತಿರ ಒಟ್ಟು 30 ಸಾವಿರ ಕುರಿಗಳನ್ನು ಬುಧವಾರ ಬಲಿ ಕೊಡಲಾಗಿದೆ. ಮಧ್ಯಾಹ್ನ ಮತ್ತು ರಾತ್ರಿ ಬೀಗರು, ಸ್ನೇಹಿತರು, ಬಂಧುಗಳ ಜೊತೆ ಕೂಡ ಭರ್ಜರಿ ಬಾಡೂಟವನ್ನು ದಾವಣಗೆರೆ ಜನ ಸವಿದಿದ್ದಾರೆ. ಇಂದು ಗುರುವಾರ ಕೂಡ ಕುರಿಗಳ ಬಲಿ ನಡೆಯಲಿದ್ದು, ದಾವಣಗೆರೆಯಲ್ಲಿ ಇನ್ನೂ ಮೂರು ದಿನ ಬಾಡೂಟದ ಗಮ್ಮತ್ತು ಇರಲಿದೆ. ಕುರಿ ಚರ್ಮ ಐನೂರು ರೂಗಳವರೆಗೆ ಮಾರಾಟವಾಗಿದೆ. ಬಿಗಿ ಭದ್ರತೆ, ಕೈತಪ್ಪಿದ ಮಕ್ಕಳು ಪೋಷಕರ ಮಡಿÀಲಿಗೆ: ಇಷ್ಟು ದೊಡ್ಡ ಜಾತ್ರೆ ನಡೆದರೂ ಮೊಬೈಲ್, ಆಭರಣಗಳು ಸೇರಿದಂತೆ ಯಾವುದೇ ರೀತಿ ಕಳವುಗಳು ನಡೆದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಹಬ್ಬದ ನಿಮಿತ್ತ 1500 ಪೊಲೀಸರನ್ನು ನಿಯೋಜಿಸಲಾಗಿತ್ತು. 40 ಜನ ಮುಫ್ತಿ ಪೊಲೀಸರು ಕಾರ್ಯನಿರ್ವಹಿಸುತ್ತಿದ್ದರು. ಅನುಮಾನಾಸ್ಪದ ವ್ಯಕ್ತಿಗಳು ಕಂಡು ಬಂದರೆ ದೇವಸ್ಥಾನ ಆವರಣದಲ್ಲಿ ತೆರೆಯಲಾಗಿದ್ದ ಉಪ ಪೊಲೀಸ್ ಠಾಣೆಗೆ ಕರೆ ತಂದು ವಿಚಾರಣೆ ನಡೆಸಿ, ಅವರ ವಿವರಗಳನ್ನು ಪಡೆದು ಕಳುಹಿಸಲಾಗುತ್ತಿತ್ತು. ಕೈತಪ್ಪಿದ ಕೆಲವು ಮಕ್ಕಳನ್ನು ಪೊಲೀಸರ ಮೈಕ್‌ಗಳ ಮೂಲಕ ಕೂಗಿ ಹೇಳಿ ಪೋಷಕರ ಮಡಿಲು ಸೇರಿಸಿದರು. ಸಿಕ್ಕಸಿಕ್ಕವರ ಮೇಲೆ ಹಲ್ಲೆ: ದೇವಿಗೆ ಬಲಿ ಕೊಟ್ಟ ಎನ್ನಲಾದ ಪ್ರಾಣಿಯ ಕಾಲುಗಳನ್ನು ಹಿಡಿದು ಯುವಕನೊಬ್ಬ ಜನರ ಮೇಲೆ ಹಲ್ಲೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಶ್ರೀ ದುರ್ಗಾಂಬಿಕಾ ದೇವಿ ದೇವಸ್ಥಾನ ಸಮೀಪ ಘಟನೆ ನಡೆದಿದ್ದು, ಬಲಿ ಕೊಟ್ಟ ಪ್ರಾಣಿಯ ಕಾಲುಗಳಿಂದ ಸಿಕ್ಕ ಸಿಕ್ಕವರ ಮೇಲೆ ಹಲ್ಲೆ ಮಾಡಿದ್ದು, ಜನರು ಹಲ್ಲೆಯಿಂದ ತಪ್ಪಿಸಿಕೊಂಡು ಓಡಿದ್ದಾರೆ. ರಾತ್ರಿ ಇಡೀ ಕಾದು ಕುಳಿತ ಡಿಸಿ-ಎಸ್ಪಿ: ಜಾತ್ರೆ ನಿಮಿತ್ತ ಜಿಲ್ಲಾಡಳಿತ ಮತ್ತು ಪೊಲೀಸ್ ಇಲಾಖೆಯ ಸಹಯೋಗದಲ್ಲಿ ಜಾತ್ರೆಯ ಸುಗಮ ನಿರ್ವಹಣೆಗೆ ಕ್ರಮ ಕೈಗೊಳ್ಳಲಾಗಿತ್ತು. ಜನಸಂದಣಿ ಹೆಚ್ಚಿರುವ ಸ್ಥಳಗಳಲ್ಲಿ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಿದ್ದು, ಡ್ರೋನ್ ಮೂಲಕವೂ ನಿಗಾ ವಹಿಸಲಾಗಿತ್ತು. ಜಿಲ್ಲಾಧಿಕಾರಿ ಗಂಗಾಧರಸ್ವಾಮಿ, ಎಸ್ಪಿ ಶೇಖರ್, ಜಿಲ್ಲಾ ಪಂಚಾಯ್ತಿ ಸಿಇಓ ಗಿತ್ತೆ ಮಾದವ್ ವಿಠ್ಠಲ್ ರಾವ್ ದೇವಸ್ಥಾನ ಸ್ಥಳದಲ್ಲೇ ರಾತ್ರಿ ಇಡೀ ಕಾದು ಕುಳಿತು ಸೂಕ್ಷö್ಮವಾಗಿ ಆವಲೋಕಿಸಿದರು. ಕೋಣ ಬಲಿ ನಡೆಯಿತೆ?: ಶ್ರೀ ದುರ್ಗಾಂಬಿಕಾ ದೇವಿಗೆ ಬಿಡಲಾಗಿದ್ದ ಕೋಣವನ್ನು ಬಸವರಾಜ್ ಪೇಟೆಯ ಚೌಡಮ್ಮ ದೇವಸ್ಥಾನ ಹಿಂಭಾಗ ಬಲಿ ಕೊಡಲಾಗಿದೆ ಎನ್ನಲಾಗಿದೆ. ಆರೇಳು ಹೊಡೆತಗಳಿಗೆ ಕೋಣ ಬಲಿಯಾಗಿದೆ ಎಂಬ ಸುದ್ದಿ ಹರಡುತ್ತಿದ್ದಂತೆ ಹಬ್ಬ ಕಳೆ ಬಂದಿತು ಎನ್ನಲಾಗಿದೆ. ಇದನ್ನು ತಳ್ಳಿ ಹಾಕಿರುವ ಜಿಲ್ಲಾಧಿಕಾರಿ ಮತ್ತು ಎಸ್‌ಪಿ ಪ್ರಾಣಿ ಬಲಿಯಂಥ ಕೃತ್ಯಗಳು ನಡೆದಿಲ್ಲ. ಭಕ್ತರು ಅತ್ಯಂತ ಭಕ್ತಿಪರವಶರಾಗಿ, ಮೂಢನಂಬಿಕೆಗಳಿAದ ದೂರವಾಗಿ ಜಾತ್ರೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ತಿಳಿಸಿದ್ದಾರೆ. ಹಳೆ ನಗರದಲ್ಲಿ ಬಾಡೂಟದ ಘಮ: ದಾವಣಗೆರೆ ಹಳೆ ಭಾಗ ಬಾಡೂಟದಿಂದ ಘಮ ಘಮಿಸುತ್ತಿತ್ತು. ಹಬ್ಬದ ನಿಮಿತ್ತ ಪ್ರತಿ ಮನೆ ಮುಂಭಾಗ ಪೆಂಡಾಲ್ ಹಾಕಲಾಗಿತ್ತು. ಬುಧವಾರ ಸಂಜೆ 7 ಗಂಟೆಯ ನಂತರ ಬಾಡೂಟಕ್ಕೆ ಬರುವವರ ಸಂಖ್ಯೆ ಹೆಚ್ಚಾಗಿದ್ದರಿಂದ ಟ್ರಾಫಿಕ್ ಜಾಮ್ ಉಂಟಾಗಿ ವಾಹನ ಸವಾರರು ಪರದಾಡಿದರು. ಪೊಲೀಸರು ನಿಯಂತ್ರಿಸಲು ಹರಸಾಹಸ ಪಟ್ಟರು.

ದಾವಣಗೆರೆ ದುಗ್ಗಮ್ಮ ಜಾತ್ರೆ ವೈಭವ

ದುಗ್ಗಮ್ಮನಿಗೆ ಹರಕೆ ಸಲ್ಲಿಸಲು ಜನರ ನೂಕುನುಗ್ಗಲು ಹಳೆ ನಗರದ ಗಲ್ಲಿ ಗಲ್ಲಿಗಳಲ್ಲಿ ಬಾಡೂಟದ ಘಮ ದಾ ನಗರವಾಣಿ ಸುದ್ದಿ ದಾವಣಗೆರೆ: ಬುಧವಾರ ನಡೆದ ಶ್ರೀ ದುರ್ಗಾಂಬಿಕಾ ದೇವಿ ಜಾತ್ರೆಯ ಅದ್ದೂರಿತನಕ್ಕೆ, ಭಕ್ತಿ ಪರಾಕಾಷ್ಠೆಗೆ, ವಿದ್ಯುಕ್ತ ಆಚರಣೆಗೆ ದಾವಣಗೆರೆ ಜನತೆ ಸಾಕ್ಷಿಯಾದರು. ಶಿವಾಜಿ ನಗರದಲ್ಲಿರುವ ನಗರದ ಅಧಿದೇವತೆ ಶ್ರೀ ದುಗ್ಗಮ್ಮನ ದೇವಸ್ಥಾನದ ಸುತ್ತ ಮುತ್ತ ಎಲ್ಲಿ ನೋಡಿದರು ಭಕ್ತರ ಉಧೋ... ಉಧೋ.. ದುಗ್ಗಮ್ಮ ಎನ್ನುವ ಭಕ್ತಿಯ ಧ್ವನಿಯೇ ಕೇಳಿಸುತ್ತಿತ್ತು. ದಾವಣಗೆರೆ ನಗರದ ನಾಲ್ಕು ದಿಕ್ಕುಗಳಿಂದ ಮಧ್ಯ ರಾತ್ರಿ 12 ಗಂಟೆಯಿAದಲೇ ಶ್ರೀ ದುರ್ಗಾಂಬಿಕಾ ದೇವಸ್ಥಾನಕ್ಕೆ ಜನ ಸಾಗರವೇ ಹರಿದು ಬಂದಿತು. ಕುಟುಂಬ ಸದಸ್ಯರೆಲ್ಲ ಸೇರಿ ಹಣೆಯ ಮೇಲೆ ವಿಭೂತಿ, ಕುಂಕುಮ ಬಳಿದುಕೊಂಡು, ಕೈಯಲ್ಲಿ ಬೇವು ಹಿಡಿದು ಉಧೋ... ಉಧೋ... ದುಗ್ಗಮ್ಮನ ಎನ್ನುತ್ತ ಭಕ್ತಿಯಿಂದ ದೇವಸ್ಥಾನ ದಾರಿ ಹಿಡಿದರು. ಹರಕೆ ಹೊತ್ತವರು ದೇವಸ್ಥಾನ ಸುತ್ತ ಉರುಳು ಸೇವೆ, ದೀಡು ನಮಸ್ಕಾರ ಹಾಕಿ ದೇವಿಗೆ ತಮ್ಮ ಹರಕೆಯನ್ನು ತೀರಿಸಿದರು. ನಂತರ ದೇವಸ್ಥಾನ ಆವರಣದಲ್ಲಿ ಹರಕೆ ತೀರಿಸಿದ ಮಕ್ಕಳಿಗೆ ಪೋಷಕರು ಹೊಸ ಬಟ್ಟೆ ತೊಡಿಸಿ, ಆರತಿ ಎತ್ತಿ ಪೂಜೆಯನ್ನು ನೆರವೇರಿಸಿದರು. ರಾತ್ರಿಯಿಂದಲೇ ದೇವಸ್ಥಾನಕ್ಕೆ ಭಕ್ತರ ದಂಡು ಹರಿದು ಬರುತ್ತಿತ್ತು. ಜೊತೆ ಹರಕೆ ಕುರಿಗಳನ್ನು ಕೂಡ ಕರೆದುಕೊಂಡು ಬಂದು ಕೊನೆಯ ಪ್ರದಕ್ಷಿಣೆಯನ್ನು ಹಾಕಿದರು. ವೀಲ್ ಚೇರ್‌ನಲ್ಲಿ ಬಂದು ದೇವಿಯ ದರ್ಶನ ಪಡೆದ ಭಕ್ತೆಯೊಬ್ಬರು ಗಮನ ಸೆಳೆದರು. ದೇವಸ್ಥಾನ ಹೋಗಿ ಬರುವ ಭಕ್ತರಿಗೆ ನಗರದೆಲ್ಲೆಡೆ ಪಾನಕ, ಮಜ್ಜಿಗೆ ವ್ಯವಸ್ಥೆಯಲ್ಲಿ ಸಂಘ-ಸAಸ್ಥೆಗಳಿAದ ಮಾಡಲಾಗಿತ್ತು. ಬುಧವಾರ ದೇವಿಗೆ ಪದ್ಧತಿ ಪ್ರಕಾರ ಪೂಜೆಯನ್ನು ನೆರವೇರಿಸಿ ಬೆಳಗ್ಗೆ 8 ಗಂಟೆಗೆ ಚರಗ ಚೆಲ್ಲಲಾಯಿತು. ಕೈಯಲ್ಲಿ ಚರಗದ ಪುಟ್ಟಿ ಹಿಡಿದು ಯುವಕರು ಉಘೆ... ಉಘೆ... ದುಗ್ಗಮ್ಮ ಎನ್ನುತ್ತ ಚರಗ ಚೆಲ್ಲಿದರು. ಚರಗ ತಮ್ಮ ಮನೆಯ ಬಳಿ ಬರುತ್ತಿದ್ದಂತೆ ಭಕ್ತರು ಚರಗದ ಕಾಳುಗಳನ್ನು ಪಡೆದು ತಮ್ಮ ತಮ್ಮ ಮನೆಯ ಮೇಲೆ ಎಸೆದರು. ಇದರಿಂದ ತಮ್ಮ ಮನೆಯ ಮೇಲೆ ದೇವಿಯ ಕೃಪೆ ಇರಲಿದೆ ಎನ್ನುವುದು ನಂಬಿಕೆ. ಉಡುಪು ರಹಿತ ಬೇವಿನ ಉಡುಗೆ ಧರಿಸಿ ಭಕ್ತಿಯನ್ನು ಸಮರ್ಪಿಸುವುದು ನಿಷೇಧವಿದ್ದರೂ ಕೂಡ ಅನೇಕ ಭಕ್ತರು ಬೇವಿನ ಉಡುಗೆಯನ್ನು ಮನೆಯಿಂದಲೇ ಧರಿಸಿ ಬರುತ್ತಿದ್ದರು. ಆದರೆ ದೇವಸ್ಥಾನ ಆವರಣದಲ್ಲಿ ತಡೆದ ಮಹಿಳಾ ಮತ್ತು ಮಕ್ಕಳ ಇಲಾಖೆ ಸಿಬ್ಬಂದಿಗಳು ಭಕ್ತರಲ್ಲಿ ಅರಿವು ಮೂಡಿಸುವ ಕೆಲಸ ಮಾಡಿದರು. ನಂತರ ಉಡುಪು ಧರಿಸಿ ಅದರ ಮೇಲೆ ಬೇವು ಸುತ್ತಿಕೊಂಡು ಭಕ್ತಿಯನ್ನು ಸಮರ್ಪಿಸುವಂತೆ ಪ್ರೇರೇಪಿಸಿದರು. 30 ಸಾವಿರ ಕುರಿಗಳ ಬಲಿ: ಶ್ರೀ ದುರ್ಗಾಂಬಿಕಾ ದೇವಿ ಜಾತ್ರೆಯಿಂದ ಬುಧವಾರ ಸಂಪೂರ್ಣ ದಾವಣಗೆರೆ ಕಳೆಗಟ್ಟಿತ್ತು. ಪೂಜೆ ನೆರವೇರಿದ ನಂತರ ಹರಕೆ ಕುರಿಗಳನ್ನು ಬಲಿ ಕೊಡಲಾಯಿತು. ಅಂದಾಜಿನ ಪ್ರಕಾರ ಹತ್ತಿರ ಹತ್ತಿರ ಒಟ್ಟು 30 ಸಾವಿರ ಕುರಿಗಳನ್ನು ಬುಧವಾರ ಬಲಿ ಕೊಡಲಾಗಿದೆ. ಮಧ್ಯಾಹ್ನ ಮತ್ತು ರಾತ್ರಿ ಬೀಗರು, ಸ್ನೇಹಿತರು, ಬಂಧುಗಳ ಜೊತೆ ಕೂಡ ಭರ್ಜರಿ ಬಾಡೂಟವನ್ನು ದಾವಣಗೆರೆ ಜನ ಸವಿದಿದ್ದಾರೆ. ಇಂದು ಗುರುವಾರ ಕೂಡ ಕುರಿಗಳ ಬಲಿ ನಡೆಯಲಿದ್ದು, ದಾವಣಗೆರೆಯಲ್ಲಿ ಇನ್ನೂ ಮೂರು ದಿನ ಬಾಡೂಟದ ಗಮ್ಮತ್ತು ಇರಲಿದೆ. ಕುರಿ ಚರ್ಮ ಐನೂರು ರೂಗಳವರೆಗೆ ಮಾರಾಟವಾಗಿದೆ. ಬಿಗಿ ಭದ್ರತೆ, ಕೈತಪ್ಪಿದ ಮಕ್ಕಳು ಪೋಷಕರ ಮಡಿÀಲಿಗೆ: ಇಷ್ಟು ದೊಡ್ಡ ಜಾತ್ರೆ ನಡೆದರೂ ಮೊಬೈಲ್, ಆಭರಣಗಳು ಸೇರಿದಂತೆ ಯಾವುದೇ ರೀತಿ ಕಳವುಗಳು ನಡೆದಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಹಬ್ಬದ ನಿಮಿತ್ತ 1500 ಪೊಲೀಸರನ್ನು ನಿಯೋಜಿಸಲಾಗಿತ್ತು. 40 ಜನ ಮುಫ್ತಿ ಪೊಲೀಸರು ಕಾರ್ಯನಿರ್ವಹಿಸುತ್ತಿದ್ದರು. ಅನುಮಾನಾಸ್ಪದ ವ್ಯಕ್ತಿಗಳು ಕಂಡು ಬಂದರೆ ದೇವಸ್ಥಾನ ಆವರಣದಲ್ಲಿ ತೆರೆಯಲಾಗಿದ್ದ ಉಪ ಪೊಲೀಸ್ ಠಾಣೆಗೆ ಕರೆ ತಂದು ವಿಚಾರಣೆ ನಡೆಸಿ, ಅವರ ವಿವರಗಳನ್ನು ಪಡೆದು ಕಳುಹಿಸಲಾಗುತ್ತಿತ್ತು. ಕೈತಪ್ಪಿದ ಕೆಲವು ಮಕ್ಕಳನ್ನು ಪೊಲೀಸರ ಮೈಕ್‌ಗಳ ಮೂಲಕ ಕೂಗಿ ಹೇಳಿ ಪೋಷಕರ ಮಡಿಲು ಸೇರಿಸಿದರು. ಸಿಕ್ಕಸಿಕ್ಕವರ ಮೇಲೆ ಹಲ್ಲೆ: ದೇವಿಗೆ ಬಲಿ ಕೊಟ್ಟ ಎನ್ನಲಾದ ಪ್ರಾಣಿಯ ಕಾಲುಗಳನ್ನು ಹಿಡಿದು ಯುವಕನೊಬ್ಬ ಜನರ ಮೇಲೆ ಹಲ್ಲೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಶ್ರೀ ದುರ್ಗಾಂಬಿಕಾ ದೇವಿ ದೇವಸ್ಥಾನ ಸಮೀಪ ಘಟನೆ ನಡೆದಿದ್ದು, ಬಲಿ ಕೊಟ್ಟ ಪ್ರಾಣಿಯ ಕಾಲುಗಳಿಂದ ಸಿಕ್ಕ ಸಿಕ್ಕವರ ಮೇಲೆ ಹಲ್ಲೆ ಮಾಡಿದ್ದು, ಜನರು ಹಲ್ಲೆಯಿಂದ ತಪ್ಪಿಸಿಕೊಂಡು ಓಡಿದ್ದಾರೆ. ರಾತ್ರಿ ಇಡೀ ಕಾದು ಕುಳಿತ ಡಿಸಿ-ಎಸ್ಪಿ: ಜಾತ್ರೆ ನಿಮಿತ್ತ ಜಿಲ್ಲಾಡಳಿತ ಮತ್ತು ಪೊಲೀಸ್ ಇಲಾಖೆಯ ಸಹಯೋಗದಲ್ಲಿ ಜಾತ್ರೆಯ ಸುಗಮ ನಿರ್ವಹಣೆಗೆ ಕ್ರಮ ಕೈಗೊಳ್ಳಲಾಗಿತ್ತು. ಜನಸಂದಣಿ ಹೆಚ್ಚಿರುವ ಸ್ಥಳಗಳಲ್ಲಿ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಿದ್ದು, ಡ್ರೋನ್ ಮೂಲಕವೂ ನಿಗಾ ವಹಿಸಲಾಗಿತ್ತು. ಜಿಲ್ಲಾಧಿಕಾರಿ ಗಂಗಾಧರಸ್ವಾಮಿ, ಎಸ್ಪಿ ಶೇಖರ್, ಜಿಲ್ಲಾ ಪಂಚಾಯ್ತಿ ಸಿಇಓ ಗಿತ್ತೆ ಮಾದವ್ ವಿಠ್ಠಲ್ ರಾವ್ ದೇವಸ್ಥಾನ ಸ್ಥಳದಲ್ಲೇ ರಾತ್ರಿ ಇಡೀ ಕಾದು ಕುಳಿತು ಸೂಕ್ಷö್ಮವಾಗಿ ಆವಲೋಕಿಸಿದರು. ಕೋಣ ಬಲಿ ನಡೆಯಿತೆ?: ಶ್ರೀ ದುರ್ಗಾಂಬಿಕಾ ದೇವಿಗೆ ಬಿಡಲಾಗಿದ್ದ ಕೋಣವನ್ನು ಬಸವರಾಜ್ ಪೇಟೆಯ ಚೌಡಮ್ಮ ದೇವಸ್ಥಾನ ಹಿಂಭಾಗ ಬಲಿ ಕೊಡಲಾಗಿದೆ ಎನ್ನಲಾಗಿದೆ. ಆರೇಳು ಹೊಡೆತಗಳಿಗೆ ಕೋಣ ಬಲಿಯಾಗಿದೆ ಎಂಬ ಸುದ್ದಿ ಹರಡುತ್ತಿದ್ದಂತೆ ಹಬ್ಬ ಕಳೆ ಬಂದಿತು ಎನ್ನಲಾಗಿದೆ. ಇದನ್ನು ತಳ್ಳಿ ಹಾಕಿರುವ ಜಿಲ್ಲಾಧಿಕಾರಿ ಮತ್ತು ಎಸ್‌ಪಿ ಪ್ರಾಣಿ ಬಲಿಯಂಥ ಕೃತ್ಯಗಳು ನಡೆದಿಲ್ಲ. ಭಕ್ತರು ಅತ್ಯಂತ ಭಕ್ತಿಪರವಶರಾಗಿ, ಮೂಢನಂಬಿಕೆಗಳಿAದ ದೂರವಾಗಿ ಜಾತ್ರೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ತಿಳಿಸಿದ್ದಾರೆ. ಹಳೆ ನಗರದಲ್ಲಿ ಬಾಡೂಟದ ಘಮ: ದಾವಣಗೆರೆ ಹಳೆ ಭಾಗ ಬಾಡೂಟದಿಂದ ಘಮ ಘಮಿಸುತ್ತಿತ್ತು. ಹಬ್ಬದ ನಿಮಿತ್ತ ಪ್ರತಿ ಮನೆ ಮುಂಭಾಗ ಪೆಂಡಾಲ್ ಹಾಕಲಾಗಿತ್ತು. ಬುಧವಾರ ಸಂಜೆ 7 ಗಂಟೆಯ ನಂತರ ಬಾಡೂಟಕ್ಕೆ ಬರುವವರ ಸಂಖ್ಯೆ ಹೆಚ್ಚಾಗಿದ್ದರಿಂದ ಟ್ರಾಫಿಕ್ ಜಾಮ್ ಉಂಟಾಗಿ ವಾಹನ ಸವಾರರು ಪರದಾಡಿದರು. ಪೊಲೀಸರು ನಿಯಂತ್ರಿಸಲು ಹರಸಾಹಸ ಪಟ್ಟರು.

ನಗರ ದೇವತೆ ಶ್ರೀ ದುರ್ಗಾಂಬಿಕಾ ದೇವಿ ಜಾತ್ರೆಗೆ ಅದ್ದೂರಿ ಚಾಲನೆ: ಹಂದರ ಕಂಬ ಪೂಜೆ ನೆರವೇರಿಸಿದ ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ್

ದಾವಣಗೆರೆ ನಗರ ದೇವತೆ ಶ್ರೀ‌ ದುರ್ಗಾಂಬಿಕಾ ದೇವಿ ಜಾತ್ರೆಗೆ ಅದ್ದೂರಿ ಚಾಲನೆ ದೊರೆತಿದೆ. ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ್, ಸಂಸದೆ ಡಾ. ಪ್ರಭಾ‌ ಮಲ್ಲಿಕಾರ್ಜುನ್ ಮತ್ತು ಅವರ ಮಗ ಸಮರ್ಥ್ ಹಾಲು ತುಪ್ಪು ಹಾಕಿ, ಆರತಿ ಬೆಳೆಗೆ ಹಂದರ ಕಂಬ ಪೂಜೆಯನ್ನು ನೆರವೇರಿಸಿದರು. ಈ ಮೂಲಕ ಫೆ.24 ಮತ್ತು 25ರಂದು ನಡೆಯುವ ದುರ್ಗಾಂಬಿಕಾ ದೇವಿ ಜಾತ್ರೆಗೆ ಅದ್ದೂರಿ ಚಾಲನೆ ದೊರೆತಂತೆ ಆಗಿದ್ದು ಈ ಬಾರಿ ರಾಜ್ಯ ಮತ್ತು ಹೊರ‌‌ ರಾಜ್ಯದಿಂದ ಸುಮಾರು ಹತ್ತು ಲಕ್ಷ‌ ಜನ ಸೇರವ ನಿರೀಕ್ಷೆಯನ್ನು ದೇವಸ್ಥಾನ ಟ್ರಸ್ಟ್ ಹೊಂದಿದೆ.

ಉಕ್ಕಡಗಾತ್ರಿ ಸೇರಿ ವಿವಿಧೆಡೆ ಅಮಾವಾಸ್ಯೆ ಪೂಜೆ ಸಂಭ್ರಮ : ಅಪಾರ ಭಕ್ತರು ಭಾಗಿ

ಸುಕ್ಷೇತ್ರ ಉಕ್ಕಡಗಾತ್ರಿಯಲ್ಲಿ ಪವಾಡ ಪುರುಷ ಶ್ರೀ ಗುರು ಕರಿಬಸವೇಶ್ವರ ಅಜ್ಜಯ್ಯನ ಅಮಾವಾಸ್ಯೆ ಪೂಜೆಗೆ ಭಾನುವಾರ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿದ್ದರು .

ವಿವೇಕಾನಂದರ ಆದರ್ಶಗಳಲ್ಲಿ ಬಾಳು ಬೆಳಗಿಸಿಕೊಳ್ಳಬೇಕು

ಯುವ ಜನತೆಗೆ ಸ್ಫೂರ್ತಿಯ ಚಿಲುಮೆಯಂತಿದ್ದ ಸ್ವಾಮಿ ವಿವೇಕಾನಂದರ ಚಿಂತನೆ ಮತ್ತು ಸಂದೇಶಗಳು ಸಾರ್ವಕಾಲಿಕ ಪ್ರಸ್ತುತ ಎಂದು ಚಿಂತಕ ಶಿವನಕೆರೆ ಬಸವಲಿಂಗಪ್ಪ ತಿಳಿಸಿದರು.